دبئی (ویب ڈیسک): پاکستان کی مایہ ناز اداکارہ اور ماڈل ماہرہ خان نے پاکستان سپر لیگ میں شامل اپنے فیورٹ کھلاڑیوں کے کے نام ظاہر کردئیے۔ایک نجی ٹی وی کو انٹرویوکے دوران جب پشاور زلمی کی برانڈ ایمبیسیڈر ماہرہ خان سے ان کے فیورٹ کھلاڑی کے حوالے سے سوال کیا گیا تو انہوں نے جواب میں سب سے پہلے زلمی ٹیم کے کپتان ڈیرن سیمی کا نام لیا۔انہوں نے کہا: “ویسے تو سب ہی میرے فیورٹ کھلاڑی ہیں لیکن ڈیرن سیمی، وہاب ریاض اور حسن علی کو خاص طور پر زیادہ پسند کرتی ہوں۔”

ممبئی (ویب ڈیسک)فلم رئیس کی ریلیز کے موقع پر پاکستان کی خوبرو اداکارہ ماہرہ خان کے ساتھ بھارتی انتہا پسند ہندو تنظیموں کی جانب سے رکھے جانے والے سلوک اور دھمکیوں پر فلم کے ہدایت کار راہول ڈھولکیا بالآ خر بول پڑے۔واضح رہے کہ ماہرہ خان کی ڈیبیو بولی وڈ ‘رئیس’ تھی، جس میں انہوں نے شاہ رخ خان کے مدقابل کردار ادا کیا تھا، تاہم گذشتہ برس ستمبر میں ہونے والے اڑی حملے کے بعد پاک بھارت تعلقات کشیدہ ہونے کے باعث پاکستانی فنکاروں کے بھارتی فلموں میں کام کرنے پر پابندی لگا دی گئی۔اس پابندی کے باعث ماہرہ اپنی پہلی بالی وڈ فلم کی پروموشن کے لیے بھارت نہیں جاسکی تھیں۔حال ہی میں ماہرہ خان نے دبئی میں مصالحہ ایوارڈ شو میں شرکت کی، جہاں انہیں ایشیا کی با اثر خاتون کے ایوارڈ سے نوازا گیا۔اس دوران ایک بھارتی انٹرٹینمنٹ نیوز سائٹ بالی وڈ ہنگامہ نے ماہرہ خان کا انٹرویو لیا اور ان سے بھارت میں پاکستانی فنکاروں پر لگائی گئی پابندی کے بارے میں پوچھا گیا۔انٹرویو کے دوران ماہرہ خان نے مستقبل میں آنے والے فنکاروں کے لیے امن اور اچھے کی امید کا اظہار کیا۔یہ ویڈیو دیکھ کر فلم ’رئیس‘ کے ہدایت کار راہول ڈھولکیا شرمندہ ہوگئے اور انہوں نے اپنے جذبات کا اظہار ایک ٹوئیٹ کے ذریعے کیا۔راہول ڈھولکیا نے ماہرہ خان کے انٹرویو کی ویڈیو شیئر کرکے کیپشن میں لکھا کہ ’مجھے کہیں نا کہیں یہ احساس ہوتا ہے کہ ہم نے ماہرہ خان کے ساتھ غلط کیا، ہمارے لوگ بھول گئے کہ وہ ایک فنکار تھیں کوئی دشمن نہیں، ہم نے ایک اداکار سے اس کا حق چھین لیا۔ساتھ ہی راہول نے فلم ’رئیس‘ کا حصہ بننے پر ماہرہ کا شکریہ بھی ادا کیا۔

کراچی: عالمی شہرت یافتہ پاکستانی اداکارہ ماہرہ خان نے اداکار رنبیر کپور کے ساتھ سگریٹ پیتے ہوئے وائرل ہونےوالی تصاویر پر بالآخر خاموشی توڑدی۔چند روز قبل اداکارہ ماہرہ خان اوررنبیر کپورکی چند تصاویر وائرل ہوئی تھیں جن میں ماہرہ خان سفید رنگ کے مختصر لباس میں رنبیر کپور کے ساتھ آدھی رات کو نیویارک کی سڑکوں پرسگریٹ نوشی کرتی ہوئی نظرآرہی تھیں۔

ان تصاویر نے پاکستان سمیت بھارتی میڈیا میں ہنگامہ مچادیا تھا اورماہرہ خان کو مختصر لباس پہن کر سگریٹ پینے پر سوشل میڈیا صارفین کی جانب سےکڑی تنقید کا نشانہ بنایاگیا تھا۔  صارفین نے یہ بھی کہا تھا کہ ایک پاکستانی اورمسلمان خاتون کو کسی غیرمرد کے ساتھ مختصر لباس پہن کر سگریٹ نوشی کرنا بالکل بھی زیب نہیں دیتا۔ تاہم پاکستان اور بھارت کی شوبزانڈسٹری سے تعلق رکھنےوالے فنکاروں نے ماہرہ کی حمایت کرتے ہوئے تنقید نگاروں کو جواب دیتے ہوئے کہا کہ یہ ماہرہ خان کی اپنی زندگی ہے وہ جیسا چاہیں لباس پہن سکتی ہیں اورجوچاہیں کرسکتی ہیں کسی کوبھی ان کی نجی زندگی کے بارے میں بولنے کا کوئی حق نہیں۔

