لاہور(شوبزڈیسک)معروف سرائیکی فوک گلوکارہ ثمن شیخ نے چار زبانوں پر مشتمل نیا گیت ریکارڈ کرلیا ۔تفصیلات کے مطابق اس نئے ورژن کی ریکا رڈ نگ گذشتہ روز کلک سٹوڈیومیں مکمل کی گئی جسے ریکار ڈسٹ ٹیپو نے ریکارڈ کیا۔ایک ملاقات کے دوران ثمن شیخ نے بتایاکہ یہ گلوکاری میں ایک نیا ورژن ہے جواس سے قبل کسی گلوکار نے نہیں کیا اس گانے میں انہوں نے اردو ، پنجابی،سرائیکی اور پشتو شاعری گائی ہے ثمن شیخ نے کہاکہ امید ہے کہ ان کے پرستاروں کو ان کا یہ نیا سٹائل بہت پسند آئیگا۔ایک سوال کے جواب میں انہوں نے کہاکہ ان کے ابتک بہت زیادہ پنجابی اور سرائیکی گیت مقبول ہوچکے ہیں ان کی کوشش ہوتی ہے کہ وہ اپنے پرستاروں کے لیئے نت نئے آئیڈیاز لے کر آئیں۔ثمن شیخ نے کہاکہ اس گانے کی ریکارڈنگ مکمل ہوچکی ہے جبکہ وہ تین اور نئے گانے ریکارڈ کروانے کے بعد ان کے ویڈیوز تیار کروائیں گی اور انشا ءاﷲ اس ماہ کے آخر تک وہ اس کی لانچنگ بھی کرینگی۔ثمن شیخ نے مذید کہاکہ حکومت کو بھی میوزک انڈسٹری کی ترویج کے لیئے خاطر خواہ انتظامات کرنے چاہیئے کیونکہ مناسب پرموشن نہ ہونے کی وجہ سے پاکستان کا یہ ٹیلنٹ گمنامی میں کھو جاتا ہے۔
