کراچی(شوبزڈیسک)ٹی وی ،فلم اور تھیٹر کی فنکارہ و ماڈل مہوش حیات نے کہا کہ ٹی وی فنکاروں ،ماڈلز نے انڈسٹری کو نئی زندگی دی، ریمپ پر واک ہر فنکار کی خواہش ہوتی ہے۔فلموں میں کام کرنے کے بعد برائیڈل شو میں ریمپ پر واک کرکے جو پذیرائی ملی اسکا تصور کوئی آئٹم گرل نہیں کرسکتی۔ فلموں کے شیڈول کے باعث فیشن انڈسٹری کو وقت دینا ہر ماڈل و فنکارہ کیلئے مشکل ترین امر ہوتا ہے ۔فلم و فیشن انڈسٹری سے ہم بین الاقوامی سطح پر اپنی شناخت بنارہے ہیں۔ فلم پنجاب نہیں جاﺅ ں گی کی ملک و بیرون ملک کامیابی سے بطور فلمسٹار نئی شنا خت ملی ۔ اب بھی کئی نئی فلموں کی آفرز موجود ہیں لیکن اچھا کردار و جاندار سکرپٹ میری ترجیح ہے ۔ان خیالات کا اظہار انہوں نے گزشتہ روزمیڈیاسے کیا۔ مہوش حیات کا کہنا تھا نامعلوم افراد ، ایکٹر ان لا ،جوانی پھرنہیں آنی اور پنجاب نہیں جاﺅں گی کی کامیابیوں نے مجھے نیا حوصلہ دیا ہے ۔
