اسلام آباد(صباح نیوز) پاکستان تحریک انصاف کے چیئرمین عمران خان کہا ہے کہ کاﺅنٹی کلب سسیکس کی جانب سے کی جانے والی ادائیگیوں کا ریکارڈ آ گیا ہے جسے جلد سپریم کورٹ میں پیش کر دیا جائے گا۔سماجی رابطوں کی ویب سائٹ ٹوئیٹر پر اپنے پیغام میں عمران خان نے کہا کہ ساری منی ٹریل عدالت عظمی میں پیش کی جائے گی، منی ٹریل میں سسیکس کی جانب سے کی جانے والی ادائیگیوں کا بینکنگ ریکارڈ بھی شامل ہے، اس کے علاوہ لندن کے فلیٹ کی ادائیگیوں کا سارا بینکنگ ریکارڈ بھی موجود ہے، کیری پیکر کے جانب سے کی گئی ادائیگیوں کا بینکنگ ریکارڈ بھی آ گیا ہے اور اسپانسرشپ سے حاصل ہونے والی آمدن کی تفصیلات بھی مل گئی ہیں جنہیں جلد سپریم کورٹ میں پیش کردیا جائے گا۔عمران خان نے یہ بھی کہا کہ کوئی سرکاری عہدہ نہ رکھنے اور قانون کی خلاف ورزی نہ کرنے کے باوجود وہ قوم اور سپریم کورٹ کے سامنے 40 برس پرانی منی ٹریل پیش کر رہے ہیں۔ انہوں نے کہا کہ میں چیلنج کرتا ہوں کہ نواز شریف اور ان کے حامی اس طرح کی منی ٹریل اور مالی شفافیت پیش کر کے دکھائیں۔ انہوں نے کہا کہ میں نواز شریف کے حق میں بولنے والوں کو بتانا چاہتا ہوں کہ میری مکمل بینکنگ منی ٹریل سپریم کورٹ کے سپرد کرنے کے لیے تیار ہے۔واضح رہے کہ گزشتہ دنوں چیئرمین تحریک انصاف عمران خان نے سپریم کورٹ میں اپنی منی ٹریل مکمل دستیاب نہ ہونے کا تحریری طور پر اعتراف کیا تھا۔ نااہلی کیس میں چیئرمین تحریک انصاف عمران خان نے اپنا تحریری جواب عدالت کو جمع کرایا تھا جس میں اعتراف کیا گیا تھا کہ ان کے پاس منی ٹریل کا ریکارڈ موجود نہیں ہے۔سپریم کورٹ میں مسلم لیگ (ن) کے رہنما حنیف عباسی کی جانب سے عمران خان کی نااہلی کی درخواست دائر کی گئی تھی اور کیس کی گزشتہ سماعت میں عدالت نے عمران خان سے بیرون ملک کرکٹ سے ہونے والی آمدن کی مکمل تفصیلات طلب کی تھیں، عدالت نے برہمی کا اظہار بھی کیا تھا جس میں کہا گیا تھا کہ عمران خان بارہا عدالتی احکامات کے باوجود اپنی منی ٹریل کی دستاویزات جمع نہیں کروا رہے۔ عمران خا ن نے کہا ہے کہ میں نے احتساب کیلئے خود کو قوم کے سامنے پیش کر دیا، احتساب کے اسی عمل نے شریف خاندان کے مالیاتی جرائم بے نقاب کیے۔ عمران خان نے کہا کہ شریف خاندان اور ان کے ملازمین کے الزامات پر ان کا شکر گزار ہوں انہیں الزامات کی بدولت میں نے اپنا 40 سالہ مالیاتی ریکارڈ نکالا۔ عمران خان نے کہا کہ شریف خاندان قوم کے سامنے بے نقاب ہوچکا ہے۔ میں نے احتساب کے لیے خود کو قوم کے سامنے پیش کر دیا۔ احتساب کے اسی عمل نے شریف خاندان کے مالیاتی جرائم بے نقاب کیے۔

