لاہور (وائس آف اےشےا) مسلم لیگ (ن) کی رکن اسمبلی حنا پرویز بٹ نے بھارتی اداکارہ پرنکا چوپڑاسے خیر سگالی سفیر کا عہدہ واپس لینے کے مطالبے کی قرارداد پنجاب اسمبلی میں جمع کرادی جس کے متن میں کہا گیا ہے کہ بھارتی اداکارہ پرنکاچوپڑا اقوام متحدہ کے ادارہ یونیسف کی گڈول ایمبیسیڈر ہیں۔ ان کی ذمہ داری انسان دوستی اور غیر جانبداری کا پیغام پوری دنیا تک پہنچانا ہے۔ لیکن اداکارہ نے بھارتی فضائیہ کے حملے کی کھل کر حمایت کی۔ لہذا پنجاب اسمبلی کا یہ ایوان اقوام متحدہ سے مطالبہ کرتا ہے کہ بھارتی اداکارہ پرنکا چوپڑا سے یونیسف کی خیر سگالی سفیر کا عہدہ واپس لیا جائے۔ انسانوں میں نفرت پھیلانے والوں کو ایسا عہدہ دینا انسانیت کی توہین ہے۔
