اسلام آباد(آئی این پی ) بے نظیر انکم سپورٹ پروگرام سے فائدہ اٹھانے والے سرکاری افسران کیخلاف کارروائی کا آغاز ہوگیا،پہلے مرحلے میں گریڈ17 کے چار افسران کو برطرف کر دیا گیا ہے۔اطلاعات کے مطابق چاروں افسران بیگمات کے نام پر بی آئی ایس پی سے وظیفہ لیتے ہے اور ان کی برطرفی کے نوٹیفکیشن بھی جاری کر دیے گئے ہیں۔نوٹیفکیشن کے مطابق چاروں افسران سے 4لاکھ 40ہزار196روپے واپس لیے گئے ہیں۔ برطرف کیے گئے افسران میں نعمان ذہیم، شفیع اللہ، سید فضل امین اور سبیل خان شامل ہیں۔بے نظیر انکم سپورٹ پروگرام سے بیگمات کے نام پر وظیفہ لینے والے افسران کا تعلق ایبٹ آباد اور ڈی آئی خان سے ہے۔بے نظیر انکم سپورٹ پروگرام کے گریڈ 17کے چار افسران کو برطرف کردیا گیا ،چاروں افسران نے اپنی بیویوں کے نام پر وظیفہ کےلئے بے نظیر انکم سپورٹ پروگرام کے کارڈ بنوا رکھے تھے ،دو افسران کا تعلق ڈی آئی خان جبکہ دو کا تعلق ایبٹ آباد سے ہے ،چاروں افسران سے لاکھوں روپے کی ریکوری کر لی گئی ۔بے نظیر انکم سپورٹ پروگرام کے دفتر سے جاری ہونے والے نوٹیفیکیشن کے مطابق بی آئی ایس پی تحصیل آفس پرووا ڈی آئی خان میں تعینات گریڈ17 کے اسسٹنٹ ڈائریکٹر محمد نعمان ذحیم نے اپنی بیوی مہوش شیرانی کے نام پر بی آئی ایس پی کارڈ بنوا کر مستحقین کے نام پر 1لاکھ 30 ہزار 374روپے نکلوائے اسی طرح بی آئی ایس پی تحصیل آفس سرائے نورنگ میں تعینات اسسٹنٹ ڈائریکٹر شفیع اللہ نے بھی اپنی بیوی طیبہ جبین کو بی آئی ایس پی کے مستحقین میں درج کراتے ہوئے 1لاکھ 28ہزار 874روپے قومی خزانے سے نکلوائے بی آئی ایس پی کے تحصیل آفس ایبٹ آباد میں تعینات اسسٹنٹ ڈائریکٹر سید فضل آمین نے اپنی بیوی سبینہ یاسمین کو بی آئی ایس پی کارڈ بنوا کر دیا اور قومی خزانے سے مستحقین کے نام پر 89ہزار 874روپے نکلوائے جبکہ بی آئی ایس پی تحصیل آفس پلاس میں تعینات اسسٹنٹ ڈائریکٹر محمد سبیل خان نے اپنی بیوی زیتون بی بی کے نام پر بی آئی ایس پی مستحقین کا کارڈ بنوا کر قومی خزانے سے 95ہزار 474روپے نکلوائے بی آئی ایس پی کی جانب سے چاروں افسران کو نوٹس بھجوائے گئے اور کرپشن و بے ضابطگی ثابت ہونے پر نوکریوں سے برخاست کر دیا گیا۔
بینظیر انکم سپورٹ سے فائدہ اٹھانے والے 4سرکاری افسر برطرف،4لاکھ 40ہزار وپے واپس لے لیے گئے
