لاہور(کلچرل رپورٹر ) بھارتی اداکارہ شیبا بھاگڑی مذہبی رسومات کی ادائیگی اور مقدس مقامات کی زیارت کے لئے پاکستان پہنچ گئی ہیں جہاں وہ چندروز مزیدقیام کریں گی۔ ذرائع نے بتایا ہے کہ شیبابھاگڑی چندروزقبل اپنے فیملی ممبران کے ہمراہ پاکستان آئی تھیں جہاں انہوں نے ننکانہ صاحب اور حسن ابدال سمیت دیگرشہروں میں مقدس مقاماتکی زیارات کیں جبکہ اس کے ساتھ ساتھ انہوں نے مختلف شہروں میں مقیم اپنے رشتہ داروں اوردوستوں سے بھی ملاقاتیں کیں۔ شیاب بھاگڑی بھارت میں بیس سے زائد فلموں کے علاوہ ڈراموں میں بھی کام کرچکی ہیں ۔
جبکہ انہوں نے پاکستان میں ڈائریکٹرسنگیتاکی ایک فلم میں بھی کام کیا تھا۔ اداکارہ ویناملک نے بھارتی پنجابی فلم”پنڈ دی کڑی“میں شیبا بھاگڑی کے ہمراہ کام کیا تھا۔

لاہور(شوبزڈیسک)اداکارہ نور بخاری نے خلع کی درخواست پر عدالت کو بیان قلمبند کرایا ہے کہ وہ کسی بھی قیمت پر شوہر کے ساتھ نہیں رہنا چاہتی۔تفصیلات کے مطابق اداکارہ نور بخاری اور ان کے شوہر ولی حامد کے درمیان علیحدگی اور اداکارہ کی طرف سے فیملی کورٹ میں خلع کی درخواست پر سماعت ہوئی اور نور برقع پہن کر عدالت میں پہنچی۔نور نے عدالت کو بیان قلمبند کرایااور کہا کہ شوہر کے ساتھ کسی قیمت پر رہنا نہیں چاہتی۔یاد رہے کہ اداکارہ نے اپنے شوہر سے خلع کیلئے فیملی کورٹ میں درخواست دی تھی جبکہ ولی حامد نے کہا تھا کہ وہ ہر قیمت پر اس رشتے کو برقرار رکھنا چاہتا ہے اور نور کیساتھ اپنی زندگی گزارنا چاہتے ہیں۔

ممبئی(شوبز ڈیسک) بالی وڈ اداکارہ سوناکشی سنہا نے کہا ہے کہ وہ فلم کی کامیابی اورناکامی کو یکساں طور سے دیکھتی ہیں۔بھارتی ذرائع ابلاغ کے مطابق سوناکشی سنہا نے کہا ہے کہ جب ان کی فلم باکس آفس پر کامیاب ہوتی ہے، تو وہ اس کا ڈھنڈورا نہیں پیٹتی اور جب فلم ناکام ہوتی ہے تواندھیرے کونے میں بیٹھ کر ماتم نہیں کرتیں ۔انہوں نے کہا ان کی پرورش اس طرح سے ہوئی ہے کہ میں کامیابی اورناکامی دونوں کو یکساں طور سے دیکھوں۔اداکارہ نے کہا کہ کسی نے کہا ہے کہ ناکامی کے مقابلے میں کامیابی لوگوں کو زیادہ برباد کرتی ہے،اس لئے غلطیوں سے سیکھنا ضروری ہے نہ کہ اس کے بارے میں سوچنا۔

راولپنڈی(شوبز ڈیسک)معروف ڈرامہ آرٹسٹ سائرہ سعید نے کہاہے کہ پاکستانی ڈراموں کی بڑھتی ہوئی مقبولیت خوش آئند ہے ،شوبز میں جدت لانے کیلئے حکومت کی طرف سے جدید آلات سے استفادہ حاصل کرنے کیلئے ٹھوس اقدامات کی ضرورت ہے تاکہ پاکستانی انڈسٹری کو بین الاقوامی مقابلے کیلئے تیارکیاجاسکے ، ان خیالات کا اظہار انہوں نے ایک انٹرویو میںکیا ہے کہ حکومت فن کی دنیا میں ابھرنے والوں کی رہنمائی وسرپرستی کرے ، آرٹسٹوں کو معاشی تحفظ کی فراہمی اور روزگار کے مواقع فراہم کرنا حکومت کی ذمہ داری ہے جس کیلئے ملک بھرمیں ٹھوس اقدامات کی اشدضرورت ہے ، سائرہ سعید کا کہناتھاکہ ملک میں پرائیویٹ پروڈکشن کی وجہ سے عام فنکار کو بھی اپنی صلاحیتوں کو استعمال کرنے کے مواقع میسرآرہے ہیں۔
اس شعبہ میں پڑھے لکھے نواجوں کی تعداد میں بھی مسلسل اضافہ ہوتا چلا جارہاہے جن کی حکومتی سطح پرحوصلہ افزائی کرنا وقت کی اہم ضرورت ہے۔

