لاہور( شوبز ڈیسک)نامور اداکارہ ثناءنے کہا ہے کہ پاکستانی فلموں کی نمائش کےلئے مقامی سینما کیساتھ بیرون ممالک بھی مارکیٹ تلاش کرنے پر فوکس کرنا چاہیے اور اسی سے ہمارے معیار میں بھی بہتری آئے گی ،فلم انڈسٹری میں اب بھی ایسے لوگ موجود ہیں جو محدود وسائل کے باوجود شاہکار فلمیں تخلیق کرنے کی صلاحیت رکھتے ہیں۔ خصوصی گفتگو کرتے ہوئے اداکارہ نے کہا کہ میرے خیال میں ہم اس طرح اتحاد کا مظاہرہ نہیں کر سکے جس کی ضرورت تھی ۔ حکومت کی جانب سے پالیسی کا اعلان خوش آئند ہے لیکن ہمیں اپنے طور پر بھی اقدامات کرنا ہوں گے تاکہ اس کے جلدنتائج حاصل ہو سکیں۔ ثناءنے کہا کہ بد قسمتی سے آج تک ہم اپنی فلموںکےلئے بڑی مارکیٹ تلاش نہیں کر سکے اگر ہم اس طرف توجہ دیتے تو اس کی وجہ سے وقت کے ساتھ ساتھ ہمارے معیار میں بھی مزید بہتری آنا تھی ۔