اسلام آباد (ویب ڈیسک)ایس ای سی پی کے گرفتار ہونے والے چیئرمین ظفر حجازی کی اہلیہ نے وزیر خزانہ اور وزیراعظم نوازشریف سے اپیل کی ہے کہ ایک اعلیٰ اختیاراتی کمیشن بنایا جائے جس میں وزارت انصاف اور وزارت خزانہ اور ایس ای سی پی پالیسی بورڈ کے ارکان شام ہوں جو ایس ای سی پی میں نام نہاد ریکارڈ ٹمپرنگ کے معاملے کی تحقیقات کریں اور تمام حقائق کو سامنے لا کر ظفر حجازی کیخلاف سازش کرنے والے عناصر کو بے نقاب کریں۔مسز حجازی کا کہناتھا کہ ان کے شوہر نے گزشتہ اڑھائی سال میں اپنی صحت کے مسائل کو یکسر نظر انداز کرتے ہوئے ایس ی سی پی کو فعال ایک فعال ادارہ بنانے اور ضروری قانون سازی کیلئے دن رات کام کیا اور اس بات پر ہمیشہ فخر کرتے ہیں کہ انہوں نے اپنی تین سال کی تقرری کیلئے جو اہداف مقررر کیے تھے انہوں نے وہ اڑھائی سال میں حاصل کر لیے ہیں۔ان کا کہناتھا کہ میڈیا کا ایک حصہ ظفر حجازی کے خلاف بے سروپا مہم چلا کر ان سے گزشتہ اڑھائی سال کی کامیابیوں کا کریڈٹ نہیں چھین سکتا ،ریکارڈ ٹمپرنگ کے معاملہ پر انہوں نے کہا کہ یہ مکمل گمراہ کن بات ہے کہ اس سارے سکینڈل کے پیچھے چھپے کرداروں کو بے نقاب کرنے کی اشد ضرورت ہے۔ان کا کہناتھا کہ اگر جونیئر افسروں کو اپنی کو تاہیوں کا اس آسانی سے اداروں کے سربراہوں پر الزام ڈینے کی روایت قائم ہو گئی تو کسی بھی ادارے کا سربراہ نہیں بچ سکے گا۔انہوں نے کہا کہ عجیب گات ہے کہ افسران جو یہ بات کہتے ہیں کہ فائل پر پچھلی تاریخ تاریخ میں نوٹ انہوں نے شدید دبا? کے باعث لکھا ،یہ بھی کہتے ہیں کہ انہوں نے کوئی غلط کام نہیں کیا ،چونکہ فائل عملی طور پر پچھلے 32ماہ سے بد پڑی تھی۔ایف آئی اے نے ان افسران کو مکمل طور پر برالزمہ قرار دیتے ہوئے ان کے محض زبانی بیان پر کہ اس کیلئے انہیں چیئرمین نے کہا تھا ،سارا الزام چیئر مین پر ڈال دیا گیا ،جس سے ایف آئی اے کی بدنیتی سامنے آتی ہے ،لگتایہ ہے کہ کسی کو ہر حالت میں ظفر حجازی تک پہنچنا تھا اور اس کیلئے ایس ای سی پی کے کچھ افسران نے اپنا کندھا پیش کیا۔

