لاہور (ویب ڈیسک) لالی ووڈ کی معروف اداکارہ ریما خان نے ایک انٹرویو میں سنسنی خیزانکشافات کردیے۔ کہتی ہیں فلم انڈسٹری میں ہراساں کیا جاتا ہے۔ حسد اور بغض کے باعث ساتھی اداکارہ نے زہر دینے کی کوشش کی۔ سیاسی جماعتوں کی جانب سے شمولیت کی دعوت کا بتاتے ہوئے ریما نے یہ بھی بتایا کہ عمران خان نے ڈانٹ کر کہا، جو سیاست میں نہیں وہ کچھ نہیں۔ گفتگو کے دوران لالی ووڈ میں خود پر بیتنے والے حالات سے پردہ اٹھاتے ہوئے ریما نے کہا کہ فلم انڈسٹری میں کئی بار ہراساں کیا گیا، شٹ اپ کال دینے پر مجھے کئی فلموں سے نکالا گیا یا مناظر کاٹ دیے گئے۔ میرے اسکینڈلز بنوائے گئے حتیٰ کہ ایک بار میرے گھر پر فائرنگ بھی ہوئی۔اداکارہ نے انکشاف کیا کہ بغض اور حسد کے باعث ایک اداکارہ نے انہیں زہر دینے کی سازش بھی کی لیکن جس اسسٹنٹ کو اس کام کیلئے پیسے دیے تھے ، اسی نے مجھے بتادیا۔ بعد میں صلح ہونے پر میں نے اس اداکارہ سے پوچھا بھی کہ ایسا کیوں کیا؟ میں نے تو کبھی اس انڈسٹری میں کسی کا برا نہیں چاہا۔ریما نے بردباری کا مظاہرہ کرتے ہوئے خود کو زہردینے والی اداکارہ کا نام بتانے سے انکار کردیا۔ریما نے شارٹ کٹ اپنانے والی اداکاراو¿ں کے حوالے سے یہ بھی کہا کہ کچھ اداکارائیں جلد گاڑیوں میں گھومنے لگیں اور ان کے پاس دولت بھی آگئی۔سیاست میں آنے سے متعلق سوال پر ریما نے انکشاف کیا کہ مجھے تمام جماعتوں نے دعوت دی کہآپ ہماری پارٹی میں خواتین ونگ کی چیئرپرسن بن جائیں اور ہماری سوچ کوآگے لے کر چلیں، میرے سب سے اچھے تعلقات ہیں۔ پاکستان تحریک انصاف میں بہت سے لوگوں سے ملاقاتیں ہوئیں لیکن پارٹی میں شمولیت کی دعوت عمران خان نے دی۔ایک بار شوکت خانم اسپتال کی فنڈ ریزنگ تقریب کے دوران میں نے ڈائس پر جا کر کہا کہ میرا کسی سیاسی جماعت سے تعلق نہیں لیکن شوکت خانم اسپتال کیلئے میں ہمیشہ حاضر ہوں جس پر عمران خان نے ڈائس پرآ کر مجھے ڈانٹا اور کہا کہ ”جو سیاست میں نہیں وہ کچھ نہیں“۔ریما نے تفصیلات بتانے سے گریز کرتے ہوئے بس اتنا کہا کہ خان صاحب کے الفاظ بہت تلخ تھے جو میں نہیں بتاو¿ں گی۔اداکارہ نے اپنے عزائم کا اظہار کرتے ہوئے بتایا کہ سیاست میں آئے بغیر ہی انسانیت کی خدمت کروں گی۔
عمران خان نے ڈانٹ کرکہا جو سیاست میں نہیں وہ کچھ نہیں، اداکارہ ریما
