لاہور (مانیٹرنگ ڈیسک) ن لیگ کے جلسے میں کنڈے کے ذریعے بجلی چوری‘ حلقہ این اے 129‘ پی پی 157 میں ن لیگ کے جلسہ میں چوری کی بجلی کا استعمال کیا گیا۔ نجی ٹی وی کے مطابق لیگی رہنما سابق سپیکر ایاز صادق اور سلمان رفیق کے حلقہ میں انتخابی جلسہ میں کنڈے ڈال کر بجلی چوری کر کے استعمال کی گئی۔
لاہور (احسان ناز) حمزہ شہباز اور عائشہ احد کے درمیان صلح کا معاملہ پر اسرار حیثیت اختیار کر رہا ہے۔ بہت سی افواہوں کے باوجود کوئی فریق چیف جسٹس کی موجودگی میں ہونے والی صلح کی شرائط بتانے کو تیار نہیں۔ حمزہ شہباز شریف اور انکی مبینہ بیوی عائشہ احد سال ہا سال سے ایک دوسرے کے خلاف بیان بازی کر رہے تھے چیف جسٹس کی طرف سے عائشہ احد کی درخواست پر حمزہ شہباز کو عدالت میں طلب کیا گیا اور دونوں کی خواہش پر لاہور کے رجسٹری آفس میں کمرہ میں ان دونوں کو مل بیٹھ کر اپنے اختلافات ختم کرنے کا موقع دیا گیا 35منٹ تک ملاقات کے بعد دونوں نے یہ تاثر دیا کہ ان میں صلح ہوگئی ہے جبکہ ابھی تک صلح کی شرائط پر عوام میں طرح طرح کی افواہیں گردش کر رہی ہیں کہا جا رہا ہے کہ عائشہ احد نے 10کروڑ یا 14کروڑ حاصل کر کے صلح کی ہے بعض لوگوں کا خیال ہے کہ یہ اس موقع کے بعد آپس میں میاں بیوی ہیں جبکہ حمزہ شہباز کی طرف سے الیکشن2018کے لیے کاغذات نامزدگی میں دو بیویوں کا ذکر کیا ہے عائشہ احد کا نام اس میں شامل نہیں ہے تو اس موقع پر پھر یہ سوال گردش کر رہے ہیں کہ چیف جسٹس آف پاکستان نے ان فریقین کے درمیان کیا معاہدہ کروایا جبکہ حمزہ شہباز نے ابھی تک عائشہ احد کو کاغذات نامزگی میں اپنی بیوی تسلیم نہیں کیا اس مسئلہ پر خبریں نے عائشہ احد سے رابطہ کیا اور ان سے صلح کی شرائط دریافت کیں جس پر انہوں نے بتایا کہ میں سال ہا سال سے مطالبہ کر رہی تھی کہ اللہ تعالی نے مجھے اس میں سرخرو کیا جب ان سے پوچھا گیا کہ یہ اپکی بات درست ہے کہ آپ اپنے مطالبہ کو منوانے میں کامیاب ہوئی ہیں جو لیکن عوام کے حلقوں میں اپکو حمزہ شہباز شریف کی طر ف سے 10اور14کروڑ روپے ملنے کی افواہیں گزدش کر رہیں ہیں جس کے جواب میں عائشہ احد نے برجستہ کہا کہ میں نے کوئی رقم وصول نہیں کی یہ لغو اور جھوٹ ہے جب ان سے سوال کیا گیا تو پھر حمزہ شہباز نے اپنے کاغذات نامزدگی میں آپکو اپنی بیوی ظاہر کیوں نہیں کیا تو جواب میں عائشہ احد نے یہ سوال آپ حمزہ شہباز سے کریں جبکہ خبریں کے چیف ایڈیٹر ضیاءشاہد صاحب سے ٹیلیفونک بات چیت کرتے ہوئے عائشہ احد نے کہا کہ آپ مجھے اور حمزہ شہباز کو اپنے گھر بلوالیں اور ہمیں آمنے سامنے بٹھا کر پوچھ لیں کہ ہم نے کن بنیادوں پر صلح کی ہے میں تو پہلے بھی آپکے گھر آتی رہی ہوں مجھے تو آنے میں اب بھی کوئی اعتراض نہیں خبریں کے استفسار پر حمزہ شہباز کے قریبی ساتھی عمران احمد گورایا نے کہا کہ مجھے اس معاملے میں مت ڈالیں میں آپکا شکر گزار ہونگا۔
