کنگسٹن(ویب ڈیسک)قومی کرکٹ ٹیم کے سینئر اور ریکارڈ ساز بیٹسمین یونس خان اپنی آخری ٹیسٹ سیریز کو یادگار بنانے کیلئے تیار ہیں جن کا کہنا ہے کہ وہ پاکستان کی کامیابی کے ساتھ اپنے دس ہزار رنز مکمل کر کے منفرد انداز سے جشن منائیں گے۔ جونیئر کھلاڑیوں کیلئے رول ماڈل بننے کی خواہش کا اظہار کرنے والے قومی بیٹسمین نے واضح کیا کہ وہ اپنی آخری سیریز میں کچھ منفرد کرنے کا ارادہ رکھتے ہیں۔ ان کایونی ویژن نیوز سے کہنا تھا کہ وہ نئے کھلاڑیوں کیلئے ایک ایسی مثال بننا چاہتے ہیں جسے دیکھ کر وہ اپنے کیریئر کے اہم اہداف کا تعین کر سکیں۔ پاکستان کی جانب سے سب سے زائد ٹیسٹ رنز،سنچریوں اور کیچز کے مالک یونس خان کا کہنا ہے وہ جاتے ہوئے اپنا سر فخر سے بلند دیکھنا چاہتے ہیں۔
