اسلام آباد (ویب ڈیسک) تحریک لبیک کے مرکزی رہنما پیر افضل قادری کے مطابق تحریک لبیک اور پنجاب حکومت کے مابی معاہدہ طے پا گیا ہے جس کا اعلان آج وزیراعلیٰ پنجاب شہباز شریف بعد از نماز مغرب کرینگے۔ نجی ٹی وی کی ایک رپورٹ کے مطابق پیر افضل قادری نے پنجاب حکومت کے ساتھ معاہدے کی تصدیق کرتے ہوئے کہا ہے کہ وزیراعلیٰ پنجاب شہباز شریف آج بعد از نماز مغرب اہم اعلان کرینگے جبکہ علامہ خادمرضوی اسلام آباد سے دھرنا ختم کر کے لاہور داتا دربار کی جانب گامزن ہیں جس کے بعد وہ بھی یہاں پہنچ کر بڑا اعلان کرینگے۔ پیر افضل قادری نے بتایاکہ اسلام آباد دھرنے کے خلاف کئے گئے حکومت کے آپریشن میں شہید ہونیوالے افراد کے ورثا کی مدد کیلئے حکومت نے پیش کش کی ہے جسے مسترد کردیا گیا ہے۔ تحریک لبیک سمجھتی ہے کہ شہدا کے ورثا کی وارث تحریک لبیک ہے اور ہم خود ان کے تمام معاملات کو دیکھیں گے۔
