آواران: بلوچستان کے علاقے آواران میں سیکیورٹی فورسز سے مقابلے کے دوران 7 دہشت گرد ہلاک ہوگئے۔   

سیکیورٹی ذرائع کے مطابق بلوچستان میں آواران کے علاقے کلکور میں سیکیورٹی فورسز نے خفیہ اطلاع پر کارروائی کی جس پر وہاں موجود دہشت گردوں نے حملہ کردیا، سیکیورٹی فورسز کی جوابی کارروائی میں 7 دہشت گرد مارے گئے تاہم دہشت گردوں کے حملے میں کسی سیکیورٹی اہلکار کے زخمی یا ہلاکت کی اطلاع سامنے نہیں آئی۔

ذرائع کے مطابق واقعے کے بعد سیکیورٹی فورسز کے مزید دستوں کو طلب کرکے علاقے میں سرچ آپریشن شروع کردیا گیا ہے جب کہ مارے جانے والے دہشت گردوں کی لاشیں آواران کے اسپتال میں منتقل کردی گئی ہیں تاہم ابھی تک ہلاک دہشت گردوں کی شناخت نہیں ہوسکی ہے۔

جی 20 ممالک فرانس‘ چین اور سوئٹزر لینڈ نے قرضوں کی واپسی میں ایک سال کا اضافہ کر کے معاہدہ پر دستخط کردیئے
پاکستان 1.8بلین ڈالر قرض واپسی میں ریلیف کی توقع کررہا تھا۔ موخر قرضوں میں 1.47بلین ڈالر قرض کی اصل رقم اور 323بلین ڈالر کا سود بھی شامل ہے۔
کرونا کے منفی معاشی اثرات سے محفوظ رکھنے کیلئے امیر ترین ممالک کے گروپ نے سہولت کا آغز کیا، پاکستان نے سہولت کیلئے کریڈرز ممبران سے مذاکرتا کیے: ترجمان وزارت اقتصادی امور

وزیراعظم عمران خان کی سربراہی میں پارٹی رہنماؤں اور ترجمانوں کا اجلاس ہوا جس میں وزیراعظم نےپارٹی رہنماؤں، ترجمانوں کو اپوزیشن کی قومی احتساب بیورو (نیب) قانون میں مجوزہ ترامیم عوام کے سامنے لانےکی ہدایت کردی۔

وزیراعظم نے کہا کہ اپوزیشن نے نیب قانون میں ترمیم کی شکل میں این آر او مانگا، اپوزیشن کی تحریک کا دوسرا مرحلہ بھی ناکام ہوگا،  اپوزیشن کی تحریک صرف این آر او کے لیے ہے، اپوزیشن نے 34 نکات لکھ کر ہم سے این آر او مانگا۔

وزیراعظم عمران خان نے کہا کہ اسرائیل کے حوالے سے پاکستان کا واضح مؤقف ہے۔ اجلاس کے شرکاء نے رائے دی کہ نوازشریف اور مولانا فضل الرحمان اسرائیل کو تسلیم کرنے کیلئے کوششیں کرتے رہے جس پر وزیراعظم نے کہا کہ نوازشریف اور مولانا فضل الرحمان کو ہر فورم پر بےنقاب کریں۔

وزیراعظم نے کہا کہ مولانا فضل الرحمان نے اثاثے بنائے انہیں نیب کے سامنے سرنڈر کرنا ہوگا، کوئی بھی قانون سے بالاتر نہیں۔

وزیراعظم عمران خان نے پارٹی رہنماؤں کو متحرک ہونے کی ہدایت اور کہا کہ ہم جہاد کررہے ہیں مافیا ہمارے خلاف پراپیگنڈہ کررہے ہیں۔

احتساب عدالت نے نارووال اسپورٹس سٹی کیس میں احسن اقبال پر فرد جرم عائد کردی۔

لاہور کی احتساب عدالت میں احسن اقبال کے خلاف نارووال اسپورٹس سٹی کمپلیکس ریفرنس پر سماعت ہوئی جس سلسلے میں سابق وفاقی وزیر عدالت میں پیش ہوئے۔

عدالت نے ریفرنس میں احسن اقبال، سابق ڈی جی پاکستان اسپورٹس بورڈ اختر نواز گنجیرا اور سرفراز رسول پر بھی فرد جرم عائد کردی جب کہ ملزمان نے صحت جرم سے انکار کردیا جس پر عدالت نے 12جنوری کو نیب سے گواہ طلب کرلیے۔

