ویب ڈیسک)سپریم کورٹ نے 196 دہشت گردوں کی رہائی کا پشاور ہائیکورٹ کا حکم معطل کردیا۔تفصیلات کے مطابق سپریم کورٹ کے سینئر جج جسٹس مشیر عالم کی سربراہی میں 3 رکنی بنچ نے کیس کی سماعت کی جس میں ایڈیشنل اٹارنی جنرل عدالت کے روبرو پیش ہوئے۔سپریم کورٹ کے جسٹس قاضی امین نےریماکس دیتے ہوئے کہا کہ فوجی عدالتوں سے ٹرائل کے بعد مجرمان کو سزا ہوئی، ہر کیس کے اپنے شواہد اور حقائق ہیں۔انہوں نے کہا کہ کیا مجرمان رہائی کے فیصلے کے بعد جیلوں میں ہیں؟ جس پر ایڈیشنل اٹارنی جنرل نے کہا کہ مجرمان جیلوں میں ہیں۔اس موقع پر ایڈیشنل اٹارنی جنرل کی جانب سے استدعا کی گئی کہ عدالت پشاور ہائی کورٹ کے فیصلے کو معطل کرےخیال رہے کہ پشاور ہائیکورٹ نے 196 دہشت گردوں کی رہائی کاحکم دیا تھا۔ فوجی عدالتوں میں تمام دہشت گردوں کا ٹرائل ہوا تھا۔بعد ازاں سپریم کورٹ آف پاکستان نے 196 دہشت گردوں کی رہائی کا حکم معطل کرتے ہوئے تمام فریقین کو نوٹس جاری کر دیے ہیں۔عدالت نے وفاقی حکومت سے دہشت گردوں کے مقدمات کی تفصیلات طلب کرتے ہوئے کیس کی سماعت جمعہ تک ملتوی کردی۔
سپریم کورٹ، 196 دہشت گردوں کی رہائی کا حکم معطل
