گوجرخان میں چوری کی دو وارداتیں،پانچ لاکھ روپے سے زائد رقم چوری

گوجرخان (بیورو رپورٹ) گوجرخان میں چوری کی مزید دو وارداتوں کے دوران پانچ لاکھروپے سے زائد رقم چوری کر لی گئی، پولیس نے الگ الگ مقدمات درج کر کے تفتیش شروع کر دی۔ پولیس حکام کے مطابق مین بازار میں بیڈ شیٹس فروخت کرنے والے ایک نامعلوم شخص نے گلیانہ موڑ کے قریب مدینہ مشینری ہارڈ ویئر اسٹور پر شاہد خان کے غلے سے ایک لاکھ 65 ہزار روپے نکال لیے اور کچھ فاصلے پر پہلے سے کھڑی مہران کار میں بیٹھ کر راولپنڈی کی جانب فرار ہو گیا۔ دوسری واردات میں سروس روڈ پر بنوں بیف پلا کے ساتھ واقع ماشااللہ دودھ دہی شاپ کے تالے توڑ کر ساڑھے تین لاکھ روپے چوری کر لیے گئے۔ پولیس کے مطابق یہ واردات 27 اکتوبر کی شب احسن علی کی دکان پر ہوئی، جہاں کانٹر کے تالے توڑ کر رقم نکالی گئی۔ دونوں واقعات کے الگ الگ مقدمات درج کر کے مزید تفتیش شروع کر دی گئی ہے۔