لاہور (وقائع نگار) سکھ مذہب کے بانی بابا گورو نانک دیو جی کے 548ویںجنم دن کی تقریبات میں شرکت کیلئے بھارت سے26سو سے زائد سکھ یاتری خصوصی ٹرینوںکے ذریعے واہگہ ریلوے سٹیشن پہنچ گئے جہاں پر متروکہ وقف املاک بورڈ کے چیئرمین صدیق الفاروق نے یاتریوں کا استقبال کیا ۔ پاکستان سکھ گوردوارہ پر بندھک کمیٹی کے پردھا ن سردارتارا سنگھ، ایڈیشنل سیکرٹری شرائنز طارق خان وزیر ، ڈپٹی سیکرٹری عمران گوندل، فراز عباس، پی آر او عامر ہاشمی،سردار بشن سنگھ،سردار منندر سنگھ سمیت دیگر بورڈ افسران و سکھ رہنما موجود تھے۔اس موقع پر موجود میڈیا کے نمائندوںسے گفتگو کرتے ہوئے چیئرمین بورڈ صدیق الفاروق نے کہا کہ بھار ت سمیت دنیا بھر سے آنیوالے ہزاروں سکھ کو خوش آمدید کہتے ہیں ۔ یاتریوں کی سیکورٹی، رہائش، میڈیکل،لنگر اور سفری سہولیات سمیت تمام تر انتظامات مکمل کیے گئے ہیں۔ پاکستان ریلویز نے رائے ونڈ اجتماع کے پہلے مرحلے میں فرزندان توحید کو رائے ونڈ اور باباگورونانک دیو جی کے جنم دن پر ہزاروں سکھ یاتریوں کو ننکانہ صاحب پہنچانے کے لئے ایک بڑے ٹرین آپریشن کا آغاز کر دیا ہے۔ رائے ونڈ کے لئے سکھر ،میر پورخاص اور نواب شاہ سے خصوصی ٹرینیں چلائی گئی ہیں جبکہ معمول کی ٹرینوں پر بھی تبلیغی اجتماع کے ارکان کو سہولیات فراہم کی جا رہی ہیں۔ سکھر یاتریوں کے لئے خیر پور ،حیدرآباد اور میر پورخاص سے تین ٹرینیں ننکانہ صاحب کے لئے چلائی گئی ہیں۔ تبلیغی جماعت کے ارکان پانچ نومبر جبکہ سکھ یاتری سات نومبر کو رائے ونڈ اور ننکانہ صاحب سے خصوصی ٹرینوں کے ذریعے واپس لوٹیں گے۔ بھارت سے آنے والے سکھوں کے لئے بھی تین علیحدہ خصوصی ٹرینوں کی سہولت فراہم کی گئی ہے۔ ایڈیشنل جنرل منیجرٹریفک عبدالحمید رازی کی زیر صدارت ریلوے ہیڈ کوارٹرز میں رائے ونڈ اور ننکانہ صاحب کے لئے خصوصی ٹرینوں کے حوالے سے اجلاس ہوا جس میں انتظامات کا جائزہ لیا گیا۔ دوسری طرف آئی جی پاکستان ریلوے پولیس ڈاکٹر مجیب الرحمان کی ہدایت پر خصوصی ٹرینوں میں سکیورٹی کے فول پروف انتظامات کو یقینی بنا یا گیا ہے ۔ سپیشل ٹرنیوں میں ریلوے پولیس کے باوردی اور سادہ اہل کاروں کے علاوہ کمانڈوز کو بھی تعینات کیا گیا ہے ۔ وزیر ریلویز خواجہ سعد رفیق نے رائے ونڈ آنے والے فرزندان توحید اور ننکانہ صاحب پہنچنے والے سکھ یاتریوں کو بہترین سہولیات اور سکیورٹی فراہم کرنے کی ہدایت کی ہے۔ خواجہ سعد رفیق نے کہا کہ دین کی تبلیغ کے لئے نکلنے والوں کی خدمت کر کے خوشی اور اطمینان کا احساس ہو تا ہے ۔ ہم بہت جلد تبلیغی جماعت کے ارکان کو جدیدسہولتوں سے مزین نئے رائے ونڈ ریلوے سٹیشن کا تحفہ دیں گے جس کا سنگ بنیاد انہوں نے مولانا طارق جمیل کے ساتھ مل کر رکھا تھا ۔ خواجہ سعد رفیق نے کہا کہ بابا گورونانک کے 549جنم دن پر بھارت سمیت دُنیا بھر سے پاکستان تشریف لانے والے سکھ یاتری ہمارے مہمان ہیں ان کی عزت،تحفظ اور آو¿ بھگت ہمارا فرض ہے۔
گورونانک جنم دن تقریبات 26سوسکھ یارتری پاکستان پہنچ گئے
