اسلام آباد: قومی کمیشن برائے اقلیت (این سی ایم) کے چیئرمین چیلا رام کیولانی کا کہنا ہے کہ ہندو اقلیتی برادری کے اراکین جو پاکستان سے ہجرت کرکے بھارت چلے گئے تھے وہ اب ہمسایہ ملک میں انسانی حقوق کی سنگین خلاف ورزیوں کی وجہ سے واپس آنا چاہتے ہیں۔

 کمیشن کے چھٹے اجلاس کی صدارت کرتے ہوئے انہوں نے بھارت پر زور دیا کہ وہ مذہبی اقلیتوں پر ظلم و ستم بند کرے۔

انہوں نے کہا کہ پاکستان میں مذہبی اقلیتوں کو درپیش مسائل کو ریاست کو حل کرنا ہوگااورکمیشن اس سلسلے میں اپنا کردار ادا کرے گا۔

چیلا رام کیولانی کا کہنا تھا کہ ‘ہمیں ملک میں تمام اقلیتوں کی عبادت گاہوں کے تحفظ کے لیے متعلقہ تمام اسٹیک ہولڈرز اور حکام کے ساتھ مل کر کام کرنا ہوگا، اقلیتوں کا تحفظ ریاست کی ذمہ داری ہے’۔

اجلاس میں بھارتی حکومت اور احتجاج کرنے والے سکھ کسانوں پر ہونے والے ظلم و ستم کی مذمت کی گئی، مزید یہ کہ اراکین کمیشن نے نوٹ کیا کہ بھارت دنیا کی سب سے بڑی جمہوریت ہونے کا دعویٰ کرتا ہے لیکن مذہبی اقلیتوں یہاں تک کہ نچلی ذات کے ہندو ہمیشہ وہاں اپنے حقوق سے محروم رہے ہیں۔

انہوں نے کہا کہ بھارت کو انسانی حقوق کی خلاف ورزی بند کرنی چاہیے، ‘ہمارے پاس ان ہندوؤں جو پاکستان سے بھارت ہجرت کرچکے ہیں یہ اطلاعات موصول ہوئی ہیں کہ وہ وہاں انسانی حقوق کی پامالی، امتیازی سلوک، بد سلوکی اور خواتین اور بچوں کے خلاف بڑے پیمانے پر جرائم کی وجہ سے وطن واپس لوٹنا چاہتے ہیں’۔

اجلاس کو بتایا گیا کہ اس کے چیئرمین کی سربراہی میں کمیشن کے اراکین نے سکھر میں قائم سدھو بیلا آشرم کا دورہ کیا اور انتظامیہ سے ملاقات کی۔

انہوں نے کہا کہ آشرم کی عمارت اور دیگر بنیادی ڈھانچہ خستہ حال ہیں۔

علاوہ ازیں اجلاس نے متفقہ طور پر تجویز دی کہ متعلقہ ایجنسیاں آشرم کی جلد مرمت کے لیے ضروری اقدامات کریں۔

اس موقع پر اجلاس کے شرکا کا کہنا تھا کہ یہ بھی ان کی ذمہ داری ہے کہ وہ بین الاقوامی سطح پر پاکستان کے خلاف منفی پروپیگنڈہ کے خاتمے میں مدد کریں۔

مزید برآں قومی اقلیتی کمیشن بل 2020 کے مسودے پر بحث کے دوران اجلاس کو بتایا گیا کہ تمام اسٹیک ہولڈرز سے تفصیلی مشاورت جاری ہے اور اس کے بعد مسودہ بل منظوری کے لیے وفاقی کابینہ کو ارسال کیا جائے گا۔

شرکا کا کہنا تھا کہ اقلیتوں کو قائد اعظم کے وژن اور آئین پاکستان کے مطابق ملک میں ان کے حقوق دیئے جائیں گے۔

کرپشن صرف سرکاری اداروں میں ہوتی ہے ، نیب کا بزنس مین سے کوئی تعلق نہیں ، چینی سفیر نے کہا کہ نیب کا کردارختم ہونے تک وہ کوئی معاہدہ نہیں کریں گے ، قومی احتساب بیورو کو اب بند کرنا ہوگا ، سلیم مانڈوی والا کا اسلام آباد چیمبر اینڈ کامرس کی تقریب سے خطاب

اسلام آباد (ویب ڈیسک ) ڈپٹی چیئرمین سینیٹ سلیم مانڈوی والا نے نیب کو بند کرنے کا مطالبہ کردیا ، انہوں نے کہا کہ ہم نے نیب کو عفریت بنا دیاہے ، قومی احتساب بیورو کو اب بند کرنا ہوگا ، کرپشن صرف سرکاری اداروں میں ہوتی ہے ، نیب کابزنس مین سے کوئی تعلق نہیں ہے ، چینی سفیر نے کہا کہ نیب کا کردارختم ہونے تک وہ کوئی معاہدہ نہیں کریں گے۔تفصیلات کے مطابق اسلام آبادایوان صنعت وتجارت میں تقریب سے خطاب کرتے ہوئے ڈپٹی چیئرمین سینیٹ نے کہا کہ نیب پر میں نے پوزیشن لی ہے کیوں کہ روزانہ کوئی نا کوئی ایسی کال ضرور موصول ہوتی ہیں جو لوگ نیب کا شکار ہورہے ہیں ، لوگ نیب کی وجہ سے ملک چھوڑ کر امریکا اور یورپ چلے گئے حالاں کہ نیب کابزنس مین سے کوئی تعلق نہیں ہے کیوں کہ کرپشن تو سرکاری اداروں میں ہوتی ہے اس لیے نیب کا سرمایہ کاروں کو بلانے کا کوئی اختیار نہیں ہے ، کسی صورت کاروباری طبقےکو نیب کا شکار نہیں ہونے دوں گا۔

انہوں نے کہا کہ چیئرمین نیب درآمدات اور برآمدات کو دیکھنے والے کون ہوتے ہیں؟ نیب کیا آئین سے بالاتر ہے کہ جس کو ہم پارلیمنٹ میں نہیں بلاسکتے ان میں اگرجرات ہے تو پارلیمنٹ میں آئیں کیوں کہ نیب انسانی حقوق کی خلاف ورزیاں کر رہا ہے ، انسانی حقوق کے اداروں سے نیب پر بات کی تو کہتے ہیں اس سے پاکستان بدنام ہوگا۔سلیم مانڈوی والا نے کہا کہ کاروباری طبقے کے لیے یہ ایک موقع ہے کہ وہ کھڑے ہوجائیں کیوں کہ نیب نجی کاروبار میں مداخلت کرنے کے لیے نہیں بنا ، حکومت بزنس کمیونٹی کے مسائل حل نہیں کر رہی ، اس لیے تاجر برادری کے مسائل ہم کمیٹی کے ذریعے حل کریں گے۔