لاہو ر(شوبزڈیسک ) معروف اداکارہ سجل علی نے گزشتہ روز اپنی 25ویں سالگرہ منائی ۔ سجل علی 17جنوری 1994 کو کراچی میں پیدا ہوئیں ۔ ٹی وی سے اپنے فنی کریئر کا آغاز کیا اور اب تک بے شمار ٹی وی ڈرامہ سیریلز میں اداکاری کے جوہر دکھا چکی ہیں ۔سجل علی واحد اداکارہ ہیں جنہوں نے کم عمری میں سب سے زیادہ شہرت اور مقبولیت حاصل کی اور بھارتی فلم مام میں بھی کام کیا۔آج کل ٹی وی ڈراموں کے ساتھ ایک فلم کے پراجیکٹ میں بھی کام کررہی ہیں۔ اداکارہ نے اپنی سالگرہ کا کیک کراچی میں اہل خانہ اور قریبی دوستوں کے ہمراہ کاٹا جن کی طرف سے انہیں تحائف پیش کرنے کے ساتھ نیک خواہشات کا بھی اظہار کیا گیا ۔
