لاہور( ویب ڈیسک) پی ایس ایل 2018 میں مزید انٹرنیشنل اسٹارز پی ایس ایل تھری کی کہکشاں کا حصہ بننے کیلیے تیار ہیں۔پی ایس ایل کے تیسرے ایڈیشن میں مزید کئی انٹرنیشنل کرکٹرز نچائززکودستیاب ہونگے،ملتان سلطانز سمیت تمام ٹیمیں 9، 9 کرکٹرز کو برقرار رکھنے یا تبادلوں کے فیصلے کرچکی ہیں،اب اگلے مرحلے میں ڈرافٹ کے ذریعے ہر ٹیم نے پلاٹینم، ڈائمنڈ اور گولڈ کیٹیگری کا ایک ایک، سلور،اتنے ہی ایمرجنگ اور 4تک سپلیمنٹری کھلاڑی منتخب کرنا ہیں۔گزشتہ ایونٹ کے بعد مختلف فرنچائزز کی طرف سے ریلیز کیے جانے والے پلیئرز ایک پول میں شامل اور ڈرافٹ کیلیے دستیاب ہونگے،ان میں ٹرنیشنل اسٹارز کی نئی کھیپ بھی شامل کی گئی ہے جس میں جنوبی افریقی پال ڈومینی، عمران طاہر، وائن پارنیل اور بائی مورکل، آسٹریلوی مچل جونسن،کرس لین اور جان ہیسٹنگز،انگلش عادل رشید،جیمز ونس اور ٹم بریسنن،نیوزی لینڈ کے لیوک رونچی،کولن منرو اور مچل میکلینگان،ویسٹ انڈین ایون لیوس، جیسن ہولڈر، لینڈل سیمنز اور ڈیرن براوو، سری لنکن اینجیلو میتھیوز،بنگلہ دیشی مستفیض الرحمان،افغانی راشد خان کے نام شامل ہیں۔یاد رہے کہ پروٹیز آل راو¿نڈر پال ڈومینی نے ٹیسٹ کرکٹ کو خیرباد کہتے ہوئے اپنی پوری توجہ محددد اوورز کی کرکٹ پر مرکوز کردی ہے،عمران طاہر اوروائن پارنیل بھی پاکستانی شائقین کے جانے پہچانے نام ہیں، کینگرو پیسر مچل جونسن بہترین فارم میں ہیں،کرس لین ٹی ٹوئنٹی کرکٹ میں جارحانہ بیٹنگ کی وجہ سے مشہور ہیں۔فرنچائزز سری لنکن آل راو¿نڈر اینجیلو میتھیوز کیساتھ ویسٹ انڈین بولراورآل راو¿نڈر جیسن ہولڈر کی خدمات حاصل کرنے کیلیے بھی پرجوش ہوں گی،کیوی لیوک رونچی اور مچل میکلینگان بھی مختصر فارمیٹ میں تہلکہ مچانے کی صلاحیت رکھتے ہیں، مستفیض الرحمان اور راشد خان بھی انٹرنیشنل کرکٹ میں مضبوطی سے قدم جماچکے، کھلاڑیوں کے انتخاب کیلیے ڈرافٹنگ کی تاریخ کا اعلان جلد متوقع ہے۔

لاہور (خصوصی نامہ نگار) ایف آئی اے اور خفیہ ادارے نے سپاٹ فکسنگ کے حوالے سے تفتیش کا دائرہ مزید وسیع کر دیا ، خفیہ ادارے نے کھلاڑیوں کے موبائل فون ڈیٹا کی مکمل فہرستیں غیر ملکی فون کمپنیوںسے منگوانے کی سفارشات بھجوا دی ہیں، سپاٹ فکسنگ کے حوالے سے بھارت کے بڑے جواریوں کے نام بھی سامنے آئے ہیں۔ ذرائع کے مطابق وزارت داخلہ کے حکم پر خفیہ ادارے کے افسروں نے دبئی میں ہونے والی پی ایس ایل کی مکمل معلومات حاصل کی ہیں جس کے مطابق میچ شروع ہونے سے دو روز قبل ہی بڑے بکیوں نے دبئی کے فائیو سٹار ہوٹل کے کمرے اپنے کارندوں سلیم پاشا، ممتاز راٹھور، وشواناتھ، سورج کمار سنگھ، پردیپ شرما کے نام پر بک کروا لئے تھے، بڑے بکیوں اور جواریوں نے پلان تیار کیا، لیپ ٹاپ اور موبائل فون سے کھلاڑیوں سے رابطے کرنے کی کوشش کی گئی۔ ذرائع کا کہنا ہے پی ایس ایل میچ سے کچھ عرصہ قبل ہی لاہور میں چند کھلاڑیوں سے بکیوں نے رابطے کئے اور ملاقات کر کے تمام معاملات کو طے کر لیا گیا تھا، وفاقی تحقیقاتی ادارے کے اینٹی کرائم یونٹ نے کھلاڑیوں کے بکیوں کے ساتھ رابطے اور ملاقاتوں کے تمام ثبوت حاصل کر لئے تھے جبکہ اسی حوالے سے شاہ زیب، عرفان، شرجیل خان، ناصر جمشید اور خالد لطیف سے مختلف پہلوﺅں پر پوچھ گچھ کی گئی۔ ذرائع کے مطابق دنیا بھر میں سپاٹ فکسنگ جاری ہے جس کا سب سے بڑا نیٹ ورک بھارت میں نئی دہلی اور ممبئی میں ہے اور اس نیٹ ورک میں بالی ووڈ کے معروف اداکار اور اداکارائیں بھی شامل ہیں جبکہ اس نیٹ ورک کے دیگر بڑے بکی اور جواری کراچی میں لانڈھی، ڈیفنس، اسلام آباد میں جی سیون، لاہور میں ڈیفنس اور جوہرٹاﺅن میں موجود ہیں اور یہ نیٹ ورک ساﺅتھ افریقہ، دبئی، بھارت سمیت دیگر ممالک میں بھی موجود ہے۔ خفیہ ادارے اور وفاقی تحقیقاتی ادارے کی جوائنٹ انویسٹی گیشن ٹیم نے سپاٹ فکسنگ کے حوالے سے اہم شواہد اکھٹے کر لئے ہیں اور کیس کے حوالے سے پی سی بی سے کوئی تعاون نہیں لیا جا رہا ہے۔ذرائع کے مطابق بالر محمد عرفان کے بیانات کے بعد ٹیم نے ویڈیو و دیگر اہم شواہد اکھٹے کئے ہیں، اس حوالے سے ڈائریکٹر ایف آئی اے ڈاکٹر عثمان کا کہنا تھاکہ سپاٹ فکسنگ کی میرٹ پر تفتیش جاری ہے اور کسی بے گناہ کو سزا نہیں ہوگی ،کیس کے حوالے سے اہم پیشرفت ہوئی ہے جو جلد سب کے سامنے آجائے گی۔ انہوں نے کہا جواریوں اور بکیوں میں بعض غیر ملکی بھی شامل ہیں اس حوالے سے غیر ملکی خفیہ اداروں سے بھی رابطہ کیا جائے گا۔ بھارتی بکیوں نے پاکستان سپر لیگ کو متنازع بنانے کیلئے جنوبی افریقہ ، دبئی اور پاکستان کے بکیوں کو دس ارب روپے سے زائد کے جوئے کی پیشکش۔ بھارتی بکیوں نے پاکستان کھلاڑیوں سے رابطے کرنے کیلئے فائیو سٹار ہوٹلوں کے کمروں کی بکنگ پر لاکھوں ڈالر خرچ کیے۔ دبئی کے ہوٹلوں کے عملے کو بھی لاکھوں روپے کی ٹپ دی گئی۔ ذرائع کے مطابق بھارتی بکیوں نے پاکستانی کھلاڑیوں کے ہوٹلوں کے کمروں کے قریب مہنگے کمروں کی بکنگ کروائی۔ ذرائع کا کہناہے کہ پاکستانی کھلاڑیوں کے ہوٹلوں میں موجود عملے کے بعض افراد کی مشکوک نقل و حرکت کی بھی تحقیقات کی جا رہی ہیں۔ ایف آئی اے نے پاکستانی کھلاڑیوں سے رابطے کرنے والے غیر ملکی بکیوں کے انٹرنیشنل فون نمبروں کا ریکارڈ بھی غیر ملکی ایجنسیوں کی مدد سے حاصل کرنے کیلئے رابطہ کیا ہے۔ ایف آئی اے کی تحقیقات کے دوران کئی مزید بکیوں کے نام بھی سامنے آئیں گے۔