لاہور (مانیٹرنگ ڈیسک) مسلم لیگ کے مرکزی پارلیمانی بورڈ نے مریم نواز کے دو حلقوں سے الیکشن لڑنے کی منظوری دے دی ہے۔ ان میں لاہور کا ایک قومی اور دوسرا صوبائی حلقہ شامل ہے۔ بتایا گیا ہے کہ مریم نواز این اے 127کے علاوہ پی پی 173سے بھی الیکشن لڑے گی۔
اسلام آباد (ویب ڈیسک )تحریک انصاف کے چیئرمین عمران خان نے کہا ہے کہ صرف ایسے لوگوں کو ٹکٹ دیں گے جو انتخابات لڑنے کی سائنس جانتے ہوں گے۔گزشتہ روز ٹکٹوں کی مبینہ غیرمنصفانہ تقسیم کیخلاف بنی گالہ میں احتجاج کرنیوالے کارکنوں سے خطاب کرتے ہوئے عمران خان نے کہا کہ ٹکٹوں کی تقسیم کا مرحلہ دھرنے سے بھی مشکل کام تھا یہ تین ہفتے مشکل میں گزارے، ساڑھے چار ہزار لوگوں نے درخواستیں دیں چند لوگوں کو ٹکٹ ملا اس پر مایوسی فطری بات تھی، ایک ہفتہ مزید بیٹھ کر فائلیں دیکھیں، کئی جگہ سروے کرائے، مجھے کسی کاڈر نہیں، ناانصافی کسی سے نہیں کرنا چاہتا،10 فیصد حلقوں میں مشکل پیش آرہی ہے۔عمران خان نے کہا کہ کئی جگہ پر نئے آنیوالوں کے چانسز زیادہ نظر آرہے ہیں، یہ الیکشن ہم نے جیتنا ہے الیکشن جیتیں گے تو ہی تبدیلی لیکر آئیں گے، پرانے، نئے کی بات نہیں میرٹ کی بات ہے جو الیکشن لڑنے کی سائنس جانتا ہے اسے ٹکٹ دیا جائیگا، اگلے تین دن میں لسٹیں جاری کرونگا، خواتین کو ٹکٹ دینا سب سے مشکل کام ہے، ہم سمجھتے ہیں اسمبلی میں ایسی خواتین آئیں جو قوانین جانتی ہوں۔چیئرمین پی ٹی آئی نے احتجاجی کارکنوں کا شکریہ اداکرتے ہوئے کہاکہ پرامن احتجاج پر کارکنوں کا شکر گزار ہوں، احتجاج ان کا حق ہے، دریں اثناءبنی گالہ میں پانچ روز دھرنا دیئے ہوئے ناراض کارکن چیئرمین کے خطاب کے بعد راضی ہوگئے اور دھرنا ختم کرکے اپنے اپنے گھروں کو روانہ ہوگئے۔
لندن (مانیٹرنگ ڈیسک) سابق وزیراعظم نوازشریف کا کہنا ہے کہ بیگم کلثوم کی طبیعت قدرے بہترہے پر وہ خطرے سے مکمل طور پر باہر نہیںسابق \وزیراعظم نوازشریف نے غیرملکی نشریاتی ادارے سے بات کرتے ہوئے کہا کہ کاش میں جمعرات سے پہلے اہلیہ کے پاس لندن آجاتا تو بہترہوتا، اس وقت وہ کم ازکم اپنے ہوش و حواس میں تھیں، کلثوم نوازکی طبیعت اب قدرے بہترہے تاہم اب بھی وہ مکمل طور پرخطرے سے باہرنہیں ہیں۔ بی بی سے کے نامہ نگارسے بات کے دوران سابق وزیراعظم کا کہنا تھا کہ ان کی اہلیہ کے لیے دعا کی جائے اوراللہ سب کی خیرکرے۔ کلثوم نوازکے دونوں صاحبزادے حسن اورحسین مسلسل ان کے ساتھ ہیں تاہم نوازشریف اوربیٹی مریم نوازاسلام آباد کی احتساب عدالت سے اجازت ملنے کے بعد جمعرات کولندن پہنچے تھے۔ واضح رہے کہ بیگم کلثوم نواز کوکینسر کی تشخیص ہوئی تھی جب کہ گذشتہ جمعرات کوان کی صحت دل کا دورہ پڑنے کے بعد مزید بگڑ گئی تھی۔
