نواز شریف ، زرداری، متحدہ لندن فاروق ستار سے آن بورڈ ہیں: ڈاکٹرشاہد مسعود

اسلام آباد ( مانیٹرنگ ڈیسک)فاروق ستار نے 14اکتوبر کو خاموشی سے الیکشن کمیشن میں ایم کیو ایم کا نیا آئین جمع کرایا، رابطہ کمیٹی کو چند روز قبل پتہ چلا، ڈاکٹر عاصم کرپشن کیس میں مفتاح اسماعیل کا نام آگیا ، نیب نے چیئرمین سے گرفتاری کی اجازت مانگ لی، نوازشریف ، زرداری اور متحدہ لندن فاروق ستار کے ساتھ آن بورڈ ہیں، یہ انکشافات سینئر تجزیہ کار نے نجی ٹی وی سے خصوصی گفتگو کرتے ہوئے کئے، انہوںنے کہا کہ فارو ستار کے خاموشی سے جمع کرائے آئین کے مطابق وہ مکمل اختیارات کے حامل ہیں، جب چاہیں جس کو چاہیں رابطہ کمیٹی سے نکال سکتے ہیں، رابطہ کمیٹی کے فیصلوں کو اکیلے ہی ویٹو کرسکتے ہیں ، فیصلہ تبدیل کرسکتے ہیں، ایسے اختیارات بانی متحدہ کے پاس بھی نہیں تھے ، نواز ، زرداری اور متحدہ لندن اس سارے معاملہ میں موجود ہے، سعد رفیق نے اسی لئے فاروق ستار سے رابطہ کیا اور مکمل تعاون کی یقین دہانی کرائی ہے، نوازشریف آئینی اور قانونی طور پر سیاست سے آو¿ٹ ہوچکے ہیں ، جس کے باعث سخت غصہ میں ہیں ، انہیں تین چار بار پریس کانفرنس سے روک دیاگیا ، اب مزاحمت کرنے کا پروگرام ہے ، عدالت نے بانی متحدہ کی میڈیا پر تصاویر تقاریر پر پابندی لگا دی تھی ، نوازشریف پر بھی ایسی ہی پابندی لگ سکتی ہے ، چیئرمین نیب کی کھلی کچہری لگانے کے اعلان نے نیب میں موجود دونمبر لوگوں کی نیندیں اڑا دی ہیں، حدیبیہ کیس کھل گیا جس میں پورا شریف خاندان لپیٹ میں آئیگا۔