رشین ٹینس سٹارشراپوواٹینس کورٹ میں جلدواپسی کےلئے بے چین

ماسکو(اے این این) روس کی گولڈن گرل ماریا شراپووا ڈوپنگ پابندی ختم ہونے میں تقریباًدو ماہ باقی رہ گئے ہیں ۔ ماریا شراپووا اپریل میں ٹینس کورٹس میں واپسی کریں گی ۔ رشین سٹار 26اپریل کو شیڈول اسٹٹ گارٹ ویمنز ٹینس ٹورنامنٹ سے دوبارہ انٹرنیشنل کیریئر کا آغاز کریں گی ۔ شراپووا نے گزشتہ برس جنوری میں منعقدہ آسٹریلین اوپن میں آخری بار حصہ لیا تھا ۔ مارچ میں ڈوپ ٹیسٹ مثبت آنے پر ان پر 2برس کی پابندی عائد کی تھی تاہم بعدا ازاں انہوںنے پابندی کے خلاف اپیل کی تھی اور ان کی پابندی نوماہ کم کرکے 15ماہ کردی گئی تھی ۔ ان پر عائد پابندی رواں سال اپریل میں اختتام ہوگی اور وہ 26اپریل کو اسٹٹ گارٹ ٹورنامنٹ سے دوبارہ انٹرنیشنل کیریئر شروع کریں گی ۔ 29سالہ سابق چیمپئن نے کہا کہ مجھے خوشی ہے کہ اپنے فیورٹ ایونٹ کے ذریعے کھیل میں واپسی کر پاﺅں گی ۔ واضح رہے کہ انہوںنے 2012سے 2014تک لگاتار تین بار ایونٹ کی ٹرافی اپنے نام کی تھی ۔