Author: Khabrain News

پشاور: (ویب ڈیسک) پشاور ایئرپورٹ پر اے ایس ایف نے کارروائی کے دوران اسمگلنگ کی کوشش ناکام بنا دی، دبئی جانے والے مسافر سے 13 کلو ہیروئن برآمد ہوئی۔ ایئرپورٹس سکیورٹی فورس نے پشاور ایئر پورٹ پر کارروائی کرتے ہوئے تلاشی کے دوران دبئی جانے والے مسافر سے 13 کلو ہیروئن برآمد کر لی۔ مسافر محمد حامد خیرالبشر نے ہیروئن دو بیگوں کے اندر مہارت سے چھپائی تھی۔ ملزم کو ابتدائی تفتیش کے بعداے این ایف حکام کے حوالے کر دیا گیا ہے ۔

اسلام آباد: (ویب ڈیسک) وفاقی وزیر خزانہ مفتاح اسماعیل نے وفاقی شرعی عدالت کے فیصلے کا خیر مقدم کرتے ہوئے کہا کہ حکومت اور اسٹیٹ بینک اس اہم فیصلے کا بغور مطالعہ کریں گے۔ سماجی رابطے کی ویب سائٹ ٹوئٹر پر پیغام جاری کرتے ہوئے مفتاح اسماعیل نے لکھا کہ ہم ربا کیس میں وفاقی شرعی عدالت کے فیصلے کا خیر مقدم کرتے ہیں، حکومت اور اسٹیٹ بینک اس اہم فیصلے کا بغور مطالعہ کریں گے، پھر اس فیصلے کو نافذ کرنے کے عمل، اقدامات اور ٹائم فریم کا فیصلہ ہوگا۔ انہوں نے لکھا کہ اس بارے میں وفاقی شرعی…

لاہور: (ویب ڈیسک) مسلم لیگ ن کی نائب صدر مریم نواز نے کہا ہے کہ بنی گالا کے بھوت اگر باتوں سے نہیں مانتے تو سختی سے نمٹنا چاہیے۔ مسلم لیگ ن کی نائب صدر مریم نواز نے سماجی رابطے کی ویب سائٹ ٹوئٹر پر لکھا کہ عدالتی احکامات کے باوجود حمزہ شہباز کی حلف برداری کو ڈھٹائی سے روکا جا رہا ہے۔ انہوں نے کہا کہ آئین، قانون اور عدالتوں کا تمسخر اڑانا کسی نارمل انسان کا کام نہیں ہو سکتا۔ بنی گالہ کے بھوت اگر باتوں سے نہیں مانتے تو سختی سے نمٹنا چاہیے۔ مریم نواز نے کہا…

کراچی: (ویب ڈیسک) انٹر بینک میں ڈالر کی قدر میں کاروباری ہفتے کے چوتھے روز اضافہ ریکارڈ کیا گیا۔ اسٹیٹ بینک آف پاکستان کی جانب سے جاری کردہ اعداد و شمار کے مطابق انٹربینک میں ڈالر کی قدر میں 42 پیسے کا اضافہ ہوا۔ فاریکس ڈیلرز کے مطابق انٹربینک میں ڈالر 185.45 سے بڑھ کر 185.87 روپے پر بند ہوا ہے۔ انٹر بینک کے علاوہ اوپن مارکیٹ میں بھی ڈالر کی اونچی اڑان کا سلسلہ جاری ہے۔ آج کاروبار کے دوران ڈالر 50 پیسے مہنگا ہو کر 186 روپے 50 پیسے سے بڑھ کر 187 روپے پر پہنچ گیا ہے۔

اسلام آباد: (ویب ڈیسک) وزیر خارجہ بلاول بھٹو زرداری نے کہا ہے کہ کویت کے ساتھ دو طرفہ تعلقات کو مزید مستحکم بنانے کے لیے پر عزم ہیں۔ وزیر خارجہ بلاول بھٹو کو کویتی ہم منصب شیخ احمد ناصر المحمد الصباح نے ٹیلی فون کیا۔ وزیر خارجہ بلاول بھٹو اور کویتی ہم منصب کے درمیان دوطرفہ تعلقات پر تبادلہ خیال کیا گیا۔ کویتی وزیر خارجہ شیخ احمد ناصر المحمد الصباح نے بلاول بھٹو کو منصب سنبھالنے پر مبارک باد دی۔ اس موقع پر بلاول بھٹو زرداری نے کہا کہ پاکستان اور کویت کے برادرانہ تعلقات مثالی ہیں اور پاکستانیوں کی…