لاہور(ویب ڈیسک ) پی ایس ایل کے فائنل کی آن لائن ٹکٹوں کی فروخت چند گھنٹوں میں ہی مکمل ہوگئی جب کہ منتخب بینکوں کے باہر شائقین کی لمبی قطاریں لگ گئیں ۔پی سی بی حکام نے پی ایس ایل فائنل دیکھنے والوں کیلئے 500 سے 12000 تک کی ٹکٹیں فروخت کیلئے پیش کی تھیں جو ہاتھوں ہاتھ فرو خت ہوگئیں۔ عمران خان، وقار یونس، وسیم اکرم انکلوژر کے تمام آئن لائن ٹکٹ فروخت ہوگئے جب کہ انضمام الحق حنیف محمد اورظہیرعباس انکلوذرکے بھی تمام آئن لائن ٹکٹ ہاتھوں ہاتھ بک گئے۔ دوسری جانب بینک آف پنجاب کی 15 شاخوں پر ٹکٹوں کی فروخت کا عمل جاری ہے، ٹکٹوں کے حصول کے لیے بینکوں کے باہر لمبی لمبی قطاریں لگی ہوئی ہیں، کئی جگہوں پرافرا تفری کی صورت حال ہے جس کی وجہ سے پولیس اور رینجرز کی بھاری نفری کو بینکوں کے باہر تعینات کردیا گیا ہے۔ پی ایس ایل کے لیے سب سے مہنگا 12 ہزارروپے کا ٹکٹ خرید نے والے قذافی اسٹیڈیم کے عمران خان، فضل محمود، وسیم اکرم اور وقار یونس کے ناموں والے انکلوژرز میں بیٹھ کر فائنل کا لطف لیں گے جب کہ جو لوگ میچ دیکھنے کیلئے آٹھ ہزار روپے کا ٹکٹ خریدیں گے ا±ن کو اے ایچ کاردار، رمیز راجہ، جاویدمیانداد انکلوژرز میں جگہ ملے گی۔ سب سے سستی ٹکٹیں سعید انور اور سرفراز نواز کے نام سے منسوب جنرل انکلوژرز کی ہیں جو کرسیوں سے محروم دونوں انکلوژرز میں داخلہ فیس 500 روپے ہے اور تماشائیوں کو فرشی نشستوں پر بیٹھنا ہوگا۔

لاہور (مانیٹرنگ ڈیسک ) پاکستان سپر لیگ اپنے اختتامی مراحل کی جانب ہے اور شائقین کرکٹ کا جنون اور جوش و خروش ہر آنے والے دن کے ساتھ بڑھتا جا رہا ہے۔ پی ایس ایل کو یوں تو دنیا بھر سے پسند کیا جا رہا ہے تاہم تازہ ترین میڈیا رپورٹس کے مطابق کردستان کی سابق ماڈل شین عزیز اکو نے بھی فائنل دیکھنے کے لیے لاہور آنے کا اعلان کردیا۔تفصیلات کے مطابق سابق مس کردستان اور مس کردستان ورلڈشین عزیز اکو نے ایک ویڈ یو پیغام جاری کرتے ہوئے کہا کہ میں اس حوالے سے بہت پرجوش ہوں۔ان کا کہنا تھا کہ میں پی ایس ایل کا فائنل دیکھنے لاہور جاﺅں گی اوراس کھیل کو سپورٹ بھی کروں گی۔