ممبئی(شوبزڈیسک) بالی وڈ کے مشہور اداکار سنجے دت کی زندگی پر بننے والی فلم سنجو کے ٹریلر کے بعد گانا روبی روبی ریلیز کر دیا گیا ہے جس نے اسی کی دہائی کی یادیں تازہ کردی ہیں۔ بھارتی میڈیا کے مطابق فلم سنجو کا گانا روبی روبی گلوکار ششوانت سنگھ اور پوروی کوتش نے گایا ہے، گانے کو اے آر رحمان نے کمپوز کیا ہے اور اس کے بول ارشاد کامل نے لکھے ہیں۔فلم سنجو کا گانا روبی روبی اسی کی دہائی کے پاپ گانوں کی یادیں تازہ کر رہا ہے۔واضح رہے کہ فلم میں سنجے دت کا مرکزی کردار اداکار رنبیر کپور نبھا رہے ہیں ۔
۔جب کہ ان کے والد کا کردار اداکار پریش راول کریں گے۔ فلم کی کاسٹ میں منیشا کوئرالہ، دیا مرزا، سونم کپور اور وکی کوشال بھی شامل ہیں جب کہ فلم میں انوشکا شرما مہمان اداکار کے طور پرشرکت کریں گی۔راج کمار ہیرانی کی ہدایات میں بننے والی فلمسنجو رواں ماہ 29 جون کو سینما گھروں کی زینت بنے گی۔
لاہور(شہزاد فراموش سے)اداکارہ سورن لتا برصغیر کی فلمی دنیا میں بلاشبہ ایک بڑا نام تھا جو اپنے وقت کی سپر سٹار رہیں ۔انہوں نے فلمی سفر کا آغاز 1942ءسے کیا 1950ء اور 1960ءکی دہائی کی مشہور ترین پاکستانی اداکارہ تھیں۔ سورن لتا2 194ء میں ہندوستان کی فلموں میں قدم رکھا اوربہت جلد مقبولِ عام اداکارہ بن گئیں۔ پاکستان بنا تووہ یہاں کی فلمسازی اور اداکاری کے بانیوں میں شمار ہوئیں۔ انہیں پاکستان کی پہلی پنجابی فلم ” پھیرے“ میں کام کرنے کا شرف بھی حاصل ہے۔وہ1924ءمیں راولپنڈی میں پیدا ہوئیں اوران کا انتقال84سال کی عمر میں 8 فروری 2008ءکوہواگزشتہ دنوں ان کی آٹھویں برسی منائی گئی۔ انہوں نے اپنے مسلم نام سعیدہ بانو کے بجائے سورن لتا کے نام سے فلمی دنیا میں شہرت حاصل کی ۔سعیدہ20 دسمبر 1924ءکو راولپنڈی میں سکھ خاندان میں پیدا ہوئیں ۔1940 ء کے اوائل میں سورن لتا کا خاندان ممبئی منتقل ہو گیا تھا۔ ابھی وہ نوجواں تھیں کہ ا±ن کے والدین کا سایہ سر سے ا±ٹھ گیا۔سورن لتا نے تعلیم مکمل کرنے کے بعد لکھنو¿ میں اکادمی موسیقی میں داخلہ لیا۔ ابتداءمیں وہ سٹیج پر اداکاری کے جوہر دکھاتی رہیں۔ 1942ءمیں پہلی ہندی فلم”آواز“ میں دکھائی دیں۔ 1950ءمیں ہدایتکار نذیر احمد خان سے شادی کی جو بہت اچھے اداکار بھی تھے۔