اسلام آباد (ملک منظور احمد )پا کستان کے صف اول کے گلوکار راحت فتح علی خان نے کہا ہے کہ بطور گلوکار میں دنیا بھر میں اپنے فن کا مظا ہرہ کر کے پا کستان کا سافٹ امیج اجاگر کرتا ہوں پا کستان کی تہذیب و ثقافت بہت پرانی ہے پا کستان کی وجہ سے مجھے پوری دنیا میں جو عزت ملی ہے وہ میں مرتے دم تک فراموش نہیں کر سکتا پا کستان ایک پر امن ملک ہے اور پاکستان کے گلوکاروں اور فنکاروں کو پوری دنیا میں بہت پسند کیا جاتا ہے پوری دنیا میں میرے کروڑوں مداح ہیں آکسفورڈ یونیورسٹی کی طرف سے مجھے ڈاکٹریٹ کی اعزازی ڈگری ملنا میرے لیے بہت ہی اعزاز کی بات ہے اور میں اس اعزاز کو پا کستان کے عوام کے نام کرتا ہوں امریکی سفیر پال جونز کی طرف سے امریکی یوم آزادی کے موقع پر دیے گئے عشائیہ کے موقع پر وہ خبریں سے خصوصی گفتگو کر رہے تھے معروف گلوکار راحت فتح علی خان نے کہا کہ پا کستان کے صوفی میوزک کو امریکہ سمیت پوری دنیا میں بہت پذیرائی حاصل ہے ثقافتی سفارت کاری کے ذریعے پا کستان کا روشن چہرہ ہم پو ری دنیا میں اجاگر کر رہے ہیں ثقافتی سفارت کاری کے ذریعے عوامی رابطوں کو فروغ دیا جاتا ہے گلوکار ر احت فتح علی خان نے ایک سوال کے جواب میں کہا کہ وزیر اعظم عمران خان نے سیاحت کو فروغ دینے کے لیے آن لائن ویزا سسٹم کا اجرا کر کے ایک انقلابی فیصلہ کیا ہے پا کستان کو غیر ملکی سیاحوں کے لیے کھولنا ہمارے ا پنے مفاد میں ہے پا کستان دنیا کا خوبصورت ملک ہے اور اس نئی پالیسی کے ذریعے ہم اپنی سیاحت کی صنعت کو فروغ دے سکتے ہیں ایک سوال کے جواب میں انھوں نے کہا کہ پا کستان نے مجھے جو عزت دی ہے اس کے شکریہ کے لیے میرے پاس الفاذ نہیں ہیں ۔
