مہنگے پٹرول اور ڈیزل کے باوجود آئل ریفائنریز کے منافع میں 1184 فیصد تک اضافہ

کراچی (این این آئی) پاکستان میں ایک طرف عوام مہنگے پٹرول اور ڈیزل سے متاثر ہیں تو دوسری جانب مقامی آئل ریفائنریز اور تیل و گیس کی تلاش کرنے والی کمپنیوں کے منافع میں گزشتہ سال کے مقابلے میں نمایاں اضافہ ریکارڈ کیا گیا ہے۔ پاکستان سٹاک ایکسچینج کو ارسال کردہ سہ ماہی مالیاتی نتائج کے مطابق اٹک ریفائنری کا خالص منافع جولائی سے ستمبر کے دوران 1.35 ارب روپے سے بڑھ کر 18.65 ارب روپے ہوگیا جو تقریباً 1184 فیصد اضافہ ظاہر کرتا ہے۔ مالیاتی نتائج کے مطابق نیشنل ریفائنری کا خالص منافع 11.57 ارب روپے، پاکستان ریفائنری لمیٹڈ کا 13.97 ارب روپے، پاکستان آئل فیلڈز کا 8.19 ارب روپے اور اٹک پٹرولیم لمیٹڈ کا خالص منافع 6.64 ارب روپے رہا۔