پاکستان میں ہم جنس پرستی ‘ سنسنی خیز انکشافات ‘ دو شیزہ سہلی سے شادی کیلئے وہ کام کر ڈالا کہ سب ششدر رہ گئے

گجرات (نیااخبار رپورٹ) آپس میں شادی کیلئے گھر سے بھاگنے والی لڑکیاں کراچی پہنچ گئیں۔ 18سالہ ثمن کی والدہ کا کہنا ہے کہ دونوں لڑکیاں آپس میں شادی کرنا چاہتی ہیں۔ شادی کارڈ بھی سامنے آ چکا ہے۔ ثمن کی والدہ نے کرن کے خلاف اغوا کا مقدمہ درج کرا دیا۔ اپنی نوعیت کا یہ منفردواقعہ جلالپور جٹاں میں سامنے آیا ہے۔ اہم انکشافات کے بعد ایف آئی آر درج ہو گئی جبکہ آئی جی پنجاب نے بھی رپورٹ طلب کر لی ہے۔ بتایا گیا ہے کہ تھانہ سٹی جلالپور جٹاں کے علاقہ محلہ چوہڑہ کی رہائشی کرن کی محلہ عیدگاہ میں رہنے والی 18سالہ ثمن سے گہری دوستی تھی۔ چند روز قبل کرن اپنی دوست ثمن کے گھر آئی اور اسے بازار لے جانے کا بہانہ بنا کر ساتھ لے گئی۔ سٹی جلالپور جٹاں پولیس نے مغویہ ثمن کی والدہ بشیراں بی بی کی رپورٹ پر کرن کے خلاف مقدمہ درج کر لیا۔ ثمن کی والدہ نے یہ حیرت انگیز انکشاف کیا ہے کہ کرن اور ثمن آپس میں شادی کرنا چاہتی ہیں۔ ثمن کی والدہ نے کرن کو بھی ایف آئی آر میں نامزد کیا ہے۔ پولیس کے مطابق جلالپور جٹاں سے آپس میں شادی کیلئے گھر سے بھاگنے والی لڑکیاں کراچی پہنچ گئیں۔ دونوں لڑکیوں کو کراچی سے جلد واپس لایا جائے گا۔ دونوں لڑکیوں نے آپس میں شادی کا کارڈ بھی بنا رکھا تھا۔ ثمن کی والدہ نے کرن اور اس کی والدہ کے خلاف اےوا کا مقدمہ درج کرایا تھا۔ ثمن کی والدہ نے میڈیا سے گفتگو کرتے ہوئے کہا کہ ثمن اور کرن آپس میں شادی کرنا چاہتی ہیں۔
آپس میں شادی