لاہور : (ویب ڈیسک) نیب نے فرحت شہزادی عرف فرح خان کےخلاف آمدن سے زائد اثاثوں، منی لانڈرنگ اور مختلف اکائونٹس رکھنے کے الزامات پرانکوائری شروع کردی ہے، چیئرمین نیب نے ڈی جی نیب لاہور کو انکوائری کا حکم دے دیا ہے۔ نیب کے اعلامیے کے مطابق میڈیا رپورٹس میں فرح خان پرغیر قانونی ذرائع سے اثاثے بنانے کا الزام عائد کیا گیا تھا۔ فرح ‏خان نے 9 بار امریکا اور 6 بار متحدہ عرب امارات کا سفر کیا۔۔۔فرح خان کے اثاثوں میں سال 2018ء کے بعد سے نمایاں ‏اضافہ ہوا۔ تین برس کے دوران فرح خان کے ذاتی اکائونٹ…

اسلام آباد: (ویب ڈیسک) پاکستان تحریک انصاف (پی ٹی آئی) کے رہنما شہباز گل نے کہا ہے کہ مریم نواز نے رمضان میں شر پھیلانے کا این او سی لیا ہوا ہے۔ سابق معاون خصوصی برائے سیاسی ابلاغ ڈاکٹر شہباز گل نے سماجی رابطے کی ویب سائٹ ٹوئٹر پر لکھا کہ پہلے اپنے لفافوں سے گھٹیا جھوٹی ایڈیٹڈ ویڈیو پھیلائی پھر اس پر پروپیگنڈا کر رہی ہیں۔ انہوں نے مریم نواز کو مخاطب کرتے ہوئے کہا کہ کس قدر مکار اور جھوٹی عورت ہیں۔ یقینناً آپ کی ساس بیچاری تو آپ سے پناہ مانگتی ہو گی، آپ تو وہ اسپیشل…

اسلام آباد: (ویب ڈیسک) وزیر اعظم شہباز شریف سعودی عرب کے 3 روزہ دورے کے لیے روانہ ہو گئے۔ انہوں نے کہا کہ دورہ سعودی عرب سے بھائی چارے اور دوستی کا رشتہ مزید پختہ ہو گا۔ وزیر اعظم شہباز شریف آج سعودی عرب کے 3 روزہ دورے پر روانہ ہو گئے۔ وزیر خارجہ بلاول بھٹو سمیت 13 رکنی وفد بھی وزیر اعظم کے ہمراہ ہے۔ روانگی سے قبل انہوں نے اپنے ایک بیان میں کہا کہ میں آج سعودی عرب کے دورے پر جا رہا ہوں۔ دورہ سعودی عرب سے بھائی چارے اور دوستی کا رشتہ مزید پختہ ہو…

لاہور: (ویب ڈیسک) پاکستان اور سری لنکا کے درمیان ویمن سیریز کی تیاریوں کیلئے تربیتی کیمپ 7 مئی سے کراچی میں لگایا جائے گا۔ ون ڈے اور ٹی ٹونٹی انٹرنیشنل سیریز کے لئے 18 مئی تک حنیف محمد ہائی پرفارمنس سینٹر کراچی میں جاری رہنے والے کیمپ میں 26 کھلاڑیوں کو طلب کیا گیا ہے جن میں ایمن انور، انعم امین، انوشہ ناصر، عائشہ بلال، عائشہ نسیم، عائشہ ظفر، غلام فاطمہ، گلِ فیروزہ، ارم جاوید، کائنات امتیاز، منیبہ علی صدیقی، نجیہ علوی، نتالیہ پرویز، ندا ڈار، عمیمہ سہیل، رامین شمیم، صدف شمس، سعدیہ اقبال، شوال ذوالفقار، سدرہ امین، سدرہ نواز،…

اسلام آباد: (ویب ڈیسک) حکومت نے آئندہ ماہ کیلئے پیٹرولیم مصنوعات کی قیمتیں نہ بڑھانے کا اعلان کر دیا۔ وزیراعظم شہباز شریف نے پٹرولیم مصنوعات کی قیمتوں میں اضافہ کی سمری مسترد کر دی۔ وفاقی وزیر اطلاعات و نشریات مریم اورنگزیب نے کہا ہے کہ پیٹرولیم مصنوعات کی موجود قیمتیں آئندہ ماہ برقرار رہیں گی، پچھلی حکومت کی نالائقی، نااہلی اور غلطیوں کی سزا عوام کو نہیں دے سکتے، مہنگائی کی ستائی عوام پہ مزید بوجھ نہیں ڈال سکتے۔