عدالت کےباہر میڈیا سے گفتگو کرتے ہوئے احسن اقبال نے کہاکہ خود کو اسپورٹس مین کہنے والے وزیراعظم کے دورمیں کھیلوں کا منصوبہ لگانا جرم بن گیا،  ان جھوٹے ریفرنسز کا مقصد اپوزیشن کی کردار کشی، دباؤ ڈالنا اور تکلیف دینا ہے۔

انہوں نے کہا کہ چیف جسٹس سپریم کورٹ سیاسی کیسزکی کارروائی ٹی وی پر براہ راست نشرکرنے کا حکم دیں،عوام کو پتہ تو چلے کہ عمران خان نیازی کے احتساب کی کتنی ٹانگیں ہیں۔

آرمی چیف جنرل قمر جاوید باجوہ سے پاکستان میں تعینات چین کے سفیر نے ملاقات کی اور باہمی دلچسپی کے امور سمیت دفاعی تعاون پر تبادلہ خیال کیا۔

انٹرسروسز پبلک ریلیشنز (آئی ایس پی آر) کے مطابق چین کے سفیر نے جی ایچ کیو میں آرمی چیف سے ملاقات کی۔

 آئی ایس پی آر کے مطابق ملاقات میں دیگر امور کے علاوہ چین پاکستان اقتصادی راہداری (سی پیک) منصوبے سمیت علاقائی سلامتی کی صورتحال پر بھی بات چیت  کی گئی۔

اس موقع پر آرمی چیف کا کہنا تھا کہ چینی وزیردفاع کےحالیہ دورہ پاکستان سے آئرن برادرز کے تعلقات مزیدمضبوط ہوں گے۔

 آئی ایس پی آر کے مطاب چین کے سفیر نےخطے میں امن و استحکام کے لیے پاکستان کی کوششوں کو سراہا۔

کوئٹہ: اسلامی نظریاتی کونسل کے سابق چیئرمین اور جمعیت علما اسلام کے سینئر رہنما مولانا محمد خان شیرانی نے مولانا فضل الرحمان کو سلیکٹڈ قرار دے دیا۔

رپورٹ کے مطابق مولانا اختر شیرانی کا کہنا تھا کہ پاکستان ڈیمو کریٹک موؤمنٹ (پی ڈی ایم) کے صدر خود سلیکٹڈ ہیں تو وہ عمران خان کو کیسے سلیکٹڈ قرار دے رہے ہیں۔

اُن کا کہنا تھا کہ وزیراعظم عمران خان کی کئی پالیسوں سےہمیں اتفاق ہے۔ مولانا اخترشیرانی کا کہنا تھا کہ ’مولانا فضل الرحمان سے ہمیشہ جھوٹ بولنے کے معاملے پر اختلاف رہا اور آئندہ بھی رہے گا کیونکہ وہ جھوٹ بولنے کے ماہر ہیں،  موجودہ پی ڈی ایم تحریک ذاتی مفادات کیلئےقائم ہوئی کیونکہ اسٹیبلشمنٹ سے ڈیل کیلئے فضل الرحمان جلسے جلوس کررہےہیں‘۔

اُن کا کہنا تھا کہ جمیعت علماء اسلام فضل الرحمان اور جمعیت علماء اسلام پاکستان دونوں علیحدہ گروپ ہیں، کارکنان جے یو آئی ف کو نہیں بلکہ صرف جے یو آئی پاکستان کو جانتے ہیں۔ مولانا اختر شیرانی نے جمعیت علما اسلام کے پرانے اور ناراض کارکنان کو ہدایت کی کہ وہ بلوچستان بھر میں علیحدہ دفاتر قائم کریں کیونکہ جماعت کسی کی جاگیر نہیں اور جو بھی ایسا خواب دیکھ رہا ہے وہ اس سلسلے کو بند کردے اور خواب غلفت سے جاگ جائے۔

مولانا اختر شیرانی کا مزید کہنا تھا کہ جمعیت علما اسلام پارٹی کسی کی جاگیرنہیں، یہ ہماری اپنی جماعت ہے تو پھر علیحدہ گروہ کیوں بنائیں؟ فضل الرحمان پارٹی پر قابض ہیں اُن کا قبضہ ختم کروائیں گے، حافظ حسین ہمارے ساتھی ہیں، ہمارا کارکنان سے رابطہ ہے اور جدوجہد بھی جاری ہے،ہر ضلعے میں کارکنان متحرک ہوں گے اور دفاتر بھی قائم کریں گے۔