اسلام آباد(ویب ڈیسک) وزیراعظم نواز شریف کی صاحبزادی مریم نواز کا کہنا ہے کہ شریف فیملی پر ثبوت نہ دینے کا الزام لگانے والے ثبوتوں کی ٹرالی دیکھ لیں۔وزیراعظم نواز شریف کی صاحبزادی مریم نواز نے ٹوئٹ کرتے ہوئے کہا کہ شریف فیملی پر ثبوت نہ دینے کا الزام لگانے والے ا?ج سپریم کورٹ میں شریف فیملی کے کاروبار کی 1960 سے اب تک کے ثبوتوں کی ٹرالی دیکھ لیں۔واضح رہے کہ پاناما کیس کی تحقیقات کرنے والی جے آئی ٹی کے سربراہ واجد ضیا نے حتمی رپورٹ سپریم کورٹ میں پیش کردی ہے جب کہ جے آئی ٹی نے 62 دن تک تحقیقات کی جس کے دوران وزیر اعظم نواز شریف، ان کے تینوں بچے، داماد کیپٹن ریٹائرڈ محمد صفدر، وزیر اعلیٰ پنجاب شہباز شریف اور وزیر خزانہ اسحاق ڈار کے علاوہ ایس ای سی پی، نیب، ایف بی آر اور نیشنل بینک کے سربراہان بھی پیش ہوئے۔

راولپنڈی (نیوز رپورٹر) عوامی مسلم لیگ کے سربراہ شیخ رشید احمد نے کہا ہے کہ پپوپانچوں پرچوں میں فیل ہوتا ہوا نظر آرہا ہے‘ چور مچائے شور کی فلم لگی ہوئی ہے‘ جے آئی ٹی کے خلاف بولنے والے سپریم کورٹ کو طعنہ دے رہے ہیں‘ چار چیخوں کی نئی ٹیم آئی ہے‘ پریس کانفرنس کرنے والے چاروں وزراءاور وزیراعظم کے امیدوار ہیں‘ لوگوں کو خریدنے کی نواز شریف کی پرانی عادت ہے‘ جے آئی ٹی کو متنازعہ بنانے کے لئے حکومت کوئی نئی اپیل سپریم کورٹ میں دائر کرسکتی ہے۔ اتوار کو میڈیا سے گفتگو کرتے ہوئے انہوں نے کہا کہ پاکستان سیاسی زندگی کے اہم ترین دور سے گزر رہا ہے۔ بعض لوگ جان بوجھ کر خانہ جنگی کی کیفیت پیدا کرنا چاہتے ہیں۔ جے آئی ٹی سپریم کورٹ نے بنائی ہے جے آئی ٹی کے خلاف (ن) لیگ نے کوئی پیٹیشن دائر نہیں کی جے آئی ٹی کے خلاف بولنے والے سپریم کورٹ کو طعنہ دے رہے ہیں۔ قطری شہزادے نے جے آئی ٹی میں پیش ہونے سے انکار کیا ہے۔ انہوں نے کہا کہ یہ کیس نواز شریف کے خلاف ہے جو لوگ نواز شریف کا دفاع کررہے ہیں وہ ان کے ذاتی ملازم ہے۔ وزیراعظم جے آئی ٹی میں پیش ہوسکتے ہیں تو قطری شہزادہ کیوں نہیں۔ چیئرممین ایس ای سی پی ٹمپرنگ میں ملوث پائے گئے ہیں جے آئی ٹی رپورٹ میں اہم انکشافات ہوں گے۔ ماہین فاطمہ نے تسلیم کیا کہ ان پر ٹمپرنگ کیلئے دباﺅ ڈالا گیا۔ شیخ رشید نے کہا کہ یہ لوگ اپنوں کو بانٹ رہے ہیں قابلیت کو ڈانٹ رہے ہیں۔ ایک تصویر لیک ہوئی انہوں نے قیامت کھڑی کردی۔ جعلی کلاشنکوف برآمد کرکے مجھے جیل میں ڈالا گیاتھا۔ فون ٹیپنگ کا ریکارڈ آرام سے نکالا جاسکتا ہے۔ یہ غلط بات ہے کہ شریف خاندان نے زیادہ شواہد جمع کرائے۔ انہوں نے اپنے لوگوں کو اہم اداروں میں تعینات کیا ہے پریس کانفرنس کرنے والے چاروں وزراءوزیراعظم کے امیدوار ہیں۔ پریس کانفرنس میں چوہدری نثار اور اسحاق ڈار شامل نہیں تھے۔ اسحاق ڈار ایک بار سامنے آئے اور نازیبا گفتگو کی مجھے شک ہے حکومت کل سپریم کورٹ میں اپیل دائر کرے گی۔ جے آئی ٹی کو متنازعہ بنانے کے لئے کل اپیل دائر کرسکتے ہیں۔ ہوسکتا ہے حکومت عدالت میں کہے کہ نواز شریف کے خلاف سازش ہورہی ہے۔ شیخ رشید نے مزید کہا کہ قطری شہزادہ تو حسین نواز کی صفائی اور حمایت میں آیا تھا۔ ان کی مقبولیت دیکھیں مریم نواز آئیں تو دو سو لوگ بھی اکٹھے نہیں کرسکے۔ حدیبیہ پیپر ملز میں بھی یہ لوگ پھنس چکے ہیں۔ عدالت پر حملہ کیا گیا تو عمران خان ایسی کال دے گا کہ یاد رکھا جائے گا۔ عمران خان نے کال دی تو شیخ رشید کندھے سے کندھا ملا کر چلے گا۔ عوام قانون کی فتح اور پانامہ لیکس کیس کا نتیجہ چاہتے ہیں۔ انہوں نے کہا کہ سپریم کورٹ کا جو بھی فیصلہ ہوگا قبول کریں گے مجھے تو پانچوں پرچوں یں پپو فیل نظر آرہا ہے۔ چور مچائے شور کی فلم لگی ہوئی ہے۔ کسی آرمی چیف سے نواز شریف کی نہیں بنی ۔ چار چیخوں کی نئی ٹیم آئی ہے قومی اسمبلی توڑی گئی تو صوبائی اسمبلیوں کو بھی توڑنا ہوگا۔

اسلام آباد (نامہ نگار خصوصی)پاکستان مسلم لیگ(ق) کے سربراہ چودھری شجاعت حسین نے کہا ہے کہ ملک میں ہونے والی تمام تر تحریک کے پیچھے عمران خان کا ہاتھ ہے پانامہ کیس کا اسی فیصد کریڈٹ عمران خان ‘ پانچ فیصد سراج الحق ‘ پانچ فیصد شیخ رشید اور دس فیصد میڈیا کو جاتا ہے ۔سپریم کورٹ کے فیصلے سے پہلے کچھ بھی کہنا مشکل ہے سارے اندازے غلط ہو سکتے ہیں مکمل تبدیلی بھی آ سکتی ہے ۔ سپریم کورٹ کا فیصلہ تاریخی ہوگا اور لوگ صدیوں تک یاد رکھیں گے ۔ آئین سے بالا تر ہو کر بھی فیصلہ کیا جاتا ہے ۔ آئین کے برعکس بھی فیصلہ ہو سکتا ہے جو ملک کے فائدے میں ہو ۔ انہوںنے اپنے انٹرویو میں کہا کہ کسی میں ہمت نہیں کی کہ ہمارا نام پانامہ اچھالے اگر کوئی ایسا کرتا تو میں اس کے خلاف کیس کر دیتا ۔ جب میں وزیر اطلاعات تھا اس وقت گارڈین اخبار میں خبر آئی کہ ہم نے قرضہ لیا اور معاف کرایا ۔ ہم نے لندن جا کر سب سے اچھے وکیل کئے اور کیس کیا ۔ گارڈین اخبار نے فرنٹ پیج پر معافی نامہ شائع کیا اور ہمارے تمام خرچے بھی دیئے ۔انہوں نے کہا کہ جس حکومت کا وزیر خارجہ ہی نہ ہو اس نے دوسرے ملکوں سے کیا تعلقات بنانے ہیں ۔ موجودہ حکومت ذاتی تعلقات بنا رہی ہے ۔ افغانستان کے ساتھ تعلقات خراب ہو رہے ہیں یہ انڈیا کی نسبت زیادہ خطرناک کام ہے ۔ انہوں نے کہا کہ شہباز شریف پرویز الہیٰ کا نام برداشت نہیں کرتا ۔ ریسکیو 1122 پر پرویز الہیٰ کا نام برداشت نہیں کر سکتے ۔ میں نے وزیر اعظم کی حیثیت سے ایک اہم کام کیا کہ اگر کوئی پاکستانی دوسرے ملک میں فوت آ جاتا ہے تو اس کو لانے کے لئے بہت زیادہ توجہ درکار ہوتی ہے لوگ پریشان تھے میں نے فیصلہ کیا کہ پی آئی اے میت فری پاکستان لائے گی اور اب یہ فیصلہ اب تک موجود ہے اور لوگ اس سے فائدہ اٹھا رہے ہیں ۔ انہوں نے کہا کہ جب میں وزیر اعظم تھا تو میں نے یہ قانون بنایا کہ کسی حادثے کی صورت میں اگر کوئی زخمی حالت میں ہسپتال پہنچتا ہے تو اس کا پہلے علاج کیا جائے پھر بعد میں ایف آئی آر درج کرائی جائے ۔ انہوں نے کہا کہ میں اور مشاہد حسین سید سابق الیکشن کمیشن کے پاس گئے تھے ہم نے انہیں کہا کہ زیادتی ہو رہی ہے کوئی نہین سن رہا انہوں نے دروازہ بند کیا اور آ کر کہا کہ میرے پلے کچھ نہیں فیصلے اکثریت کے ہوتے ہیں میں تو پانچواں آدمی ہوں ۔2018 کے الیکشن میں اگر الیکٹرول تبدیلی نہیں آتی تو لوگو ں کو الیکشن کا بائیکاٹ کر دینا چاہئے ایسے الیکشنوں کا فائدہ بھی کچھ نہیں ہو گا ۔ انہوں نے کہا کہ پنجاب میں کوئی ترقی نہیں ہوئی ۔ کوئی صعنت نہیں لگی اور نہ ہی پنجاب کا کسان خوش ہے ۔ تعلیم پر بھی کچھ نہیں کیا گیا ۔ صرف ٹرین چلا دینے سے ایک لاکھ لوگوں کو فائدہ ہو جائے گا اور ہم انڈے آلو انڈیا سے منگوا رہے ہیں جبکہ پاکستان کے کاشتکار مر رہے ہیں ۔ انہوں نے کہا کہ پاکستان کی تمام سیاسی پارٹیوں کے دائیں جانب ہمارا آدمی کھڑے نظر آئے گا کوئی بھی سیاسی پارٹی ایسی نہیں جہاں پاکستان مسلم لیگ (ق) کا بندہ نظر نہ آئے ۔ نون لیگ کے دائیں بائیں ہمارے ساتھی ہی موجود ہیں ۔ انہوں نے کہا کہ پانامہ لیکس کے فیصلے کو نون لیگ کے کرتوت سے لگ رہا ہے کہ وہ فیصلہ قبول نہیں کرے گی ۔

مری ( سدھیر احمد عباسی) صدر پاکستان ممنون حسین اور وزیر اعظم میاں محمد نواز شریف نے ویک اینڈکاروزمری اورچھانگلہ گلی میں گزارہ جہاں اعلی حکومتی شخصیات دلفریب موسم اورخوبصورت نظاروں سے لطف اندوزہوتے رہے صدر ممنون حسین اتوارکے روزبراستہ ایکسپریس وے اسلام آبادسے کشمیرپوائنٹ گورنمنٹ ہاﺅس مری پہنچے جبکہ وزیر اعظم میاں محمد نواز شریف فیملی کے ہمراہ بزریعہ ہیلی اسلام آبادسے چھانگلہ گلی پہنچے جہاں انہوں نے فیملی کے ہمراہ چھانگلہ گلی میں واقع اپنی رہائش گاہ پرلنچ کیاگلیات کے خوبصورت نظاروںاور دلکش موسم سے لطف اندوز ہوتے رہے صدرممنون حسین اوروزیراعظم میاں نوازشریف کی مری اورچھانگلہ میں موجودگی کے باعث ضلعی انتظامیہ اورپولیس کے افسران بھی مری مےں مےں موجود رہے دن چھانگلہ گلی میں گزارنے کے بعدشام ہوتے ہی وزیراعظم میاں نوازشریف براستہ روڈاسلام آبادروانہ ہوگئے جبکہ ویک اینڈکے موقع پرمری اورگلیات میں سیاحوں کاغےرمعمولی رش رہااورتفریح مقامات پرمیلے کاسماں رہاتاہم اعلی حکومتی شخصیات کی مری آمدکے سلسلہ میں لگائے جانے والے وی آئی پی روٹس کے باعث مختلف سڑکوں پرگاڑیوں کی لمبی لائنیں لگی رہیں اورسیاحوں کومشکلات کابھی سامناکرناپڑا ۔