شےخوپورہ(بیورورپورٹ)پاکستان پیپلز پارٹی نے ضلع شیخوپورہ کے 4قومی اور 9صوبائی حلقوں میں اپنے امیدواروں کی حتمی نامزدگیاں کردی ہیں تاہم حلقہ پی پی 135مریدکے سے کسی امیدوار کو نامزد نہیںکیا گیا 90کی دہائی میںضلع شیخوپورہ کی مقبول ترین سیاسی جماعت پاکستان پیپلز پارٹی 2018کیلئے ضلع بھر سے موذوں اور مضبوط امیدواروں کو سامنے لانے میں ناکام رہی اور زیادہ تر ٹکٹیں پارٹی ورکروں میں تقسیم کی گئیں تاہم حلقہ این اے 122میں سابق ایم پی اے چوہدری محمد جاوید بھٹی اور اسکے صوبائی حلقوں پی پی 141میں طاہر سعید کجر، پی پی 142رانا ممتاز محمود مون خاں، پی پی 143سردار انعام الحق ڈوگر پر مشتمل مضبوط پینل میدان میں اتارا گیا ہے جو جبکہ قومی اسمبلی کے حلقہ این اے 119سے چوہدری صابر علی بھلا ، این اے 120سے چوہدری اختر حنیف کچھہ، حلقہ این اے 121سے سیٹھ غلام رسول، پی پی 136سے سید تنویر شاہ بخاری، پی پی 137سے سید زین بخاری، پی پی 138سے چوہدری یاور الطاف ورک، پی پی 140سٹی شیخوپورہ سے سید ندیم عباس کاظمی حتمی امیدوار ہوں گے۔ ذرائع کا کہنا ہے کہ پاکستان پیپلز پارٹی میں ٹکٹوں کی تقسیم میں تاخیر اس بنا پر ہوئی کہ قیادت یہ آس لگائے بیٹھی تھی کہ مسلم لیگ (ن) اور پی ٹی آئی کی ٹکٹوں سے محروم ہونےوالے امیدوار پیپلز پارٹی میں شمولیت اختیار کریں گے مگر ایسا نہیں ہوا جن امیدواروں کو ٹکٹیںنہیںملیں وہ آزاد حیثیت سے الیکشن لڑ رہے ہیں اور پیپلز پارٹی میںضلع بھر سے ایک بھی شمولیت نہیں ہوئی جس کی بناءپر پارٹی نے اپنے ورکروں میں ہی ٹکٹیں تقسیم کردیں۔
شیخوپورہ: پیپلزپارٹی کے 4 قومی، 9 صوبائی حلقے کے امیدوار نامزد