لاہور، راولپنڈی (وقائع نگار، بیورو رپورٹ) چیف آف آرمی سٹاف جنرل قمر جاوید باجوہ نے لاہور دھماکے کے متاثرین سے ہمدردی کا اظہار کرتے ہوئے واضح کیا ہے کہ ایسے واقعات دہشتگردی کے خاتمے کے عزم کو کمزور نہیں کر سکتے ، دشمن انٹیلی جنس ایجنسیاں اور ریجنل ایکٹرز دہشتگردی کو پالیسی ٹول کے طور پر استعمال کررہے ہیں، اگر افغانستان کی سرزمین ایسے عناصر بلا روک ٹوک استعمال کرتے رہے تو دونوں ممالک دہشتگردی کا شکار رہیں گے، افغانستان کے سرحدی علاقوں سے دہشتگردوں کی پناہ گاہیں کے خاتمے میں مدد کیلئے تیار ہیں ۔آئی ایس پی آر کے مطابق آرمی چیف جنرل قمر جاوید باجوہ نے منگل کو لاہور کور ہیڈ کوارٹرز میں سیکیورٹی کے حوالے سے منعقدہ اجلاس کی صدارت کی ۔ اجلاس کے دوران آپریشن رد الفساد اور گزشتہ روز ہونیوالے دھماکے کی تازہ ترین صورتحال کے بارے میں تفصیلی بریفنگ دی گئی ۔ دھماکے کے متاثرین اور انکے اہلخانہ کے ساتھ ہمدردی کا اظہار کرتے ہوئے آرمی چیف نے کہاکہ اس طرح کے واقعات اپنی سر زمین سے دہشتگردی کو ختم کرنے کے ہمارے عزم کو کمزور نہیں کر سکتے ۔ انہوں نے کہاکہ ہم دہشتگردوں کے ماسٹر مائنڈز اور سہولت کاروں کے درمیان رابطے ختم کرنے میں کامیاب ہو رہے ہیں ۔ آرمی چیف نے کہا کہ پاک فوج ایسے واقعات پرسب سے پہلے متحرک ہونیوالی پولیس اور قانون نافذ کرنیوالے دیگر اداروں کی ذمہ داریوں کی ادائیگی کے حوالے سے انکی مکمل حمایت کرتی ہے ۔ انہوں نے کہا کہ ہم نے دہشتگردی کیخلاف ایک قوم کی حیثیت سے جنگ لڑی ہے ۔ کامیابی کی کنجی یہ ہے کہ شہریوں کی طرف سے کسی بھی مشکوک سرگرمی کی اطلاع قانون نافذ کرنیوالے اداروں کو دی جائے اس طرح دہشتگردی کیخلاف جنگ میں قومی شرکت یقینی بنائی جا سکتی ہے ۔ جنرل قمر جاوید باجوہ نے کہا کہ دشمن اٹنیلی جنس ایجنسیاں اور ریجنل ایکٹرز دہشتگردی کو پالیسی ٹول کے طور پر استعمال کرنے میں پوری طرح ملوث ہیں ۔ کابل اور لاہور میں یکے بعد دیگر ہونیوالے دھماکے ہمارے اس موقف کا ثبوت ہیں کہ پاکستان اور افغانستان دونوں دہشتگردی کا شکار ہیں اور اگر افغانستان کی سرزمین ایسے عناصر بلا روک ٹوک استعمال کرتے رہے تو دونوں ممالک دہشتگردی کا شکار رہیں گے ۔ انہوں نے اس عزم کا اعادہ کیا کہ پاکستان سرحدی علاقوں سے دہشتگردوں کی محفوظ پناہ گاہیں ختم کرنے میں مدد کیلئے تیار ہے جیسا کہ ہم نے سرحدی علاقے میں اپنی حدود میں کیا ہے ۔ بعد ازاں آرمی چیف نے جنرل ہسپتال میں دھماکے کے زخمیوں کی عیادت کی۔ کمانڈر لاہور کور لیفٹیننٹ جنرل صادق علی اور آئی جی پنجاب پولیس بھی اس موقع پر موجود تھے۔ دھماکے میں ہلاک اور زخمی ہونے والے افراد کے اہل خانہ سے تعزیت کرتے ہوئے آرمی چیف نے واقعے پر گہرے دکھ اور رنج کا اظہار کیا۔