لاہور(آئی این پی)سری لنکا کےخلاف ڈیبیو میچ میں سنچری بنانےوالے نوجوان اوپنر امام الحق نے مستقبل میں بھی شاندار کارکردگی دکھانے کا عزم ظاہر کیا ہے۔بدھ کو علامہ اقبال انٹرنیشنل ایئرپورٹ لاہور پہنچنے پراوپنر امام الحق کا شاندار استقبال کیا گیا، ڈیبیو میچ میں سنچری بنانے پر ان کے چہرے سے خوشی عیاں تھی۔امام الحق نے کہا کہ چیف سلیکٹرانضمام الحق کی جانب سےٹیم میں منتخب کئے جانے پرہونےوالی تنقید کی وجہ سےدباضرورتھا لیکن وہ اس پریشرسے آزاد ہو کر کھیلے اور ڈیبیو پر سنچری بنانے والے دوسرے پاکستانی بننے کا اعزاز حاصل کیا۔قومی کرکٹر نے مستقبل میں ون ڈے کے ساتھ ٹیسٹ کرکٹ میں بھی پاکستان کی نمائندگی کرنے کی خواہش ظاہرکی ہے۔
