اسلام آباد (مانیٹرنگ ڈیسک) وزیر داخلہ چوہدری نثار علی خان نے کہا ہے کہ جس وقت ڈان لیکس کی تحقیقات کیلئے کمیٹی قائم کی گئی اس وقت میجر جنرل آصف غفور ڈی جی آئی ایس پی آر نہیں تھے اور نہ ان کا اس رپورٹ سے کوئی تعلق ہے۔ میں اپنے اس بیان پر قائم ہوں کہ ڈان لیکس کی سفارشات مرتب ہونے میں تاخیر کمیٹی میں اتفاق رائے نہ ہونے کی وجہ سے ہوئی تھی۔ ڈی جی آئی ایس پی آر کے بیان پر در عمل دیتے ہوئے چوہدری نثار کا کہنا تھا کہ کمیٹی کے قیام کے وقت جسٹس عامر رضا خان نے اس کی سر براہی اس شرط پر قبول کی کہ وہ صرف اس وقت کمیٹی کی رپورٹ پر دستخط کریں گے جس پر سب کا اتفاق رائے ہو جائےگا۔ اگر شروع میں ہی کمیٹی کی سفارشات پر سب اراکین کا اتفاق رائے ہو جاتا تو اس کمیٹی کو اپنی حتمی رپورٹ مرتب کرنے میں پانچ مہینے سے زیادہ وقت کیوں لگتا۔ان کا کہنا تھا کہ ڈی جی آئی ایس پی آر میجر جنرل آصف غفور کا نہ تو کمیٹی سے تعلق ہے اور نہ ہی وہ اس وقت ڈی جی آئی ایس پی آر تھے جب یہ کمیٹی تشکیل دی گئی۔ واضح رہے کہ ڈی جی آئی ایس پی آر میجر جنرل آصف غفور نے ایک پریس کانفرنس کی تھی جس میں مختلف معاملات زیر بحث آئے۔ ڈان لیکس کی رپورٹ پر پوچھے گئے سوال پر میجر جنرل آصف غفور کا کہنا تھا کہ اس حوالے سے اگر وزیر داخلہ چوہدری نثار نے اتفاق رائے کا کہا ہے تو ان سے پوچھا جائے، ڈان لیکس کے ذمہ داروں کے خلاف قانون کے مطابق کارروائی ہوگی۔

اسلام آباد(آن لائن) سابق صدر آصف علی زردار ی نے کہا ہے کہ اگلے انتخابات میں نواز شریف کی گنجائش نہیں رینجرز اختیارات کا معاملہ کچھ لو اور کچھ دو کی بنیاد پر طے ہو گا۔ اقتصادی راہداری اور گوادر ہمارے منصوبے ہیں۔ میں وزیراعظم نہیں بن سکتا۔ وزیراعظم کا فیصلہ پارٹی کرے گی۔ پانامہ کا فیصلہ نواز شریف کے خلاف نہیں آئے گا۔ ایان علی ، عزیر بلوچ کیس سے کوئی لینا دینا نہیں ۔ انہوں نے کہا کہ تحریک انصاف میں سنجیدگی نہیں ان کے ہاتھ میں ملک کا مستقبل نہیں سیاسی پارٹیاں ختم نہیں ہوتیں چلتی رہتی ہیں۔ نجی ٹی وی کو دیئے گئے انٹرویو میں آصف علی زرداری نے کہا کہ سندھ حکومت اور وفاقی حکومت کے درمیان کوئی اختلاف نہیں (ن) لیگ پری پول دھاندلی کرنا چاہتی ہے۔ میاں صاحب اگلے انتخابات میں کوئی گنجائش نہیں ۔ سندھ میں 18گھنٹے لوڈ شیڈنگ ہے حکومت سندھ سے گیس لے کر اپنوں کو دینا چاہتی ہے۔ پنجاب میں گیس کی کمی کو پورا ہونا چاہیئے سندھ سب سے زیادہ گیس پیدا کرتا ہے۔ سندھ کو بھی ملنی چاہیئے۔ انہوں نے کہا کہ شخصیات کا فرق ہوتا ہے۔ راحیل شریف اور قمر جاوید باجوہ کی شخصیات میں بھی فرق ہے۔ انہوں نے کہا کہ اومنی گروپ کو صرف گنا سپلائی کرتا ہوں کوئی لینا دینا نہیں ہے۔ ڈھونڈ رہا ہوں میرے دوستوں کو کس نے اٹھایا ہے۔ میرا خیال میں وفاقی ایجنسیوں نے اٹھایا ہے۔ عدالت کے ساتھ میں بھی ڈھونڈ رہا ہوں۔ انہوں نے کہا کہ سندھ میں رینجرز کے اختیارات میں توسیع کے لئے کچھ لو اور کچھ دو کرنا پڑے گا۔ انہوں نے کہا کہ نوا لغاری کا پیپلز پارٹی سے کوئی تعلق نہیں ۔ عزیر بلوچ کے خلاف وارنٹ پیپلز پارٹی کے دور میں نکلے تھے۔ اس کے خلاف 5آپریشنز کئے گئے۔ اگر عزیر بلوچ کا تعلق پیپلز پارٹی سے ہوتا تو ان کے وارنٹ نہ نکلتے انہوں نے کہا کہ بلاول اور میں پارٹی کو لیڈ کر رہے ہیں ہمیں لوگ بلا رہے ہیں۔ انتخابات بتائیں گے کس نے کیا کیا ہے۔ اگلے انتخابات میں اچھے نتائج نکلیں گے۔ انہوں نے کہا کہ ایان علی کیس سے کوئی لینا دینا نہیں۔ عرفان اللہ مروت کو دوبارہ پیپلز پارٹی میں لانا چاہوں گا۔ انہوں نے کہا کہ اقتصادی راہداری منصوبے اور گوادر منصوبے پر میں نے دستخط کئے ۔ یہ منصوبے ہمارے دور میں شروع ہوئے۔ ا نہوں نے کہا کہ 2018ءکے انتخابات جیتے تو وزیراعظم کا فیصلہ پارٹی کرے گی۔ میں تو وزیراعظم نہیں بن سکتا۔ انہوں نے کہا کہ پیپلز پارٹی اور مسلم لیگ (ن) کے لئے الگ الگ قانون ہے۔ نواز شریف کو عدالت کے ذریعے ہٹانے کے حق میں نہیں تاہم پانامہ کا فیصلہ نوازش ریف کے خلاف نہیں ہو گا۔ انہوں نے کہا کہ تحریک انصاف میں سنجیدہ لوگ نہیں ۔ اگر ملک کا مستقبل ان کے ہاتھوں میں نہیں ہو سکتا دیگر پارٹیاں بھی ہیں وہ آئیں گی۔ ا نہوں نے کہا کہ خورشید شاہ پر ڈاکٹر عاصم پر بل گیٹس سے بھی زیادہ الزامات لگائے گئے مگر کوئی ثبوت نہیں ہے۔ نیب کے کیس سے متعلق علم نہیں۔ انہوں نے کہا کہ اے این پی نے دہشتگردی کے خلاف بڑی قربانی دی ہے۔ ان کے کئی جوان اور کارکن شہید ہوئے ۔ انٹرنیٹ بڑی دنیا ہے اس کے ذریعے بچوں کو ورغلایا جاتا ہے۔ ہمیں اس پر سوچنا چاہیئے پاکستان اور طالبان کے درمیان ہماری فوج کھڑی ہے۔ انہوں نے کہا کہ کلبھوشن کی سزائے موت کا فیصلہ درست ہے۔ افغانستان کے ساتھ دوستی کرنی چاہیئے وہاں غیر ریاستی عناصر ہیں جو کسی نہ کسی کے خلاف استعمال ہوتی ہیں۔#/s#۔( علی)

اسلام آباد، (مانیٹرنگ ڈیسک،ایجنسیاں) مشال قتل کی تہہ تک جائیں گے، مجرمان کو سخت سزا دلوا کر رہیں گے، مسلم لیگ والوں کو ایمپائر کو ملا کر کھیلنے کی عادت ہے، مریم نواز ایسے پھرتی ہیں جیسے آئندہ کی وزیراعظم ہوں، آرمی چیف سے ملاقات کی درخواست میں نے کی تھی، اس ملاقات میں افغان بارڈر اور فاٹا کے معاملات پر بات چیت ہوئی ہے، میں نے آرمی چیف سے کہا اب آر او الیکشن نہیں ہونے دینگے، نواز شریف بھارت سے دوستی اور فوج مخالفت کررہی ہے، یہی ڈان لیکس میں ہے، پانامہ کا فیصلہ اللہ پر چھوڑدیا ہے، چاہتے ہیں جج فیصلہ دے دیں، چیئرمین تحریک انصاف عمران خان نے نجی ٹی وی کے پروگرام میں گفتگو کرتے ہوئے مزید کہا کہ اے پی این ایس واقعہ پر پوری قوم اکٹھی ہوگئی تھی، اسی طرح مشال کے قتل کے بعد لوگوں میں یہ بات اجاگر ہوگئی ہے کہ اسے توہین آمیز واقعات پر ایسا عمل نہیں ہونے دینگے، توہین رسالت کوئی مسلمان برداشت نہیں کرسکتا، کسی پر الزام ہو تو اسے انٹیروگیٹ کیا جانا چاہئے، مشال کے واقعے پر تہہ تک جائیں گے، مجرمان کو سخت سزائیں دلوا کر رہیںگے، اس معاملے میں پولیس شفافیت کے ساتھ ہر پہلو کو دیکھے گئی، میں کل مقتول کے گھر جاو¿ں گا اور انہیں تفصیل سے آگاہ کروں گا، یونیورسٹی میںوائس چانسلر کیلئے بہت نئے اقدامات کے تحت5 چن لیتے ہیں جنہیں مختلف یونیورسٹیوں میں پڑھایا جائےگا، مسلم لیگ وا لوں کو ایمپائر ملا کر