جنر ل قمر جاوید باجوہ کا مزید کہنا تھا کہ ایسے واقعات دہشت گردی کی لعنت کو جڑ سے ختم کرنے کے ہمارے عزم کو متزلزل نہیں کرسکتے۔ ہم دہشت گردوں اور ان کے سہولت کاروں کے تمام ذرائع اور روابط ختم کریں گے۔ پاک فوج پولیس اور دیگر قانون نافذ کرنے والے اداروں کے شانہ بشانہ کھڑی ہے۔ دہشت گردی کیخلاف ہم سب متحد ہوکرلڑے اور اس لعنت کے خلاف جنگ میں کامیابی کیلئے عوام کاتعاون ضروری ہے۔ عوام مشکوک نقل وحرکت سےسیکیورٹی فورسزکو مطلع کریں۔چیف آف آرمی سٹاف جنرل قمر جاوید باجوہ کا مزید کہنا تھا کہ دشمن ممالک کی خفیہ ایجنسیاں پاکستان میں دہشت گردی کی کارروائیوں میں ملوث ہیں۔ کابل اور لاہور میں یکے بعد دیگرے دھماکوں سے یہ بات واضح ہے کہ دونوں ممالک دہشت گردی سے یکساں طور پر متاثر ہیں۔ پاکستان افغانستان میں دہشتگردوں کے ٹھکانے ختم کرنے کے لئے مددکو تیار ہے۔

اسلام آباد (آن لائن) وفاقی حکومت نے شریف خاندان کے خلاف کرپشن کی انکوائریاں کرنے والے افسران کے خلاف کارروائی کی تیاری کر لی ہے ۔ وزیر اعظم ہاﺅس نے رحمان ملک کے ساتھ مل کر لندن فلیٹس کی انکوائری کرنے والے سابق ڈپٹی دائریکٹر ایف آئی اے انعام الرحمان سحری کے خلاف نیب سے کرپشن کیس کا ریکارڈ حاصل کر لیا ۔جے آئی ٹی کے سربراہ واجد ضیاءاور ان کے اہلخانہ کے آمدن اور اثاثوں کے ریکارڈ کا جائزہ اور نیب کو مطلوب انعام الرحمان سحری کو انٹرپول کے ذریعے پاکستان لانے پر غور کیا جا رہا ہے ۔دستاویزات کے مطابق انعام الرحمان سحری کو 1998 میں سابق وزیر اعظم نواز شریف کے احکامات پر ملازمت سے برطرف کر دیا گیا تھا ۔ انعام الرحمان سحری نے 1994 ءمیں رحمان ملک کے ساتھ مل کر شریف خاندان کی لندن جائیدادوں کی انکوائری کی تھی اگرچہ رحمان ملک کی انکوائری پر شریف خاندان کے خلاف کوئی کارروائی تو نہیں ہوئی تھی مگر رحمان ملک اور انعام الرحمان سحری سمیت ایف آئی اے افسران کو خمیازہ ضرور بھگتنا پڑا تھا ۔دستاویز کے مطابق احتساب بیورو نے انعام الرحمان کے خلاف 28 جنوری 1999 کو آمدن سے زائد منقولہ اور غیر منقولہ جائیداد بنانے کا کیس تیار کیا اور ایف آئی اے کو کارروائی کی ہدایت کر دی ۔ ایف آئی اے نے یہ انکوائری بعد میں نیب کے سپرد کر دی جس میں انعام الرحمان سحری پر 1985 سے 1988 کے دوران 2 کروڑ 33 لاکھ روپے کی جائیدادیں بنانے کا الزام عائد کیا گیا تھا جبکہ اس عرصے کے دوران انعام الرحمان سحری کی آمدن ایک کروڑ 30 لاکھ روپے تھی ۔ انعام الرحمان سحری کے بنک اکاﺅنٹ میں ایک کروڑ 18 لاکھ روپے کی رقم بھی پائی گئی تھی جس کا کوئی ثبوت انعام الرحمان کی رقم بھی پائی گئی تھی۔جس کا کوئی ثبوت انعام الرحمان سحری کے پاس موجود نہیں تھا۔وزیر اعظم ہاﺅس کے سخت احکامات تھے کہ انعام الرحمان سحری کو احتساب عدالت کے ذرعیے عبرت کا نشانہ بنایا جائے ۔ نیب نے تحقیقات مکمل ہونے کے بعد انعام الرحمان اور ان کی زوجہ کے خلاف احتساب عدالت میں ریفرنس دائر کر دیا ۔ نیب راولپنڈی نے وزیر اعظم ہاﺅس کو آگاہ کیا کہ انعام الرحمان سحری کینیڈا اور ان کی اہلیہ لندن میں مقیم ہیں ۔ احتساب عدالت سے مفرور ہونے کے باعث انعام الرحمان سحری کے خلاف مزید کارروائی نہیں ہو سکتی ۔ حکومت انٹرپول کے ذریعے انعام الرحمان سحری کو نیب کے حوالے کر دے تو احتساب عدالت کے ذریعے انعام الرحمان کو سزا دلوائی جا سکتی ہے ۔ ذرائع کے مطابق انعام الرحمان نے جے آئی ٹی کی تحقیقات کے دوران میڈیا میں شریف خاندان کے خلاف محاذ کھولا جس پر وزیر اعظم سمیت حکومتی شخصیات برہم ہیں جس کے باعث نیب راولپنڈی سے انعام الرحمان سحری کے خلاف ریکارڈ منگوایا گیا ہے تاکہ انٹرپول کے ذریعے انعام الرحمان سحری کو پاکستان لایا جا سکے ۔دوسری جانب جے آئی ٹی کے سربراہ واجد ضیاءاور ان کے خاندان کی آمدن اور اثاثوں کا ریکارڈ بھی جمع کیا جا چکا ہے ۔ واجد ضیاءنے توقعات کے برعکس جے آئی ٹی تحقیقات کے دوران شریف خاندان سے کسی قسم کا تعاون نہیں کیا اگرچہ فواد حسن فواد کو بھروسہ تھا کہ واجد ضیاءتحقیقاتی رپورٹ پر مددگار ثابت ہوں گے ۔ ذرائع کے مطابق وزیر اعظم ہاﺅس کی شخصیت کی ہدایت پر ایک نجی فرم سے واجد ضیاءکے اثاثوں اور آمدن کے ریکارڈ کی تجزیاتی رپورٹ تیار کرائی جا رہی ہے ۔ آمدن اور اثاثوں میں بڑا فرق ملا تو قانونی کارروائی عمل میں لائی جائے گی ۔ بصورت دیگر میڈیا سیل کے ذریعے معلومات منظر عام پر لائی جائیں گی ۔

اسلام آباد، کراچی، لاہور، پشاور (نمائندگان خبریں) وزارت پٹرولیم اور آئل ٹینکرز ایسوسی ایشن کے مابین ہونے والے مذاکرات ناکام ہوگئے ہیں اور ڈیڈ لاک برقرار ہے۔تفصیل کے مطابق حکومت اور آئل ٹینکرز ایسوسی ایشن کے رہنماو¿ں کے درمیان ہونے والے
