کوئٹہ (این این آئی) صوبائی ایڈز کنٹرول پروگرام حکومت بلوچستان کے ڈپٹی صوبائی منیجر ڈاکٹر داﺅد خان اچکزئی نے کہا ہے کہ گزشتہ دنوں کوئٹہ کے بعض مقامی اخبارات میں بلوچستان سے متعلق ایڈز کے مریضوں کی تعداد سے متعلق جو خبر چھپی تھی کہ قومی سروے کے مطابق بلوچستان میں ایڈز کے مریضوں کی تعداد تین ہے یہ غلط تعداد ہے قومی سروے کے مطابق کہا گیا ہے کہ بلوچستان میں ایڈز کے مریضوں کی تعداد تین ہزار تک جاپہنچی ہے ڈاکٹر داﺅد اچکزئی نے کہا کہ صوبائی ایڈز کنٹرول پروگرام کے ساتھ اب رجسٹرڈ مریضوں کی تعداد 800 ہوگئی ہے اور ان میں سے 5سو مریضوں کا علاج معالجہ جاری ہے اور ایڈز کنٹرول پروگرام کے گزشتہ سال سے موثر آگہی مہم کی بدولت بلوچستان میں ایڈز کے مریضوں کی اتنی تعداد سامنے آگئی ہے اور یہ مہم گوادر سے لیکر ژوب تک جاری ہے۔
بلوچستان میں ایڈز کے 3 ہزار مریض بے یارو مددگار
