اسلام آباد (اے پی پی) صبح نو نیشنل کلے کورٹ ٹینس چیمپین شپ 2017ءکے مینز سنگل ایونٹ میں عقیل خان اور مزمل مرتضیٰ نے فائنل میں جگہ بنالی ہے، دلاور عباس پی ٹی ایف کمپلیکس اسلام آباد میں جاری صبح نو نیشنل کلے کورٹ ٹینس چیمپین شپ میں گذشتہ روز کھیلے گئے مینز سنگلز کے پہلے سیمی فائنل میں قومی رینکنگ میں پانچویں نمبر کے کھلاڑی مزمل مرتضیٰ نے دوسرے نمبر کے کھلاڑی ایم عابد کو ہرا کر بڑا اپ سیٹ کردیا۔ مزمل مرتضیٰ نے اپنے سے برتر حریف کے مقابلے میں شاندار کھیل کا مظاہرہ کیا اور سیمی فائنل میں فتح کے ساتھ ٹائٹل سے صرف ایک قدم کی دوری پر پہنچ گئے جہاں ان کا مقابلہ عقیل خان سے ہوگا جنہوں نے احمد چودھری کو شاندار مقابلے کے بعد شکست دی، مینز ڈبلز کے سیمی فائنل مقابلوں میں عقیل خان اور ہیر اعاشق کی جوڑی نے مدثر اور مزمل کو زیر کیا جبکہ دوسرا سیمی فائنل ایم عابد اور عثمان رفیق کے نام رہا جنہوں نے عبدال حیدر اور احمد چودھری کو شکست دی۔ لیڈیز سنگلز کے کوارٹر فائنل مقابلوںمیں سارہ منصور، سارہ محبوب، علینہ آفتاب اور اشنا سہیل نے اپنی حریفوں کے خلاف آسان فتوحات حاصل کے سیمی فائنلز میں پہنچنے کا اعزاز حاصل کیا،، بوائز انڈر 18 کے سیمی فائنل مقابلوں میں ایم شعیب اور ثاقب عمر فاتح قرار پائے ،مینز سنگلز کے پہلے سیمی فائنل مقابلے میںعقیل خان نے احمد چودھری کو 7-6(6), 6-2 سے شکست دے کر فائنل کے لئے کوالیفائی کر لیا جبکہ دوسرے سیمی فائنل میچ میں مزمل مرتضی نے محمدعابدکو7-6(5), 7-5 ہرا کر فائنل میں جگہ بنائی،بوائز انڈر 18 کے پہلے سیمی فائنل میچ میں ایم شعیب نے یوسف خان کو 4-6, 6-4, 6-4 سے جبکہ دوسرے سیمی فائنل میچ میںثاقب عمر نے حذیفہ عبدالرحمان کو 6-3, 7-6(1) سے شکست دے کر فائنل میں پہنچ گئے، ؒلیڈیز سنگلز کے کوارٹر فائنلز میں سارہ منصور نے شمزہ طاہر کو 6-0, 6-0 سے ،سارہ محبوب نے سارہ کیانی کو 6-1, 6-1 سے ، علینہ آفتاب نے ایشا جوادکو 6-0, 6-0 سے، اشنا سہیل نے مہوش چشتی کو 6-0, 6-2 سے شکست دے کر سیمی فائنل میچ جگہ بنالی،بوائز انڈر 14 کے کوارٹر فائنلزسمیع زیب نے ایم طلحہ خان کو 4-2, 4-2 سے ، زالان خان نے حمزہ رومان کو 2-4, 5-4(5), 4-0 سے، حامد اسرار نے عبدالصمد کو 4-2, 4-2 سے ، عزیر خان نے ایم حذیفہ خان کو 5-4(3), 5-4(6) سے ہرا کر سیمی فائنل کے لئے کوالیفائی کر لیا ہےمینز ڈبلزکے پہلے سیمی فائنل مقابلے میںعقیل خان / ہیر اعاشق نے مزمل مرتضیٰ / مدثر مرتضیٰ کو6-2, 4-6(10-7) سے شکست دے کر فائنل تک رسائی حاصل کر لی ہے، جبکہ دوسرے سیمی فائنل میچ میں ایم عابد/ عثمان رفیق نے عبدال حیدر / احمد چودھری کو 6-7(4), 6-1(10-1) سے ہرا کر فائنل میں داخل ہوگئے ہیں، مینز کے فائنل اور لیڈیز کے سیمی فائنل مقابلے (آج) جمعہ کو کھیلے جائیں گے۔