مذاکرات ناکام ہوگئے ہیں اور ایسوسی ایشن کی جانب سے ہڑتال جاری رکھنے کا اعلان کردیا گیا ہے۔آئل ٹینکرز ایسوسی ایشن کے سیکریٹری پٹرولیم کی زیرصدارت ہونے والے مذاکرات میں چیئرپرسن اوگرا عظمیٰ عادل، ڈی جی آئل عبدالجبارمیمن کے علاوہ آئل ٹینکرز اونرز ایسوسی ایشن کے چیئرمین یوسف شاہوانی اور آئل ٹینکرز کنٹریکٹر ایسوسی ایشن کے صدر بابر اسماعیل بھی شریک ہوئے۔آئل ٹینکرز اونرز ایسوسی ایشن کے چیرمین یوسف شاہوانی کا کہنا تھا کہ اوگرا کی پالیسیاں غلط ہیں اور ہم اوگرا کا قانون نہیں مانتے، اب اوگرا سوتا ہوا جاگ گیا موٹروے پر ہماری گاڑیوں کے بلاوجہ چالان کئے جا رہے ہیں اور ایکسل بڑھانے کا بھی کہا جارہا ہے ہم نئے سسٹم پر نہیں چل سکتے وزارت پیٹرولیم کو پرانا سسٹم ہی بحال کرنا ہوگا۔ یوسف شاہوانی نے کہا کہ ہم پر لوگوں کی ہلاکتوں کا الزام لگایا جارہا ہے جب کہ احمد پور شرقیہ میں آئل ٹینکر کو آگ ہم نے نہیں لوگوں نے لگائی جس کی وجہ سے قیمتی جانوں کا ضیاع ہوا، ہمارے جو بھی مطالبات ہیں انہیں مانا جائے اور اگر ایسا نہ ہوا دما دم مست قلندر جاری رہے گا۔مذاکرات کے بعد میڈیا سے بات کرتے ہوئے ترجمان اوگرا عمران غزنوی کا کہنا تھا کہ ہم مذاکرات کے لئے تیار ہیں لیکن کسی کی دھمکیوں سے بلیک میلنگ نہیں ہوں گے ہم نے آئل ٹینکرز ایسوسی سے درخواست ہے لوگوں کی زندگیوں سے نہ کھیلیں۔ ان کا کہنا تھا کہ ہمیں شبہ ہے آئل کمپنیاں اس ہڑتال کے پیچھے ہیں اور جو آئل مارکیٹنگ کمپنیاں اس بلیک ملینگ میں ملوث ہیں وہ بے نقاب ہوجائیں گی۔ ترجمان اوگرا نے مزید کہا کہ ٹینکر مالکان کا ایشو فریٹ کا ہے، فریٹ او ایم سی نے کرنا ہے، پٹرولیم سیکریٹری نے آئل ٹینکرز ایسوسی ایشن کو اچھی تجاویز دی ہیں، ان کے پیچھے جن کمپنیز کا ہاتھ ہے وہ بھی ایکسپوز ہو جائیں گی اور ان کے خلاف ایکشن لیا جائے گا۔آئل ٹینکرز ایسوسی ایشن کی ہڑتال کے دوسرے روز بھی جاری پیٹرول کی سپلائی معمول کے مطابق نہ ہونے کی وجہ سے کراچی میں پیٹرول کی قلت پیدا ہونا شروع ہوگئی، پیٹرول پمپس پر تیل کی فراہمی بند ۔کراچی کے مختلف پیٹرول پمپس پر پیٹرول ختم ہونے سے عوام کو پریشانی کا سامنا کرنا پڑرہا ہے۔ادھر پشاور میں بھی آئل ٹینکرز ایسوسی ایشن کی ہڑتال کے باعث کچھ پیٹرول پمپس پر تیل کی فراہمی اور آئل ڈپو بند ہوگیا ہے۔ آل پاکستان آئل ٹینکر ایسوسی ایشن کے چیر مین میر یوسف شاہوانی نے کہاہے کہ کرایوں میں جبری کٹوتی، اوگرا سمیت حکومتی اداروں کے سخت رویئے اور موٹروے پولیس کی جانب سے ناجائز جرمانے اور چالان کے خلاف ہڑتال کررہے ہیں۔میر یوسف شاہوانینے کہا کہ جب تک مطالبات منظور نہیں ہوں گے پورے ملک میں تیل کی سپلائی بند رکھیں گے۔ انہوں نے کہا کہ ٹینکر مالکان حکومت کو 3ماہ کا ایڈوانس ٹیکس ادا کرتے ہیں مگر حکومت انہیں ریلیف دینے کے بجائے استحصال کررہی ہے۔چیرمین آئل ٹینکر ایسوسی ایشن نے کہا کہ موٹر وے پولیس جرمانے عائدکرنے پر لگی ہوئی ہے، پنجاب میں پٹرولنگ پولیس کی جانب سے آئل ٹینکر کو ہراساں کیا جاتا ہے جب کہ سندھ میں ایکسائز پولیس کی بھتہ خوری وغنڈہ گردی عروج پر ہے ۔انہوں نے کہاکہ وزارت پٹرولیم نے جب سے آئل ٹینکرز سے متعلق امور اوگرا کے سپر د کیے ہیں تب سے آئل ٹینکر مارکیٹنگ کمپنیوں اوگرا اور آئل ٹینکر اونرز ایسوسی ایشن کی کوئی بھی مشترکہ میٹنگ نہیں بلائی گئی، صرف بند کمروں میں احکامات جاری کیے جارہے ہیں جس سے ٹرانسپورٹروں کا استحصال ہو رہا ہے۔ڈی جی آئل کا کہنا ہے کہ ملک میں پٹرول کے 4 جہاز کھڑے ہیں جن میں 11 لاکھ 6 ہزار میٹرک ٹن پٹرول موجود ہیاور ملک میں اس وقت پٹرول کا اسٹاک 21 لاکھ میٹرک ٹن جب کہ ڈیزل کا 4 لاکھ میٹرک ٹن اسٹاک موجود ہے۔انہوں نے کہا کہ اس وقت ملک میں پٹرول،ڈیزل کی ترسیل میں کوئی رکاوٹ نہیں۔دوسری جانب ترجمان اوگرا کی جانب سے مقف اپنایا گیا ہے کہ روڈ ٹرانسپورٹ سے متعلق اوگرا معیارات پر سمجھوتا نہیں کیا جائے گا، ٹینکرز کا فٹنس سرٹیفکیٹ دیکھا، ٹینکرز کا ایکسل اور ایکسپلوسیو لائنس بھی چیک کیا جائے گا۔ترجمان نے کہا کہ ٹیمیں آئل ٹینکرز کی فٹنس چیک کریں گی، روڈ ٹرانسپورٹ سے متعلق اوگرا معیارات کو چیک کیا جائے گا، ٹائرز کی صحت، ڈرائیور کی فٹنس، لائسنس اور ڈرائیونگ ٹائم چیک ہوگا۔ ترجمان کا کہنا تھا کہ ٹرانسپورٹ معیارات کو یقینی بنانے کا مقصد انسانی جانوں کو ضیاع سے بچانا ہے۔ پٹرولیم مصنوعات کی قلت کا خدشہ بڑھ گیا۔ احمد پور شرقیہ قدرتی حادثہ کو بنیاد بنا کر انتظامیہ نے پٹرولیم مصنوعات کی سپلائی میں بے پناہ رکاوٹیں کھری کرنی شروع کر دیں۔ نقشہ، فٹنس، سیفٹی، مقدار اور دیگر کاغذات چیکنگ کی آڑ میں آئل ٹینکر عملے کو دن رات ناجائز تنگ کرنا معمول بنا لیا کرایوں سے زائد کے چالان تھمانے لگے۔ آئل کمپنیوںاور اوگرا کی یقین دہانیوں کے باوجود مطالبات پر عملدرآمد نہ ہو سکا۔ واضح رہے کہ اوگرا کی جانب سے روڈ سیفٹی، ٹینکرز کی فٹنس چیک کرنے اور انہیں قانون کے دائرے میں لانے کے فیصلے پر ٹینکرز ایسوسی ایشن نے گزشتہ روز ہڑتال کا اعلان کرتے ہوئے ملک بھر میں تیل کی ترسیل بند کرنے کا کہا تھا جس کے باعث ملک بھر میں پٹرول کا بحران شروع ہونے کا خدشہ ہے۔