شادی کے وقت انہوں نے اسلام قبول کر لیا اور نام سعیدہ بانو رکھا۔وہ پہلی بار بحیثیت اداکارہ 1942ء میں فلم ”آواز “میں جلوہ گر ہوئیں۔ 1944ء میں وہ ہندوستان کی مقبولِ عام شہرت یافتہ اداکارہ تھی۔سورن لتا نے1942ءسے 1948ء تک 16 برصغیر کی فلموں میں بحیثیتِ اداکارہ کام کیا۔12 اردو زبان کی فلموں اور 4 پنجابی زبان کی فلموں میں کام کیا۔ 1949ءمیںپاکستان میں انہوں نے پہلی اردو فلم ” سچائی“ میں کام کیا اور یہ سلسلہ 1971ءتک جاری رہا۔ 1949ءکی فلم” پھیرے“ سے ا±ن کی پاکستان میں شہرت زبانِ زد عام ہوئی اور اِس فلم نے سینماء پر 20 سال تک راج کیا۔ اِس کے علاوہ” لارے، نوکر، ہیر اور سوال “ا±ن کی مقبول فلمیں تھیں۔ان کی ایک یادگار فلم ا یور ریڈی کی فلم ” نور اسلام تھی جو اسلامی رنگ میں رنگی ہوئی تھی جس میں نعیم ہاشمی ‘ درپن اور نذر نے بھی کام کیا تھا۔اس فلم کو بنانے والے فلمسازجے سی آنند (جگدیش چند آنند) تھے جو اداکارہ کے ماڈرن بالوں کی طرف توجہ دینا شائید بھول گئے تھے یا شائید ہندو ہونے کی وجہ سے ان کا اس طرف دھیان ہی نہ گیا۔تاہم یہ سورن کی ہٹ فلم تھی جس کیایک نعت آج بھی مقبول ہے” شاہ مدینہ ‘ یثرب کے والی“اسی فلم کا یہ گیت بھی بہت مقبول ہوا”یارب تیرے بندے کہاں جائیں‘ بے درد بڑا ہے تیرا جہاں“ 1955ءمیںپاکستان کی پہلی فلم” ہیر“ سے ا±ن کی شہرت میں مزید اضافہ ہوا اس میں ان کے ہیرو عنائت حسین بھٹی تھے اور یہ فلم زبردست کامیاب ہوئی۔ بعد ازاں لارے 1950ء، شہری بابو 1953ءاور بِلو جی 1962ءبھی پنجابی زبان میں ریلیز ہوئیں۔فلم نوکر میں ان کے ہیرو نذیر تھے جن کے ساتھ ان کی شادی ہوئی ۔26 اگست 1983ءکو نذیر کا لاہور میں انتقال ہوا تو سورن لتا نے ا±ن کے بعد 25 سال حالتِ بیوگی میں گزارے۔ 8 فروری 2008ءکو حالت کسمپرسی میں84 سال کی عمر میں لاہور میں ہی انتقال کرگئیں۔سورن لتا نے اپنے پیچھے تین بیٹیاں عصمت مرشد، عفت رشید، طلعت عباسی اور ایک بیٹا اسلم نذیر چھوڑا۔ان کی فلموں کی تفصیل کچھ یوں ہے۔فلم”آواز (1942ئ‘تصویر 1943ء‘پرتگیا 1943ئ‘اشارہ 1943ئ‘ا±س پار1944ء‘رونق1944 ئ‘رتن (1944ئ‘گھر کی شوبھا 1944ئ‘ پریت 1945ئ‘لیلیٰ مجنوں1945ء‘پرتیما1945ئ‘ چاند تارا1945ئ‘وامق عذار1946ءشام سویرا1946ء‘عابدہ 1947ئ‘ گھربار 1948ئ“اورتقسیم کے بعد پاکستانی فلمیں”سچائی 1949ئ‘ پھیرے 1949ء‘لارے 1950ئ‘انوکھی داستاں 1950ئ‘بھیگی پلکیں 1952ئ‘شہری بابو 1953ئ‘خاتون 1955ئ‘نوکر 1955ئ‘ہیر 1955ئ‘سوتیلی ماں1956ئ‘صابرہ 1956ئ‘نورِ اسلام 1957ئ‘شمع 1959ئ‘بِلو جی 1962ئ‘عظمتِ اسلام 1965ئ‘سوال 1966ئ‘دنیا نہ مانے 1971ئ“ شامل ہیں۔
