لاہور (ویب ڈیسک) اداکارہ میگھا کا سعودی عرب اور دبئی کے بزنس مین نوید شریف 15 جنوری کو نکاح ہوا لیکن اب یہ انکشاف ہوا ہے کہ نوید شریف ناصرف سنگین مقدمات میں ملوث ہیں بلکہ اس سے قبل ان کی شادی سٹیج اداکارہ ہنی شہزادی کے ساتھ ہوئی جو 6 ماہ تک رہی۔نجی خبر رساں ادارے کے مطابق نوید شریف سنگین مقدمات میں ملوث ہیں جن کی شادی سٹیج اداکارہ ہنی شہزادی کیساتھ ہوئی تھی جو چھ ماہ تک قائم رہی۔ ان پر اپنی سابقہ اہلیہ یعنی ہنی شہزادی کی بھابھی اور سیکیورٹی گارڈ کو بھی قتل کرانے کا الزام ہے۔واضح رہے کہ اداکارہ میگھا نے ویڈیو پیغام میں کہا تھا کہ وہ اپنی زندگی کے نئے سفر کی جانب گامزن ہوئی ہیں اور 15 جنوری کو ان کا سعودی عرب اور دبئی کے بزنس مین نوید شریف کیساتھ سکائپ پر نکاح ہو گیا ہے۔انہوں نے فروری کے مہینے میں دعوت ولیمہ کی تقریب کے اہتمام کا اعلان بھی کیا جس میں شرکت کیلئے تمام عزیز و اقارب اور دوستوں کو دعوت دی جائے گی۔
