کراچی(شوبزڈیسک) تشہیری فلموں کے با صلاحیت ہدایتکار و پروڈیوسر ثاقب ملک نے اپنے کیریئر کی پہلی فیچر فلم ” باجی“ مکمل کرلی اورفلم کو عید الفطر کے بعد 28 جون کو ریلیز کرنے کا اعلان کردیا۔ آج کل مذکورہ فلم کی پوسٹ پروڈکشن کا کام جاری ہے۔ فلم کی کاسٹ میں سینئر و جونیئر فنکارمیرا، نشو، علی کاظمی، عثمان خالد بٹ، محسن عبا س حیدر ، آمنہ الیاس، نیئر اعجاز اوردیگر شامل ہیں۔ آمنہ الیاس کا کہنا ہے کہ سینئر فنکاروں کیساتھ کام کرکے بہت کچھ سیکھا۔ نئی فلم ”باجی “میں میرا اور نشو جی کے ساتھ کام کرکے بہت لطف آیا ،انہوں نے فلموں کی تکنیک کے بارے میں آگاہی دی اوراداکاری کے گ±ربھی بتائے ،جس کے لئے ان کی بے حد مشکور ہوںا۔آمنہ الیاس کا کہناتھاکہ ماڈلنگ کی دنیا میں رنگ جمانے کے بعد اب تک میری 5 فلمیں ریلیز ہوچکی ہیں ۔
آمنہ الیاس اور میرا کی فلم ”باجی “28جون کو ریلیز ہوگی