ممبئی (شوبز ڈیسک) بالی وڈ ہدایتکار و کوریوگرافر فرح خان نے کہا ہے کہ بالی وڈ میں کوئی صنفی فرق نہیں ہے اور مجھے اس بات پر یقین نہیں ہے کہ ہالی وڈ میں خواتین کے خلاف تعصب کیا جاتا ہے ۔بھارتی ذرائع ابلاغ کے مطابق ایک ورکشاپ میں گفتگو کرتے ہوئے انہوں نے کہا کہ ایسا نہیں ہے کہ اگر آپ ایک لڑکے ہیں تو آپ کو زیادہ کام دیا جائے گا اور اگر آپ ایک لڑکی ہیں تو آپ کو اس کے برعکس کم کام دیا جائے گا ایسا بالکل بھی نہیں ہے ،بالی وڈ فلم انڈسٹری میں لڑکیاں لڑکوں سے زیادہ محنتی ہیں۔ اورحقیقت میں سب کے ساتھ ایک جیسا برتاﺅ کیا جاتا ہے ۔
انہوں نے کہا کہ بالی وڈ فلم انڈسٹری میں کوئی صنفی فرق نہیں ہے۔

ممبئی(شوبزڈیسک )بولی ووڈ اسٹار سلمان خان نے اپنی سالگرہ پر اپنے مداحوں سے ہمیشہ رابطے میں رہنے کیلئے اپلیکیشن متعارف کرائی تھی۔ اب اسٹار کے اچھے دوست شاہ رخ خان بھی کچھ ایسا ہی کرنے جارہے ہیں۔بولی وڈ کے بادشاہ ماہ اپریل کے اختتام پر اپنے مداحوں کو خصوصی سرپرائز دینگے۔ شاہ رخ خان مداحوں سے براہ ارست رابطے میں رہنے کیلئے موبائل اپلیکشن متعارف کرائیں گے،جس کے ذریعے مداح اسٹار کی روزمرہ کی سرگرمیوں، فلموں کے پروجیکٹس سے آگاہ رہیں گے۔ اسٹار اور ان کے مداح بآسانی ایک دوسرے سے بات کرسکیں گے.ذرائع کا کہنا ہے کہ شاہ رخ خان اسے استعمال کررہے ہیں اور صارف کےتجربے کو بہتر بنانے کیلئے روزانہ فیڈ بیک دے رہے ہیں،اور اداکار اس کے خصوصی لانچ کیلئے رواں ماہ کے اختتام پر تقریب کا اہتمام کریں گے،ممکنہ تاریخ 22 اپریل ہوسکتی ہے۔سبسکرپشن اور اشتہارات کے ذریعے اپلیکشن کو آمدنی ہوگی اور مداح متعدد مقابلوں کے ذریعے انعامات بھی حاصل کرسکیں گے۔

لاہور(کلچرل رپورٹر)سٹیج اداکارآصف اقبال کاکامیاب پائی پاس آپریشن گزشتہ روز مقامی ہسپتال میں ہوا۔ اداکارکوتقریباً دس روزقبل دل کادورہ پڑنے پرپنجاب انسٹیٹیوٹ آف کاڈیالوجی میں داخل کرایا گیا تھاجہاں چندرو زعلاج کے بعد انہیں ڈسچارج کردیاگیا۔تاہم بعدازاں صوبائی وزیرخواجہ عمران نذیرکی سفارش پرانہیںدوبارہ داخل کیااور گزشتہ روزان کابائی پاس آپریشن کیاگیاجوکامیاب ہوگیا۔ بتایاگیاہے کہ آصف اقبال کوآپریشن کے آئی سی یووارڈمیںمنتقل کردیاگیاہے ۔ان کی طبیعت پہلے کی نسبت قدرے بہتر ہے۔