عدالت نے سابق سینیٹر فیصل رضا عابدی کی درخواست ضمانت 50 ہزار روپے کے مچلکوں کے عوض منظور کر لی ہے۔پیپلز پارٹی سے تعلق رکھنے والے سابق سینیٹر فیصل رضا عابدی کی درخواست ضمانت کی سماعت سیشن جج ملیر نے کی۔عدالت نے فیصل رضا عابدی کی ضمانت 50 ہزار روپے کے مچلکوں کے عوض منظور کی ہے۔سابق سینیٹر فیصل رضا عابدی کو گزشتہ ہفتے کراچی میں ان کی رہائشگاہ سے گرفتار کیا تھا اور ان کے خلاف غیر قانونی اسلحہ رکھنے کا مقدمہ درج کیا گیا تھا جب کہ عدالت نے فیصل رضا عابدی کو 19 نومبر تک جوڈیشل ریمانڈ پر بھیج دیا تھا۔
کراچی میں فرقہ وارانہ ٹارگٹ کلنگ کی لہر کے بعد قانون نافذ کرنے والے اداروں نے سابق سینیٹر فیصل رضا عابدی کو باقاعدہ گرفتار کر لیا۔ فیصل رضا عابدی کو پٹیل پاڑہ میں تبلیغی جماعت کے کارکنوں کے قتل کے حوالے سے تفتیش کی جائے گی۔نیو رضویہ سوسائٹی سے پیپلزپارٹی کے منحرف رہنما سابق سینیٹر فیصل رضا عابدی کو حراست میں لے لیا گیا جبکہ گھر سے اسلحہ بھی برا?مد کیا گیا ، قانون نافذ کرنے والے اداروں نے فیصل رضا عابدی سے ابتدائی تفتیش کے بعد انہیں ایسٹ زون پولیس کے حوالے کر دیا۔ایس ایس پی ایسٹ فیصل چاچڑ کے مطابق فیصل رضا عابدی کی گرفتاری گزشتہ روز پٹیل پاڑہ میں ہونے والے فائرنگ کے واقعے میں ڈالی گئی ہے۔ پٹیل پاڑہ میں فائرنگ کے واقعے میں تبلیغی جماعت کے دو کارکنوں کو قتل کیا گیا جس کا مقدمہ جمشید کوارٹر تھانے میں درج کیا گیا ہے۔