اسلام آباد (نیوز ڈیسک)پاکستان سپرلیگ (پی ایس ایل) میں کوئٹہ گلیڈی ایٹرز کےلئے کھیلنے والے انگلینڈ کے کھلاڑیوں لیوک رائٹ، کیون پیٹرسن اور ٹائمل مل نے لاہور میں ٹورنامنٹ کے فائنل میں شرکت سے انکار کردیا۔واضح رہے کہ پی ایس ایل 2017 کے پہلے پلے آف میچ میں پشاور زلمی کو سنسنی خیز مقابلے کے بعد ایک رن سے شکست دے کر کوئٹہ گلیڈی ایٹرز لیگ کے فائنل میں پہنچ چکی ۔کوئٹہ گلیڈی ایٹرز کے لیے کھیلنے والے لیوک رائٹ ¾ کیون پیٹرسن اور ٹائمل مل نے فائنل میں شرکت نہ کرنے کا اعلان سماجی رابطے کی ویب سائٹ ٹوئٹر پر کیا۔گذشتہ روز میچ جیتنے کے بعد لیوک نے اپنے ٹوئٹر پیغام میں کہاکہ ابھی تک یقین نہیں آرہا کہ کوئٹہ گلیڈی ایٹرز جیت گئی۔انھوں نے لکھا کہ بہت بوجھل دل کے ساتھ لکھ رہا ہوں کہ میں فائنل کےلئے لاہور نہیں آرہا، میری ایک فیملی ہے اور میں کرکٹ کے کھیل کے لیے خطرہ مول نہیں لے سکتا’۔لیوک نے اپنی ٹیم کوئٹہ گلیڈی ایٹرز کا شکریہ ادا کرتے ہوئے لکھا کہ ٹورنامنٹ بہت شاندار تھا جس میں بے پناہ ٹیلنٹ دیکھنے کو ملا۔دوسری جانب کیون پیٹرسن نے بھی ٹوئٹر پر دبئی سے لندن روانگی کا پیغام دیا اور ساتھ میں لکھا کہ وہ فیملی کے ساتھ وقت گزاریں گے، جس سے صاف ظاہر ہے کہ وہ فائنل کے لیے لاہور نہیں آرہے۔انگلینڈ کے کھلاڑی ٹائمل مل نے بھی فائنل کےلئے لاہور نہ آنے کا عندیہ دیا اور لکھا کہ وہ لاہور میں پی ایس ایل کے فائنل میں شریک نہیں ہوسکیں گے تاہم گھر پر بیٹھ کر میچ دیکھیں گے ¾ ساتھ ہی انھوں نے اپنی ٹیم کا شکریہ بھی ادا کیا۔آفیشلز کے مطابق انھوں نے غیر ملکی کھلاڑیوں کو فائنل میں شرکت کےلئے راضی کرنے کی کوشش کی لیکن ملک میں گذشتہ ماہ ہونے والے دہشت گردی کے واقعات کے باعث کھلاڑی رضامند نہ ہوئے۔پاکستان کرکٹ بورڈ (پی سی بی) کے ایک عہدیدار نے تصدیق کی کہ غیر ملکی کمنٹیٹرز ای این بشپ اور ڈینی موریسن نے بھی فائنل کےلئے لاہور نہ آنے کا فیصلہ کیا ہے، جس کے بعد پی سی بی نے وقار یونس کو کمنٹری کو بلوایا ۔گذشتہ روز پاکستان سپر لیگ کے نشریاتی حقوق کی حامل برطانوی کمپنی سن سیٹ اینڈ وائن لاہور میں ہونے والے ایونٹ کے فائنل کے نشریاتی حقوق سے دستبردار ہو گئی تھی، جس کے بعد دبئی کی پروڈکشن کمپنی انوویٹو پروڈکشن گروپ سے فائنل کےلئے خصوصی معاہدہ کرلیا گیا۔میڈیا رپورٹ کے مطابق فائنل کی کمنٹری ٹیم رمیز راجہ، بازید خان اور وقاریونس پر مشتمل ہوگی۔وقاریونس پی ایس ایل کے دبئی اور شارجہ میں کھیلے جانے والے میچز کی کمنٹری ٹیم میں شامل نہیں تھے۔