لاہور(خصوصی رپورٹ)نامور آسٹرو پامسٹ پروفیسر فضل کر یم خان نے دعوی کیا ہے کہ (ن)لیگ کے سیاسی مخالفین نے قطری شہزادے پر بنگالی بابا سے کالا جادو کروادیا ہے جس کی وجہ سے وہ پاکستان نہیں آرہے ،وزیراعظم نوازشر یف کے ستارے آئندہ3ماہ مزید مشکلات کا شکار رہیں گے مگر حمزہ شہباز شر یف کے ستارے روشن ہیں اور شیخ رشید کی سوئی قسمت بھی جاگ جائیگی ۔ اتوار کے روز میڈیا سے گفتگو میں نامور آسٹرو پامسٹ پروفیسر فضل کر یم خان نے کہا (ن)لیگ کے سیاسی مخالفین نے قطری شہزادے حماد بن جاسم پر بنگال کے بیدی بنگالی کے ذریعے نوازشر یف اور حماد بن جاسم کے پتلوں کو تالوں میں بند کر کے جادو کروانے کے بعد ان کو سمندر بدرکر دیا ہے جسکی وجہ سے (ن)لیگ کی حکومت سیاسی مخالفین کا شکار ہے اور آئندہ تین ماہ میں نوازشر یف مزید بحران کا شکار ر ہیں گے مگر حمزہ شہبازشریف اور شیخ رشید کے ستارے روشن نظر آرہے ہیں
لاہور(خصوصی رپورٹ) حکمران جماعت مسلم لیگ ن نے جے آئی ٹی کے خلاف اپنے تحفظات اور خدشات پر عدالت عظمیٰ سے رجوع کرنے کا فیصلہ کیا ہے۔ اس کے لئے قانونی ماہرین کو پٹیشن کی تیاری کے لئے کہا ہے۔ یہ بات وزیراعظم نواز شریف کی مشاورت میں شامل ایک اہم وفاقی وزیر نے بتائی اور کہا کہ مذکورہ مشاورتی اجلاس میں وزیراعظم نواز شریف کی موجودگی میں ہونے والی مشاورت میں کہا گیا کہ ہمیں پہلے روز سے ہی مذکورہ جے آئی ٹی کی جانبدارانہ فارمیشن اور اس میں حساس اداروں کی شمولیت اور نگرانی پر قانونی اعتراضات اٹھانے چاہئیں تھے۔ پاناما لیکس کے فیصلے کے حوالے سے گاڈفادر کے لفظ اور بعد ازاں سسلین مافیا کے ریمارکس پر بھی آئینی اعتراضات اٹھائے جانے چاہئیں تھے۔ مذکورہ اجلاس میں وزیراعظم نواز شریف کے رفقا نے انہیں باور کرایا کہ یہ سب کچھ ایک مخصوص مائند سیٹ کے تحت ہورہا ہے جس کی سب سے بڑی دلیل یہ ہے کہ اس جے آئی ٹی میں دیگر ایجنسیز کے ساتھ انٹیلی جنس بیورو کو شامل کیا گیا لہٰذا ہمیں اب قانونی محاذ کے بعد سیاسی محاذ پر بھی متحرک ہونا چاہیے جس کے بعد وزیراعظم نواز شریف نے ان ہدایات کے ساتھ وفاقی وزراءکو پریس کانفرنس کا سگنل دیا کہ اداروں کو ٹارگٹ کئے بغیر اپنا موقف قوم کے سامنے رکھا جائے اور بتایا جائے کہ اس سارے عمل کے نتیجہ میں کیا انصاف ہوسکے گا۔ جوائنٹ انویسٹی گیشن ٹیم (جے آئی ٹی) کی جانب سے ملکی تاریخ کے سب سے بڑے کیس کی تحقیقاتی رپورٹ آج سپریم کورٹ میں پیش ہوگی۔ پاکستان تحریک انصاف کے چیئرمین عمران خان نے پارٹی کا اہم مشاورتی اجلاس آج طلب کر لیا ہے۔ اجلاس میں جے آئی ٹی کی ممکنہ رپورٹ اور وفاقی وزراءکی جانب سے رپورٹ نہ ماننے کے اعلان پر تبادلہ خیال ہوگا۔ جے آئی ٹی میں شریف فیملی کی پیشی اور بیانات کا بھی جائزہ لیاجائے گا۔ اجلاس میں سپریم کورٹ اور الیکشن کمیشن میں پارٹی کے خلاف زیرسماعت مقدمات پر بھی گفتگو ہوگی۔ اس کے علاوہ پی ٹی آئی میں شمولیت کے خواہش مند سیاست دانوں کے ناموں پر بھی غور کیا جائے گا۔
