سو نم کپو ر کی شا دی کب ،کہاں ،کس سے ہو گی،اکشے کمار بھی کھل کر سا منے آگئے

ممبئی (ویب ڈیسک)انوشکا شرما اور ویرات کوہلی کی شادی کے بعد اب اداکارہ سونم کپور بھی شادی کی تیاریاں کررہی ہیں اور خبریں ہیں کہ وہ قریبی دوست آنند اہوجا کے ساتھ رواں سال اپریل میں شادی کے بندھن میں بندھ جائیں گی۔سونم کپور اپنی فلم ’پیڈمین‘ کی تشہیر اور شادی کی تیاریوں میں مصروف ہیں لیکن وہ شادی سے متعلق سوالوں کا جواب دینے سے کترا رہی ہیں۔حال ہی میں ایک تقریب میں اکشے کمار نے ساتھی اداکارہ سے شادی سے متعلق سوال کرڈالا اور سونم کو مشکل میں ڈال دیا۔اکشے کمار اور سونم کپور فلم ’پیڈمین‘ کی تشہیر کے لیے ایک تقریب میں موجود تھے جہاں صحافیوں نے سونم سے شادی سے متعلق سوال کیا لیکن وہ خاموش رہیں تاہم اچانک ہی اکشے کمار نے سونم سے سوال کردیا۔اکشے کے سوال پر سونم بھی حیران رہ گئیں لیکن اکشے نے بھی سونم کو حیرانی سے نکالتے ہوئے کہا کہ وہ شادی کب کریں گی بتا دیں کیوں انہیں ایک تحفہ دینا چاہتے ہیں۔ان کا کہنا تھا کہ اگر سونم کپور نے اسی سال شادی کی تو انہیں کھانا بنانے والی مشین تحفے میں دیں گے کہ ان کے شوہر انہیں کھانا بنا کے کھلاتے رہیں۔اکشے کمار کا جواب سنتے ہی تقریب میں قہقہے گونج اٹھے اور اداکارہ خود بھی شرماتی رہیں۔