لاڑکانہ( ویب ڈیسک )چیف جسٹس ثاقب نثارنے ایڈیشنل سیشن جج کا موبائل لے کرٹیبل پرپٹخ دیا۔
لاڑکانہ میں چیف جسٹس ثاقب نثارنے سیشن کورٹ کا دورہ کیا اورمختلف سماعتوں کا جائزہ لیا۔ دورے کے دوران چیف جسٹس عدالت نمبر 3 میں پہنچے جہاں انہوں نے ایڈیشنل سیشن جج کا موبائل لیکرٹیبل پر پھینک دیا اورکہا کہ آپ اپنا موبائل گھر پر رکھ کرآیا کریں۔ چیف جسٹس نے پوچھا کہ صبح سے آپ نے کتنے کیسزسنیں، جج نے کہا کہ انہوں نے 3 کیسزسنیں ہیں، جس پر چیف جسٹس نے کہا کہ اتنی سست روی سے کام ہوگا توانصاف کیسے دیا جائے گا۔ سندھ اور پاکستانی کس جانب جارہا ہے، مسنگ پرسن کیسز پر آپ کیا کررہے ہیں، کیسزجلدی نمٹائے جائیں، جوڈیشل سسٹم سے شرمندہ ہوں۔دوسری جانب چیف جسٹس نے جسٹس بارمیں وکلا سے ملاقاتیں کی اورکہا کہ میں آپ کی ہڑتالوں سے گھبرانے والا نہیں ہوں، مجھ پر کوئی فرق نہیں پڑتا ہے، میں اپنی سیٹ چھوڑ کر انصاف فراہم کرنے نکلا ہوں جس میں آپ بھی کلیدی کردارادا کرسکتے ہیں۔
کراچی: پاکستان کی سابق وزیراعظم شہید محترمہ بے نظیر بھٹو کی زندگی پربننے والی فلم پراعتراض اٹھاتے ہوئے ان کی صاحبزادی بختاور بھٹو نے فلم کی ٹیم کے خلاف ایکشن لینے کا اعلان کردیا۔
گزشتہ روزاداکارہ مہوش حیات نے اپنی انسٹاگرام پوسٹ کے ذریعے محترمہ بے نظیربھٹو کی زندگی پر بننے والی فلم میں کام کرنے کی تصدیق کی تھی جس کے بعد یہ خبر محض چند گھنٹوں میں پورے میڈیا پرچھاگئی تھی۔ مہوش حیات کے اس اعلان کے بعد سوشل میڈیا صارفین کی جانب سے بھی ان کے فیصلے کو سراہا جارہا تھا اور کہا جارہا تھا کہ مہوش حیات محترمہ شہید بے نظیربھٹو کی تصویر پیش کرنے کے لیے بالکل صحیح اداکارہ ہیں تاہم بے نظیر بھٹو کی بیٹی بختاور بھٹو کو مہوش حیات اورفلم کی ٹیم کا یہ فیصلہ پسند نہیں ا?یا اورانہوں نے ٹوئٹر پر سخت الفاظ میں اپنی والدہ کی زندگی پربننے والی فلم پراعتراض اٹھایا ہے۔
لاہور(شوبزڈیسک) اداکارنسیم وکی کے بطور پروڈیوسر سٹیج ڈرامہ” عاشق رنگباز نکلا“کی کامیابی پر گزشتہ شب فنکاروں نے تماثیل تھیٹرمیں کیک کاٹنے کی تقریب منعقد کی جس میں چیئر مین تماثیل تھیٹر قیصر ثنااللہ خان ، ناصر چنیوٹی ،امان اللہ ، سخاوت ناز ، جاوید کوڈو ، مہک نور ،نگار چودھری ،فیروزہ علی، حسنہ بھٹی،نمرین بٹ ،موم خان ، رضی خا ن ،ناصر مستانہ ،سرورمیلسی اورنسیم وکی نے شرکت کی۔ اس موقع پر فنکاروں نے ایک دوسرے کوکیک کھلایا اور خوب ہلہ گلہ کیا۔
مصنف وہدایتکار نسیم وکی نے کہا کہ میری کوشش ہوتی ہے کہ اخلاقی حدود میں رہتے ہوئے شائقین کو تفریح مہیا کروں۔
