امیتابھ بچن اور رشی کپور نے عید میلاد النبی کی مبارکباد پیش کی

ممبئی : ( ویب ڈیسک ) بالی ووڈ کے بگ بی نے فیس بک پرحضوراکرم کی ولادت باسعادت کے موقع پرمبارکباد دی ہے۔ اداکارکی جانب سے کی جانیوالی پوسٹ میں کچھ تصویریں بھی شیئر کی گئی ہیں جن میں آقائے دوجہاں کی تعریف میں پڑھی جانیوالی نعتوں کے اشعار بھی درج ہیں جبکہ ان ہی تصاویر میں انہوں نے مدینے کی تصویربھی شیئر کرائی ہے۔دوسری جانب رشی کپور نے اس بابرکت گھڑی سے متعلق مبارکباد کا پیغام جاری کیا اور جامع مسجد نئی دہلی میں کھڑے ہو کر اپنی تصویر شیئر کی۔ ا س موقع پر انہوں نے یہ وضاحت بھی کی کہ وہ فلم کی شوٹنگ کے سلسلے میں مسجد گئے تھے جہاں موجود لوگوں کو انہوں نے بہت اچھا پایا ہے۔ رشی کپور کا اپنے پیغام میں کہنا تھا کہ یہاں لوگ بہت ہی پیارے اور تعاون کرنیوالے تھے جنہوں نے فلم کی شوٹنگ کے دوران ہماری مدد کی۔