لاہور (شوبزڈےسک )فلمسٹار ثناءنے کہاہے کہ مجھے لاہور کی سردیاں اور کراچی کی گرمیاں اچھی لگتی ہیں ،کالا رنگ میرا پسندیدہ ہے اور اکثر تقریبات میں کالے رنگ کے ملبوسات زیب تن کرتی ہوں ۔ انہوں نے خصوصی گفتگو کرتے ہوئے کہاکہ سیاست سے رتی بھر بھی دلچسپی نہیں بس لبوں پر یہی دعا ہوتی ہے کہ جو بھی حکمران ہوں وہ عوام کی خدمت کریں اور عوام کی فلاح و بہبود کےلئے باتیں کرنے کی بجائے عملی اقدامات کرے۔انہوں نے کہا کہ مجھے کالا رنگ زیادہ سوٹ کرتا ہے اور اس لیے میں اکثر تقریبات میں کالے رنگ کے ملبوسات پہن کر شرکت کرتی ہوں ۔ سفید اور کالا رنگ ایسا ہے جس سے انسان کی شخصیت نکھر کر سامنے آتی ہے۔ انہوں نے کہا کہ مجھے شروع سے ہی لاہور کی سردیاں اور کراچی کی گرمیاں اچھی لگتی ہیں ۔ گرمیوں میں کراچی میں سمندر کی ہوا رات کے وقت موسم کو ٹھنڈا کر دیتی ہیں۔ جبکہ لاہور میں صرف گرمی ہی پڑتی ہے اور اسکی راتیں بھی گرم ہوتی ہےں ۔ کراچی والوں کے لئے سمندر ایک تحفہ ہے ۔
