وزیرِ اعظم عمران خان کی چمن دھماکے کی شدید مذمت

تفصیلات کے مطابق بلوچستان کے علاقے چمن کی مال روڈ پر دھماکے سے 3 افراد جاں بحق جبکہ متعدد زخمی ہوگئے ، دھماکہ اس قدر شدید تھا کہ آس پاس کی عمارتوں کے شیشے ٹوٹ گئے جبکہ متعدد گاڑیاں تباہ ہو گئیں۔زخمیوں کو چمن ڈی ایچ کیو ہسپتال منتقل کردیا گیا ۔دھماکے کی اطلاع ملتے ہی امدادی ٹیمیں اور سیکورٹی فورسز کے دستے جائے وقوعہ پر پہنچ گئے اور قانون نافذ کرنے والے ادارے کے اہلکاروں نے حادثے کی جگہ سے شواہد اکٹھے کرنا شروع کردیے ہیں ۔ علاقے کو گھیرے میں لے کرسرچ آپریشن بھی شروع کردیا گیا ہے ۔پولیس حکام کے مطابق چمن دھماکے کا نشانہ اے این ایف کی گاڑی تھی اور دھماکہ ریموٹ کنٹرول ڈیوائس سے کیا گیا،دھماکے میں اے این ایف فورس کے تین جوان زخمی اور گاڑی تباہ ہوئی ہے۔