”تم پر جنات کا سایہ ہے ،بیٹے کی قربانی کر دو“ممتا نے جگر گوشے کی جان لے لی

شاہدرہ(بیورو رپورٹ) سنگدل ماں نے عامل کے کہنے پر اپنے جواں سالہ بیٹے کو قتل کر ڈالا۔ فیروزوالہ کے علاقہ جوائی پورہ میں افسوس ناک واقعہ پیش آیا سنگدل ماں نے جعلی عامل کے کہنے پر اپنے بیٹے کا قتل کر دیا کیونکہ تنویر فاطمہ ایک سال سے بابکوال گاوں میں جعلی عامل نوید کے پاس جاتی تھی اور اس پر جعلی عامل نے اس کو بتایا کہ تم پر جنات کا سایہ ھے اور وہ تم کو مار دیں گے اگر تم بچنا چاہتی ہو تو اپنے بیٹے کی بھلی دو سفاک ماں نے کچھ سوچے سمجھے اپنے 22 سالہ بیٹے ذیشان حیدر کی قربانی دینے کا سوچ لیا اور روز اس کے ہاتھ پاوں باندھ کر اس پر جعلی عامل کا بتایا علم پڑھتی دو روز قبل بھی ذیشان کا دوست شانی جب اس سے ملنے گھر گیا تو دیکھ کر حیران رہ گیا کہ اس کے ہاتھ پاوں باندھ کر اس کے ماں اس کے بالوں سے پکڑ کر کچھ بول رہی ھے جب اس نے تنویر فاطمہ سے پوچھا تو ٹال مٹول کرتے اس نے اس کے ہاتھ پاوں کھول دئیے اور آج اس نے ظلم کی انتہا کرتے اپنے ہی بیٹے رضوان کو اپنے ساتھ ملا لیا اور جیسے ہی ذیشان حیدر گھر آیا تو اس کے بھائی نے زور سے ڈنڈا اس کے سر کر مارا جس سے اس کے سر سے خون نکلنے لگا اور ذیشان زمین پر گر گیا دونوں نے مل کر اس کو چارپائی سے باندھ دیا اور پھر سنگدل ماں نے تیز دار چھڑی پکڑ کر اپنے ہی لخت جگر پر وار کرنا شروع کر دئیے جس سے ذیشان زخموں کی تاب نہ لاتا جاں بحق ہوگیا مقتول کی بیوی جب گھر آئی تو دیکھا کہ اس کے شوہر پر اس کے ماں چھڑی کے وار کر رہی ھے تو اس نے چیخ و پکار شروع کر دی خس پر اہل علاقہ جمع ہوگیا اور پولیس کو اطلاع دی پولیس نے موقع پر پہنچ کر ماں اور بھائی کو رنگے ہاتھوں گرفتار کرلیا جب ماں سے ابتدائی تفتیش کی گئی تو اس نے بتایا کہ اس نے سب اپنے پیر نوید کے کہنے پر کیا لیکن اس کے بیٹے کو جنات نے قتل کیا جو میرے اندر آئے ہوئے تھے میں نے اپنے بیٹے کو قتل نہیں کیا پولیس نے مقتول کی بیوی کی درخواست پر مقدمہ درج کر لیا اور جعلی عامل نوید کی گرفتاری پر چھاپے مار رہی ھے جبکہ جعلی عامل فرار ہونے میں کامیاب ہو چکا ھے۔