حدیقہ کیانی کی منقبت کے سوشل میڈیا پر چرچے

لاہور(کلچرل رپورٹر)گلوکارہ حدیقہ کیانی نے محرم الحرام کی مناسبت سے منقبت ریکارڈ کرالی ہے جسے گزشتہ دنوں ریلیز کردیا گیا ہے۔”مشکل آسانا“کے عنوان سے ریکارڈ کی گئی اس منقبت کو شائقین کی طرف سے بہت پذیرائی مل رہی ہے۔یہ کلام ان کے والدمحمداختر کیانی نے تحریر کیا تھا جبکہ اس کے ساتھ اس منقبت میں پشتو شاعر رفیق شنواری کا کلام بھی شامل کیا گیاجس کا میوزک خو د حدیقہ کیانی نے کمپوزکیا۔حدیقہ کیانی کی اس نئی منقبت کو سوشل میڈیا پر بھی خاصی پذیرائی مل رہی ہے ۔