آئی سی سی کی نئی رینکنگ بابر کو دھچکا شاہین اور صاحبزادہ فرحان کی ترقی

لاہور(شوبزڈیسک)انٹرنیشنل کرکٹ کونسل(آئی سی سی)نے ون ڈے، ٹی 20 اور ٹیسٹ کرکٹ کی تازہ ترین رینکنگ جاری کردی، جس میں متعدد کھلاڑیوں کی پوزیشنز میں نمایاں ردوبدل دیکھنے میں آیا ہے۔ پاکستان کے بابر اعظم ون ڈے بیٹرز کی فہرست میں مزید 2 درجے نیچے چلے گئے، تاہم شاہین شاہ آفریدی اور صاحبزادہ فرحان اپنی رینکنگ بہتر بنانے میں کامیاب رہے۔آئی سی سی کی نئی ون ڈے رینکنگ کے مطابق قومی ٹیم کے سابق کپتان بابر اعظم 2 درجے تنزلی کے بعد نویں پوزیشن پر آگئے ہیں، جبکہ شاداب خان نے 32 درجے ترقی کرکے 92ویں نمبر پر جگہ بنالی ہے۔ون ڈے بیٹرز کی عالمی فہرست میں بھارتی بلے باز شبمن گل بدستور پہلے نمبر پر موجود ہیں۔ نیوزی لینڈ کے ڈیرل مچل دوسری اور بھارت کے ویرات کوہلی تیسری پوزیشن پر براجمان ہیں۔انگلینڈ کے 2 بلے بازوں بین ڈکٹ اور ہیری بروک کی رینکنگ میں بھی نمایاں بہتری آئی ہے۔ دونوں کھلاڑیوں نے 6، 6 درجے ترقی کی، جس کے بعد بین ڈکٹ ساتویں اور ہیری بروک آٹھویں نمبر پر پہنچ گئے۔ون ڈے بولرز کی درجہ بندی میں افغانستان کے راشد خان نے پہلی پوزیشن برقرار رکھی ہے، جبکہ جنوبی افریقہ کے کیشو مہاراج دوسرے اور پاکستان کے ابرار احمد تیسرے نمبر پر موجود ہیں۔پاکستان کے فاسٹ بولر شاہین شاہ آفریدی 2 درجے بہتری کے ساتھ چھٹی پوزیشن حاصل کرنے میں کامیاب ہوگئے، تاہم حارث رف کی رینکنگ میں 9 درجے تنزلی ہوئی ہے اور وہ 29ویں نمبر پر آگئے ہیں۔ون ڈے آل رانڈرز میں افغانستان کے عظمت اللہ عمرزئی کی حکمرانی برقرار ہے، جبکہ ان کے ہم وطن محمد نبی 5 درجے ترقی کے بعد تیسری پوزیشن پر پہنچ گئے ہیں۔