کے پی کے میں لگایا جانے والا تالا ان کے منہ پر لگایا جائے

اسلام آباد (مانیٹرنگ ڈیسک، این این آئی) وزیرمملکت برائے اطلاعات و نشریات مریم اورنگزیب نے کہا ہے کہ پاناما کیس کرپشن کا مقدمہ نہیں ہے اور عدالت عظمیٰ نے بھی اس بات کی توثیق کی ہے ،اصل میں مقدمہ اس تماشے کا تھا جو اپوزیشن لگانی چاہتی ہے۔سپریم کورٹ کے باہر میڈیا سے بات کرتے ہوئے ان کا کہنا تھا کہ پاناما کیس میں درخواست گزاروں نے کرپشن، منی لانڈرنگ اور اثاثے چھپانے کے الزامات لگائے تاہم کیس وہیں کھڑا ہے اور سپریم کورٹ توثیق کرچکی ہے کہ سماعت کردہ مقدمہ کرپشن کا ہے ہی نہیں۔انہوں نے کہا کہ مخالفین نے پاناما کیس کو سیاسی بھیساکھی کے طور پر استعمال کرنے کی کوشش کی، امید ہے پاکستان کی اعلیٰ عدلیہ تماشہ لگانے والوں کی درخواست مسترد کرے گی تاہم آخری وقت تک لڑتے رہیں گے اور عمران خان کی شکل میں سازشوں کے ٹولے کو پاکستان کے عوام بھی مسترد کریں گے۔انہوں نے کہا کہ وہ شخص جسے یقین ہے کہ اس نے پاکستان کے اندر ایک پیسے کی بھی کرپشن نہیں کی وہ اپنے آپ کو پاکستان کے آئین و قانون کے سامنے پیش کرسکتا ہے، شریف خاندان نے سپریم کورٹ میں جو دستاویزات جمع کرائیں وہ تصدیق شدہ ہیں لیکن ہماری دستاویزات کے برعکس پیش کردہ دستا ویزات کو جھوٹا ثابت کریں گے۔وزیرمملکت برائے اطلاعات نے کہا کہ وزیراعظم 50 سال پرانا حساب دے رہے ہیں جنہوں نے خود کو قانون کے سامنے پیش کیا جب کہ وزیراعظم سپریم کورٹ میں عوامی مینڈیٹ، ملک کی ترقی، دہشت گردی کے خاتمے اور سی پیک منصوبے کا مقدمہ پاکستان کے عوام کے لئے لڑ رہے ہیں۔انہوں نے کہا کہ آج عمران خان کو انسداد دہشت گردی عدالت میں طلب کیا گیا تھا لیکن وہ پیش نہیں ہوتے اور وہ تین عدالتوں سے مفرور ہیں جنہیں معلوم ہے کہ انہوں نے جرم کیا ہے۔ وزیر مملکت مریم اور نگزیب نے کہاہے کہ تیسر ی بار منتخب وزیراعظم عوام کےلئے آخری وقت تک لڑتے رہیں گے ¾ وزیراعظم کیخلاف مقدمہ کرپشن کا نہیں اقتدار کی ہوس کا تھا ¾ امید ہے پاکستان کی اعلیٰ عدلیہ تماشا لگانے والوں کی درخواست مسترد کردیگی ¾ عمران خان کی شکل میں سازشوں کے ٹولے کو پاکستان کے عوام بھی مسترد کریں گے ¾ عمران خان تین عدالتوں سے مفرور ہیں ¾ پی ٹی آئی سربراہ نے منی لانڈرنگ کی جس سے نیازی سروز بنی ¾ عوام جھوٹ اور اداروں کی تضحیک سن کر تنگ آ چکے ہیں ¾ بنی گالہ میں بیٹھے شخص کی ذہنی حالت پر تشویش ہے ¾ خیبرپختونخوا میں احتساب کمیشن کو لگایا جانے والا تالا عمران خان کو اپنے منہ پر لگا لینا چاہیے۔جمعرات کو میڈیا سے گفتگو کرتے ہوئے مریم اور نگزیب نے کہاکہ پاناما کیس میں درخواست گزاروں نے کرپشن ¾منی لانڈرنگ اور اثاثے چھپانے کے الزامات لگائے تاہم کیس وہیں کھڑا ہے اور سپریم کورٹ توثیق کرچکی ہے کہ سماعت کردہ مقدمہ کرپشن کا ہے ہی نہیں مریم اورنگزیب نے کہاکہ عدالت نے توثیق کی کہ وزیراعظم پر کسی دور اقتدار میں کرپشن ثابت نہیں ہوئی ¾وزیراعظم نے اپنے کسی دور میں اختیارات کا غلط استعمال نہیں کیا ¾وزیراعظم کیخلاف مقدمہ کرپشن کا نہیں اقتدار کی ہوس کا تھا۔مریم اورنگزیب نے کہا کہ مخالفین نے پاناما کیس کو سیاسی بیساکھی کے طور پر استعمال کرنے کی کوشش کی ¾امید ہے پاکستان کی اعلیٰ عدلیہ تماشہ لگانے والوں کی درخواست مسترد کرےگی تاہم میں عوام کو حوصلہ دینا چاہتی ہوں کہ تیسری بار منتخب وزیر اعظم محمد نواز شریف اپنے عوام کےلئے آخری وقت تک لڑتے رہیں گے اور عمران خان کی شکل میں سازشوں کے ٹولے کو پاکستان کے عوام بھی مسترد کریں گے۔مریم اورنگزیب نے کہاکہ وہ شخص جسے یقین ہے کہ اس نے پاکستان کے اندر ایک پیسے کی بھی کرپشن نہیں کی وہ اپنے آپ کو پاکستان کے آئین و قانون کے سامنے پیش کرسکتا ہے، شریف خاندان نے سپریم کورٹ میں جو دستاویزات جمع کرائیں وہ تصدیق شدہ ہیں لیکن ہماری دستاویزات کے برعکس پیش کردہ ڈاکومینٹس کو جھوٹا ثابت کریں گے۔