لاہور (مانیٹرنگ ڈیسک) سابق ٹیسٹ کرکٹر طاہر شاہ نے کہا ہے کہ ان کے خیال میں محمد حفیظ کو ٹیم کے ساتھ لیکر نہیں جانا چاہیے تھا بلکہ اس کی جگہ کوئی نیا لڑکا لے جاتے۔نوجوان پلیئرزکوزیادہ سے زیادہ مواقع دینے ہونگے۔ چینل ۵ کے پروگرام گگلی میں گفتگو کرتے ہوئے انہوں نے کہا اظہر یا آغا سلمان کو لے جاتے تو بہتر ہوتا۔ کرکٹر کمنٹیٹر راجہ اسد علی نے کہا ہے اگر حفیظ کھل کر کھیلیں تو رنز کا انبار لگاسکتے ہیں حفیظ دوبارہ اپنی ساکھ بحال کرسکتے ہیں ان کو صرف اپنی کرکٹ کی جانب توجہ دینے کی ضرورت ہے آنے والا ٹور بہت زیادہ اہم ہوگا انہوں نے کہا کہ ہماری کلب کرکٹ کرپٹ ہوچکی ہے۔