تاہم اب ماہرہ خان نے بھی اس حوالے سے خاموشی توڑدی ہے اور پہلی بارایک تقریب کے دوران اس بارے میں اپنی رائے کا اظہار کرتے ہوئے کہا ہے کہ وہ میرا نجی معاملہ تھا، تاہم اس واقعے نے مجھے بہت کچھ سکھایا ہے۔ماہرہ خان نے اپنی نئی فلم ’’ورنہ ‘‘ کی ٹریلرلانچنگ تقریب میں میڈیا سے بات کرتے ہوئے کہا کہ میں اس بارے میں کیا تبصرہ کروں میں بہت زیادہ محتاط رہتی ہوں کیونکہ میڈیا ہر جگہ موجود ہے، تاہم اس واقعے نے بہت کچھ سکھادیا ہے۔ ماہرہ نے کہا کہ یہ تصاویر کسی فلم کا حصہ نہیں تھیں، لڑکے اور لڑکی کا ساتھ گھومنا معمول کی بات ہے اس میں کچھ بھی غیر معمولی نہیں۔

لاہور (خصوصی رپورٹ) کوئین اداکارہ میرا نے ایک بار پھر اداکارہ ماہرہ خان پر لفظوں کی گولیہ باری شروع کردی۔ فلمسٹار میرا نے ماہرہ خان کی بھارتی اداکارہ رنبیر کپور کے ساتھ تصویریں سوشل میڈیا پر وائرل ہونے کے بعد اپنے ردعمل کا اظہار کرتے ہوئے کہا کہ ماہرہ خان خودغرض‘ کرپٹ اور نشے کی عادی ہے۔ میں نے اس سے پہلے بھی ماہرہ خان کے حوالے سے سوشل میڈیا پر سٹیٹس اپ لوڈ کیا تھا مگر کسی نے میری بات کو سنجیدگی سے نہیں لیا۔ میرا نے کہا کہ مجھے ماہرہ خان سے کوئی ذاتی رنجش نہیں مگر جو بھی ملکی مفاد کے خلاف کام کرے گا میں اس کے خلاف آواز بلند کرتی رہوں گی۔

انقرہ(ویب ڈیسک) پاکستانی اداکارہ ماہرہ خان کی ترکی کے ساحل کی نئی تصویر نے انٹرنیٹ پر تہلکہ مچادیا، وہ ان دنوں ترکی میں چھٹیاں منا رہی ہے۔تفصیلات کے مطابق خوبصورت پاکستانی اداکارہ ماہرہ خان سوشل میڈیا پر بہت متحرک ہیں، ہر وقت سوشل میڈیا پر پوسٹنگ میں مصروف رہتی ہے، ان دنوں وہ چھٹیوں گزارنے کیلئے ترکی میں موجود ہے۔ماہرہ خان نے سوشل میڈیا کی ویب سائٹ انسٹاگرام پر ترکی کے ساحل پر موجود اپنی تصویر شئیر کی، جس میں انھوں نے جالی دار میکسی پہن رکھی ہے، اس تصویر نے انٹرنیٹ پر تہلکہ مچا دیا۔یاد رہے کہ چند روز قبل اطلاعات تھیں کہ ماہرہ خان نے اچانک فلم ”مولا جٹ 2“ میں کام کرنے سے انکار کردیا تھا کیونکہ ان دنوں وہ شعیب منصور کی فلم ”ورنہ“ کی شوٹنگ کرارہی ہیں جب کہ انھوں نے فرجادبنی اور مینوگور کی فلم ”سات دن محبت ان“ میں بھی کام کا معاہد ہ کیا ہوا ہے۔

اسلام آباد(ویب ڈیسک) بھارتی فلم “رئیس” کو پاکستان میں نمائش کی اجازت مل گئی ہے اور فلم ( آج )اتوار سے ملک بھر کے سنیما گھروں میں دکھائی جائے گی۔پاکستان میں بھارتی فلموں کی نمائش کی اجازت ملنے کے بعد ایک اور بالی ووڈ فلم “رئیس” بھی سنیما گھروں کی زینت بننے جارہی ہے، مرکزی فلم سنسر بورڈ کی جانب سے رئیس کو سرٹیفکیٹ جاری کردیا گیا ہے۔بھارت کے سپر اسٹار شاہ رخ خان اور ماہرہ خان کی فلم 5 فروری سے نمائش کیلئے پیش کردی جائے گی، اس سے پہلے “قال” اور “اے دل ہے مشکل” کو بھی نمائش کی اجازت مل چکی ہے۔

