پشاور(ویب ڈیسک)خیبر پختونخوا سے تحریک انصا ف کے ایم پی اے ضیااللہ آفریدی اپنی ہی حکومت پر الفاظ کی گولہ باری کرتے ہوئے کہا ہے کہ پرویز خٹک نے عمران خان کودھوکے میں رکھ کر صوبے کو برباد کر دیا،پختونوں کو ذلیل کرنے اورسیاسی انتقام لینے کیلئے احتساب کمیشن کا استعمال کیا جارہا ہے میڈیا سے گفتگو کرتے ہوئے ایم پی اے ضیا اللہ آفریدی کا کہنا ہے کہ پختونوں کو ذلیل کرنے کیلئے احتساب کمیشن بنایا گیا اور وزیر اعلی پرویز خٹک سیاسی انتقام کیلئے احتساب کمیشن کا استعمال کر رہے ہیں ۔انہوں نے مزید کہا کہ خیبر پختونخوا کا احتساب کمیشن نام نہاد ہے اور صوبے کے پیچھے دھکیلنے کیلئے احتساب کمیشن کا استعمال کیا جا رہا ہے ۔احتساب کمیشن نے زبردستی گواہ بنائے جس کے ثبوت موجود ہیں ۔ رکن صوبائی اسمبلی ضیااللہ آفریدی نے پرویز خٹک کو شدید تنقید کا نشانہ بناتے ہوئے کہا کہ 20دن گزرنے کے باوجود بھی احتساب کمیشن کا نیا ڈی جی تعینات نہیں کیا گیا اور وزیر اعلی سیاسی انتقام کیلئے خود اس کو چلانے کی کوشش کررہے ہیں ۔
