جیکب آباد: ٹرک ‘ موٹر سائیکل تصادم، دو بھائی جاں بحق، تیسرا زخمی

جیکب آباد(این این آئی)جیکب آباد کی تحصیل ٹھل میں گرڈ اسٹیشن کے قریب ٹرک اور موٹر سائیکل کے درمیان تصادم کے نتیجے میں دو بھائی جاں بحق جبکہ تیسرا بھائی زخمی ہوگیا۔تفصیلات کے مطابق حادثے میں انیس الرحمان لاشاری اور منیر احمد لاشاری موقع پر ہی جاں بحق ہوگئے، جبکہ ان کا چھوٹا بھائی علی لاشاری زخمی ہوگیا۔ حادثے کے بعد زخمی
اور جاں بحق افراد کی لاشوں کو تعلقہ اسپتال ٹھل منتقل کردیا گیا۔ذرائع کے مطابق تینوں بھائی اپنے گاؤں علی مراد لاشاری سے ٹھل شہر آرہے تھے کہ گرڈ اسٹیشن کے قریب حادثے کا شکار ہوگئے۔واقعے کی اطلاع ملتے ہی پولیس موقع پر پہنچ گئی اور ٹرک کو تحویل میں لے کر ڈرائیور کو گرفتار کرلیا۔