کھیلنے کی عادت ہے، آصف زرداری کو اب آر او الیکشن یاد آرہا ہے، مریم نواز ایسے پھر رہی ہے جیسے آئندہ کی وزیراعظم ہے، وہ کہہ رہے ہیں طوفان چلا گیا ہے، صرف آرمی چیف اور چیف جسٹس ہی بولے ہیں، کونسا طوفان تھا جو اب چلا گیا ہے، میں نے چیف آرمی سے ملنے کی درخواست کی، ملاقات میں افغان بارڈر اور آئی ڈی پیز کے حوالے سے بات کی، فاٹا معاملات زیر گفتگو آئے، ایک گھنٹہ ملاقات میں کے پی کے کے معاملات پر بات چیت ہوئی، میں اس سے پہلے کبھی آرمی چیف سے نہیں ملا تھا، آرمی چیف نے کہا میں جمہوریت کے ساتھ ہوں، میں نے انہیں کہا کہ2013 ءکی طرح آر او الیکشن نہیں ہونے دینگے، انہوںنے کہاہم موو کریں گے۔ ہم نے کہا ہمیں ایک فوجی اندر اور ایک باہر فوجی چاہئے،یمن کے معاملے پر پارلیمنٹ نے نیو ٹرل رہنے کا فیصلہ کیا، سعودی عرب سے ضرور تعلقات ہیں لیکن ایران بھی ہمارا ہمسایہ ہے، شیعہ اور سنی کو آپس میں لڑوایا جارہا ہے، ہمیں جنگ ختم کرنے کاحصہ بننا چاہئے، ہم جانتے ہیں ان کے پیچھے کون ہے، قمر جاوید باجوہ چاہتے ہیں راحیل شریف ثالثی کا کردار ادا کریں گے۔ مودی پاکستان کے ساتھ خطرناک کھیل کھیل رہا ہے، ہمارے یہاں کوئی لیڈر ہی نہیں ہے کوئی لیڈر ہوتو انٹر نیشنل لیول پر بھارت کے رویئے کو اجاگر کرے اور دنیا کو بھارت کا اصل چہرہ دکھائے، بھارت پاکستان کو تنہا کرنے میں کامیاب ہورہا ہے، نواز شریف بھارت سے دوستی چاہتا ہے آرمی بھارت کے خلاف ہے، یہی ڈان لیکس میں ہے، امریکہ اور ٹرمپ نے انسانیت سے دشمنی کرکے افغانستان میں بم گرایا، اسی سے انتہا پسندی ختم نہیں ہوگی بلکہ بڑھے گی، دنیا میں امریکہ کی وجہ سے دہشتگردی بڑھ رہی ہے، بم کے نتیجے میں مرنے والوں کے لواحقین داعش اور طالبان کو اختیار کریں گے۔ حکمرانوں کی کرپشن پر کتاب لکھی ہوئی ہے، یہ کمیشن اکٹھی کرکے منی لانڈرنگ کرنا چاہتے ہیں، کے پی کے میں مثالی کام کردیئے ہیں، ادارے مضبوط ترین ہوچکے ہیں، اسلام آباد میں مجھے اور بچوں کو گن دکھا کر لوٹا گیا، دس دنوں میں دس کو لوٹا گیا صرف میں نے رپورٹ درج کروائی، لوگ پولیس سے خوفزدہ ہیں، پنجاب حکومت نے پولیس بدلنے کی بجائے انکی وردی بدل دی اور ڈیڑھ ارب روپیہ خرچ کردیا، پی ایس ایل کے کلب میچ کیلئے32 ارب روپے کے اشتہار لگوادیئے۔ پانامہ کے کیس کے بعد انکی حکومت پنجاب میں بچے گی نہیںیہ کے پی کے میں کیا حکومت بنائیں گے، اگر یہ پانامہ سے بچیں گے تو گوادر کے ٹھیکے پر انہیں پکڑوائیں گے، جو قطری دوست کو دے دیا، پشاور کی میٹرو ان کی میٹرو سے بالکل مختلف ہوگی، بہت سستی اور بغیر سبسڈی کے چلے گی، نواز شریف زرداری کے ساتھ نورا کشتی کرتے رہتے ہیں، دونوں کے مفاد ایک ہیں، دونوں کے پیسے باہر پڑے ہیں، دونوں منی لانڈر ہیں، جو لوگ قرضے دیتے ہیں وہ استعمال کرتے ہیں، پی پی پی، ن لیگ کے مقاصد مشترکہ ہیں ڈاکٹر عاصم، ایان علی، شرجیل پر انکی ڈیل ہوچکی۔ چیف جسٹس کو نیب اور احتساب کمشنر کو چننا چاہئے، دو پارٹیاں ملکر کیسے آزاد کمشنر چن سکتے ہیں، جتنی کوشش کرسکتا تھا کرلی، پانامہ کا فیصلہ اللہ پر چھوڑ دیا ہے، چاہتے ہیں کہ جج جلد فیصلہ کردیں۔