کھانسی قدرتی جسمانی ردعمل ہے جو گردوغبار سے اٹی ہوئی آب وہوا اور ٹریفک کے دھویں کی وجہ سے یا بلغمی جھلی پر انفیکشن کے نتیجے میں ہوتی ہے۔ کھانسی کسی سنگین بیماری کی علامت کو بھی ظاہر کرتی ہے۔ اگر کھانسی مسلسل کئی دنوں تک ہوتی رہے تو اس کی طبی ماہرین کی توجہ کی بہت زیادہ ضرورت ہوتی ہے بلغمی کھانسی کی وجہ سے ہونیوالا بلغم سفید سے ہر رنگ میں تبدیل ہونے لگتا ہے۔ اس کا رنگ مزید گہرا ہوجائے تو یہ عام طور پر انفیکشن کی نشاندہی کرتا ہے۔ خشک کھانسی‘ بخار اور فلو کی وجہ سے ایک ہفتہ بھی رہ سکتی ہے اور دوسری صورت میں اکثر یہ ایک عادت بھی بن جاتی ہے۔ جیسے بلاوجہ کھانسا وغیرہ ‘ مقدیم چینی طب میں پھیپھڑے جذباتی غم کے شریک کار تصور کئے جاتے ہیں۔ اچانک سے ملنے والی خبر کا شدید جھٹکا جیسے کسی عزیز کو موت کی خبر سینے کی جکڑ اور سانس کا مسئلہ استھیما(Asthima) وغیرہ جیسے مسائل کا باعث بن سکتی ہے۔ اعصابی نظام کے علاج کیلئے لیمن بام بہت مفید اور کارآمد ثابت ہوتا ہے۔ ان تمام کیفیتوں میں طبی لاج کا انتخاب کھانسی کی نوعیت پر محیط ہوتا ہے آیا کھانسی خشک ہے یا بلغمی اور بلغم کی رطوبت گاڑی ہے یا پتلی پانی جیسی ہے۔ کھانسی کے طبی علاج میں (Expevtoeants) بلغم نکالنے والی دوا کا اثر موجود ہوتا ہے۔ یہ طبی ادویات کھانسی کے عمل کو بڑھا دیتی ہے تاکہ بلغم کا اخراج ممکن ہوسکے اور آہستہ آہستہ پھر کھانسی کو بھی روک دیتی ہے۔ طبی ماہرین پھیپھڑوں میں بلغمی جھلی اور سانس کی نالیوں میں درطوبت کو نکالنے کیلئے ایسی ادویہ کا استعمال کرتے ہیں جس کی وجہ سے قے آئے اور تمام رطوبت جو سانس لینے کا عمل میں مشکلات اور رکاوٹ پیدا کر رہی ہیں اس کا اخراج ہوجائے اور سینہ بلغم سے صاف ہوجائے۔ رس بیری کا سرکہ بلغم صاف کرنے میں معاونت فراہم کرتا ہے۔ اگر اس میں کچلی ہوئی رس بیری بھی شامل کر دی جائے تو علاج کے ساتھ ذائقہ بھی بہتر ہوجائے گا۔ پیاز بھی کھانسی کے علاج کیلئے بہت فائدہ مند ثابت ہوسکتی ہے۔ شہد کا استعمال بھی بلغمی جھلی کو سکون اور شفا بخشتا ہے۔ بہتا ہوا زکام بھی عام طور پر کھانسی کی اہم وجہ ہوتا ہے۔ سونف اور سونف کے جوشاندے سے کھانسی میںبہت افاقہ ہوتا ہے اور اگلے کی خراش کو راحت ملتی ہے جو شاندہ اور چائے کی کھانسی کے علاج کیلئے پسلیوں کی مالش کرنے سے بھی بلغم باہر نکالنے میں مدد ملتی ہے۔ سینے کی مالش کیلئے بہت سے تیل مالش کیلئے بہت سے تیل تیار کئے جاتے ہیں۔ ان میں ایک طریقہ یہ ہے کہ 5 قطرے سونف کا تیل اور 10-10 قطرے گوند اور تھائم کے تیل 50ml بادام کا تیل ملا کر ان میں تین دفعہ سینے کی مالش کریں۔ اس سے کھانسی میں بہت آرام آئے گا اور سینے اور پھیپھڑوں کو بھی راحت حاصل ہوگی۔ مالش کا نعم الدبدل بھی ہوسکتا ہے کہ رمال پر اس مرکب کے چند قطرے ٹپکائے جائیں اوراس کو سونگھ لیا جائے یا رات کو سوتے وقت برتن میں پانی بھر کر اس مرکب کے چند قطرے پانی میں ڈال دیئے جائیں اور برتن کو کمرے میں میز رکھ دیا جائے تو اس سے رات میں کھانسی کے غلبے سے اعانت مل سکتی ہیں۔ ان تمام قدرتی گھریلو نسخوں سے کھانسی‘ جو سردیوں میں آپ کو الجھن وپریشانی کا شکار کر دیتی ہے سے نجات مل سکتی ہے۔
موسم سرما کی پریشانی …. کھانسی سے نجات پائیں