ٹورنٹو/واشنگٹن (ویب ڈیسک) شاہ رخ خان کی نئی فلم رئیس نے دنیا بھر میں کامیابی کے جھنڈے گاڑھ دیئے، ہندو انتہاء پسندوں کو کہیں بھی پذیرائی نہ ملی، امریکا اور کینیڈا میں 5 روز کے دوران 2 ملین ڈالر سے زائد کما لئے۔بالی ووڈ کنگ شاہ رخ خان اور پاکستانی اداکارہ ماہرہ خان کی نئی فلم رئیس نے بھارت سمیت دنیا بھر میں 5 دن کے دوران 100 کروڑ روپے سے زائد کا بزنس کرلیا، رئیس نے ریتک روشن کی فلم قابل کو بھارت کے ساتھ ساتھ بیرون ملک بھی پیچھے چھوڑ دیا۔بھارتی میڈیا کے مطابق کنگ خان کی فلم رئیس نے امریکی باکس آفس پر بھی کافی پذیرائی حاصل کی ہے، گزشتہ روز تک صرف 5 دن کے دوران 2.36 ملین (23 لاکھ 60 ہزار) ڈالر کا بزنس کرلیا جو تقریباً 16 کرورڑ روپے بنتے ہیں۔

لاہور (ویب ڈیسک)ماہرہ خان پاکستان میں ہی نہیں بلکہ سرحد پار بھی لاکھوں دلوں کی دھڑکن ہیں، ایک بھارتی پرستار کے سوال پر بتایا کہ رئیس کے گانے کی مقبولیت سے وہ شرما گئیں۔سماجی رابطے کی ویب سائٹ ٹوئٹر پر ’ماہرہ سے پوچھیے‘ کے ہیش ٹیگ کے ساتھ جب ان سے ایک بھارتی پرستار نے پوچھا کہ انہیں عوام میں مقبول ہوتا ’رئیس‘ کا گانا دیکھ کر کیسا لگا تو ماہرہ کا جواب تھا کہ وہ شرما گئیں۔

ممبئیّ(ویب ڈیسک) شاہ رخ خان کی فلم رئیس میں پاکستانی اداکارہ ماہرہ خان کی جگہ بھارتی اداکارہ کو شامل کرنے کا فیصلہ کیا گیا ہے۔اڑی حملے کے بعد سے پاکستان اور بھارت کے درمیان صورتحال کافی کشیدہ ہے جب کہ اس تمام صورتحال پر بالی ووڈ انڈسڑی میں ایک نیا تنازع کھڑاہوگیا ہے اور پاکستانی فنکاروں کے بھارت میں کام کرنے کے معاملے پر فلم نگری دو حصوں میں بٹ گئی ہے،کئی نامور بھارتی اداکاروں نے پاکستانی اداکاروں کے حق میں آواز بلند کی ہے تو کوئی زہر اگل رہا ہے۔ اب بھارتی میڈیا میں خبریں گردش کررہی ہیں کہ شاہ رخ خان کی فلم” رئیس“ میں کنگ خان کے مد مقابل ہیروئین کا کردار اداکرنے والی مشہور پاکستانی اداکارہ ماہرہ خان کو فلم کی کاسٹ سے نکالا جارہا ہے اور ان کی جگہ کسی اور بھارتی اداکارہ کو شامل کیا جارہا ہے۔بھارتی میڈیا کے مطابق دونوں ممالک کے درمیان حالیہ کشیدگی کے باعث ماہرہ خان کو فلم سے نکالنے کا فیصلہ کیا گیا ہے، فلم کے ہدایت کار رتیش سدھوانی کیلئے یہ فیصلہ انتہائی تکلیف دہ ہے جب کہ اس مسئلہ سے نکلنے کے لیے دبئی میں شوٹنگ پر بھی غور کیا گیا لیکن مسئلے کا حل نہیں نکل سکا جس کے بعد اس بات کا فیصلہ کیا گیا ہے کہ ماہرہ خان کا کردار کوئی بھارتی اداکارہ نبھائے گی تاہم اس حوالے سے ابھی تک فلم پروڈیوسر شاہ رخ خان کی جانب سے کسی قسم کی کوئی تصدیق نہیں کی جاسکی ہے۔واضح رہے کہ بالی ووڈ اسٹار شاہ رخ خان کی فلم رئیس اگلے برس 26 جنوری کو نمائش کیلئے پیش کی جانی تھی جس میں ان کے مدمقابل اداکارہ ماہرہ خان اور نوازالدین صدیقی نے مرکزی کردار ادا کیا ہے۔قبل ازیں پروڈیوسر پاکستانی اداکارہ کی جگہ نئی ہیروئن کی تلاش میں ہیں ۔ اس سے پہلے فلم “ایم ایس دھونی ” سے فواد خان کے مناظر بھی کٹ کئے گئے ہیں ۔ اڑی سیکٹر پر حملے کے بعد بھارتی انتہا پسندوں نے دھمکی دی تھی کہ فلمساز بالی وڈ فلموں میں سے پاکستانی فنکاروں کو باہر نکالیں