لاہور(ویب ڈیسک) بیرون ملک مقیم پاکستانیوںکیلئے خصوصی اسکیم ”پاکستان بناﺅ سرٹیفکیٹ“ کا اجرا 31 جنوری کو کیا جائیگا جس کے تحت سمندر پار رہنے والے بھی پاکستان میں سرمایہ کاری کرسکیں گے۔وزارت خزانہ کے حوالے سے بتایا گیا ہے کہ بانڈز کی مدت 3 سال اور 5 سال ہوگی، 3سالہ بانڈز پر شرح منافع 6.25 فیصد جبکہ 5 سالہ بانڈز پر شرح منافع 6.75 فیصد ہوگی۔ بانڈز بیک وقت پوری دنیا میں موجود پاکستانیوں کیلئے جاری کیے جائیں گے۔وزارت خزانہ کے مطابق یہ اوپن اینڈ ٹرانزیکشن ہوگی اور حجم کا تعین سرمایہ کاروں کے رسپانس کے مطابق طے کیا جائے گا۔”پاکستان بناﺅ سرٹیفکیٹ“ کے علاوہ حکومت کو عالمی مارکیٹ میں مزید ٹرانزیکشن کی ضرورت نہیں ہوگی، یہ سرٹیفکیٹس بیرون ملک مقیم پاکستانیوں کو ان کے نائیکوپ پر دیے جائیں گے۔
’پاکستان بناﺅسرٹیفکیٹ“ کا اجرا 31 جنوری کو کیا جائے گا
