فضا علی نے پہلی فلم ” قاف کنگنا “کی شوٹنگ میں حصہ لیا

لاہور(شوبزڈیسک )معروف اداکارہ فضا علی اپنی پہلی فلم قاف کنگنا کی شوٹنگ میں مصروف ہیں ۔ گزشتہ روز اداکارہ فضا علی نے مقامی فارم ہاﺅس میں فلم کی شوٹنگ میں حصہ لیا اور بڑے پر اعتماد طریقے سے اپنے حصے کے سین کی عکسبندی کروائی جبکہ انکے ہمراہ ساجد حسن ،راشد محمود اور دیگر اداکاروں نے بھی شوٹنگ میں حصہ لیا ۔فلم میں فضا علی ایک ہندو لڑکی انجلی کے کردار میں نظر آئیں گی جبکہ انکے والد کا کردار اداکار ساجد حسن ادا کررہے ہیں ۔ فلم کے رائٹر و ڈائریکٹر خلیل الرحمن قمر ہیں جو اس سے قبل کامیاب ڈرامہ سیریل اور فلمیں بھی بنا چکے ہیں ۔توقع کی جا رہی ہے کہ یہ فلم مکمل ہونے کے بعد عید الفطر پر ریلیز کی جائے گی ۔فضا علی ایک نجی ٹی وی چینل کے مزاحیہ شو کی میزبانی کے فرائض بھی انجام دے ری ہیں۔