لاہور:دورہ انگلینڈ اور دورہ نیوزی لینڈ کے لیے منتخب نہ کیے جانے پر دلبرداشتہ ہو کرٹیسٹ کرکٹر سمیع اسلم نے پاکستان چھوڑ دیا۔
تفصیلات کے مطابق قومی ٹیم میں موقع نہ ملنے پر ٹیسٹ کرکٹر سمیع اسلم نے پاکستان سے امریکہ منتقل ہونے کا فیصلہ کیا۔اس موقع پر ٹیسٹ کرکٹر سمیع اسلم کا کہنا تھا کہ سان فرانسسکو میں پہنچا ہوں،پر امید ہوں امریکہ میں مستقبل بنانے میں کامیاب ہوں گا،میرے لیے پاکستان چھوڑنے کا فیصلہ آسان نہیں تھا، کرکٹ ہی میرے لیے سب کچھ ہے ، گھر کا چولہا بھی جلانا ہے،پاکستان میں مجھے اپنا کوئی مستقبل نظر نہیں آ رہا تھا،میں دو سال دس ماہ بعد امریکہ کی جانب سے کھیلنے کا اہل ہوں گا، ابھی یہاں ڈومیسٹک کرکٹ کھیلوں گا۔
خیال رہے کہ 24 سالہ سمیع اسلم 13 ٹیسٹ اور 4 ون ڈے میچز میں پاکستان کی نمائندگی کر چکے جبکہ سمیع اسلم 2012 کے انڈر 19 ورلڈ کپ میں بابر اعظم کی قیادت میں کھیلے اورسمیع اسلم نے 2014 کے انڈر 19 ورلڈ کپ میں پاکستان ٹیم کی قیادت بھی کی۔
